ياوجد حالي على قلبا تعلق بها
بعد سبع شهور قبل تخرج البنات ب يومين (هيام وفجر وحنين من الثانوي )
بالسوق
هيام : بنات شرايكم نفترق عشان نخلص اسرع انا ابي ميكب وفستان وكعب وحاجات لو مشينا مع بعض بنخلص بوقت اقل
فجر : اي والله انك صادقه اجل انتبهو للجوال تمام
حنين : تم تم يلا تسوق موفق
.........
راشد : اسمع ذيب وصلت انت صح
ذيب : ايه وصلت البيت ليه
راشد : طلبتك ماتردني
فز ذيب : والله انه تم
راشد ضحك : كويس حلفت اجل تعال للبنات بالسوق لين يخلصون ورجعهم
ذيب : الله يلعنك ماني جاي احترم اني تعبان على الاقل ودوبي راجع
راشد : انا طلعت من مواقف المول لو يموتون ماني راجع انا بدق على فجر اقلها بكيفك تجيبهم انت ولا يرجعون مع اوبر
ذيب : والله لا اوريك اذا قابلتك اصبر بس
ضحك راشد وقفل الخط وطلع من مواقف المول او بالاصح من المول بكبره
ذيب اخذ له شور سريع ولبس شورت اسود وبلوفر اسود ونثر شعره وطلع من البيت وقابله نايف
نايف : اوب اوب على وين يالحلو
ذيب : نكبني راشد الله ينكبه شايل البنات السوق وطلع يقول انت جيبهم
نايف : يلا اجل بروح معاك انتظرني ببدل ملابسي واجيك
ذيب اشر له بيده كذا 👍🏻 وركب السياره يتصفح جواله
نايف طلع يبدل ملابسه فتح الدولاب وحصل شورت اسود وبلوفر اسود ضحك وقال : يلا خلنا نطقم
تعطر ونزل له
ذيب : شعندك ياقلود لابس زيي
نايف : طاحت عيني عليه قلت خلينا نطقم معه
ذيب ابتسم : ايه كويس
عند البنات
فجر رسلت بالقروب : بنات ترا ذيب الي بيرجعنا
حنين : ليه وين راح راشد
فجر : والله مدري بس دق علي ذيب يقول حاولو تخلصون بسرعه لانه تعبان دوب رجع
هيام : تمام باقي لي ادور الكعب وخلاص
حنين : انا خلصت
فجر : كويس نتقابل عند بوابه ٣
هيام وحنين : تم
......
بعد ساعتين
ذيب : ماخلصتو خمجت بالسياره انا
فجر : باقي هيام انا وحنيني خلصنا
ذيب : طيب تعالو اركبو السياره فيه نايف معاي انا بنزل اخذ لنا قهوه
فجر : تمام
......
عند شخص ثاني
عزام دق على فارس : اسمع العيال متفقين يتجمعون بالاستراحه
فارس : طيب داري انت وينك
عزام : باخذ لي قهوه و اطلع
فارس : اعجل طيب
.....
طلب ذيب قهوته وينتظرها تجهز ووراه عزام جالس يطلب
ذيب : فجرر
فجر : نعم وش احنا بالسياره
ذيب : كلكم ؟
فجر : لا باقي هيام اقول لك
ذيب : عطيني رقمهاا طيب بدق عليها عشان اشيل الاكياس عنها كمان واضح انها سلحفاه
فجر ضحكت : طيب دقيقه ارسله
رسلت له رقمها ابتسم وسجل اسمها ( هيام 🤍).
دق عليها : الووو !
ذيب : ايه هيام وينك
هيام : ذيب صح ؟
ذيب : لا ذيبه شرايك يعني المهم وينك بجيك اشيل الاكياس عشان تخطين بسرعه
هيام : ياشينك انا عند محل .....
ذيب :كويس اجل على قد البوابه ثلاثه انتي امشي وانا بلحقك اخذ القهوه واطلع
هيام : تمام امشي بشويش يعني
ذيب : لا اسرعي
ابتسمت وقفلت وهو قام يستلم طلبه وماشي لمكان هيام
وهو رايح شافها وابتسم لكن لاحظ وراها عيال و الواضح انهم ماهم ناوينها خير
قرب ذيب اكثر وسمعهم يسولفون فيها
ابتسم ذيب ومسكه مع بلوزته وسدد له لكمه : ياقليل الادب لا تناظر في محارمنا
وبنفس الوقت مسك عزام خويه وسدد له لكمه اقوى : لا تتكلم فيها يالوصخ
أنت تقرأ
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
