ياوجد حالي على قلبًا تعلق بها

بارت ١٨

ياوجد حالي على قلبا تعلق بها
.........

أومأت هيام براسها وهي تحس بتعب وغمضت عينها لاجل ترتاح وطلع ذيب يدق على اهل بيته يبشرهم ورايح لدكتور الي ناداه

دخل ذيب على الدكتور وجلس تكلم الدكتور وهو يقول : يمكن تصعب عليها بعض الاشياء بما انها كانت في فتره من الغيبوبه وانتبه لها لاتضغطون عليها واضح انها عانت صدمات كثير اتمنى تحطها بعيونك وتداريها وانا ك دكتور انصحك تاخذ زوجتك تاخذ لها جلسات نفسيه افضل لها ولا تشيل هم احنا معاك وبنسادك بس نحتاجك انت بعد كزوج لها تساندها

فكر ذيب بكلام الدكتور وهل فعلا هي تعاني هالقد محد يعرف كميخ الالم الي بقلبها و الواضح انها ماتخطت صدماتها وفعلا تحتاج طبيب نفسي لكن خايف من رده فعل هيام وانها تفهمه غلط بس قرر بعدين انه يفكر بذا الموضوع ويحاول يفتحه معاها بهدوء وبوقت انسب
....................
مسك جواله ودق على ابو هيام اول شي
ابو فهد : هلا يوليدي سم وش بغيت بذا الوقت بخير
ذيب ابتسم : خير خير ياعمي عندي لك بشاره
ابو فهد : وشهي بشارتك قلها
ذيب : بنتك
ابو فهد : شفيها
ذيب : بنتك قامت من غيبوبتها والحين بخير وصحه وسلامه
ابو فهد : حلفتك بالله يذيب انت صادق بالي تقوله
ذيب : اي والله ياعمي اني صادق
ابو فهد : الحمدالله الحمدالله

ومن سعادته قفل الجوال ومو قادر يتحرك من مكانه
دخلت عليه حور بكاسه المويا
حور : ابوي وش فيه مبتسم كذا
ابو فهد : اختك اختك قامت
حور طاحت الكاسه من يدها وصرخت وهي تقول : يمه يايمه هيام قامت قامت
ام فهد طاحت تبكي وتشكر ربها وتحمده انه رجع لها بنتها

اما عند تركي الي كان داخل يوقف سياراته ويحاول يصحي ب اياد جنبه بن انفجع من فزه اياد ورجفته
تركي : ولد شفيك
اياد : هيام
تركي : شفيها هيام
اياد : شفتها بحلمي انها صحيت ياتركي
تركي : سم بسم الله والله يطمننا برجوعها

رفع اياد يده يحرك شعره يمين يسار وهو يدعي من قلبه وحاول يمسك دموعه اخته توامه الي من يوم ماجات وهو فرحان وطاير فيها وكيف مايفرح كان كل يوم يتمنى اخته ترجع لهم ويوم رجعت تشقق قلبه من الفرحه ودلعها وشالها بين عيونه ماهو سهل عليه يشوفها بغيبوبه ماتتحرك ولا تتكلم صعب جدا الشعور عليه وعلى اهله

........
دخل تركي ووراه اياد وانفجعوا يوم سمعوا صوت صياح ركض تركي عكس اياد الي جات براسه فكره وحده بس ( هيام ماتت ) بس ينتظر يسمعها منهم وانصدم من الي سمعه

تركي : يمه يمه شفيك تصايحين كذا انتو بخير
ام فهد مسكت تركي وحضنته : تركي ياتركي
تركي : يامهجه قلب تركي انتي سمي يمه وش فيكم
ام فهد : اختك هيام قامت قامت ياتركي قامت
تركي : الحمدالله على رجوعها لنا الحمدالله طمنت قلوبنا الحمدالله