လျှို့ဝှက်ဆန်းပြားလောက〘Uni+Zaw〙

တစ္ဆေမျက်လုံး (၂)

ရှောင်ချန်း ကမအံ့ဩပေ။

သူ့ယင်စွမ်းအင်က အရမ်းများပြားပြီး တစ္ဆေတွေအတွက် အရမ်းကောင်းသည်။ သို့သော် သာမန်တစ္ဆေတွေက လူတွေအား အန္တရာယ်မပြုနိုင်ပေ။ ကျင့်ကြံနိုင်ပြီး နာကျည်းသည့် တစ္ဆေမျိုးလောက်သာ လူတွေကို အန္တရာယ်ပြုနိုင်ပေမဲ့ သူတို့က အနည်းငယ်လောက်သာ ရှိကြသည်။

ထိုအကြောင်းကို တွေးလိုက်ရင်း ရှောင်ချန်း ရဲ့အမူအရာက အနည်းငယ် အေးစက်သွားခဲ့သည်။

သူက တစ္ဆေတွေကြောင့် ကြောက်လန့်မှုဖြင့် အသက်ရှင်ခဲ့ရသည်။ သူ့တွင် တစ္ဆေတွေအား မြင်နိုင်သည့် မျက်လုံးရှိနေတာကို တစ္ဆေတွေ သိသွားခဲ့ရင် ထိတ်လန့်စရာကောင်းပြီး သူနဲ့ရင်းနှီးဖို့ လုပ်လာကြလိမ့်မည်။ သူ့ထူးခြားသည့် စွမ်းရည်အား သူ့ပတ်ဝန်းကျင်မှ လူတွေသိသွားခဲ့ရင်လဲ သူ့အား စိတ်ပိုင်းဆိုင်ရာ မကျန်းမာဘူးလို့ ထင်ကြပြီး သူ့မိဘတွေတောင် သူ့ကို စွန့်ပစ်လိမ့်မည်။

သူက ကြည့်ကောင်းတာကြောင့် သူ့အား မြင်လိုက်သည့် လူတိုင်းက မွေးစားချင်ကြမှာ ဖြစ်နိုင်ပေမဲ့ ရလဒ်ကတော့ အတူတူပဲ ဖြစ်နေလိမ့်မည်။ သူက မိဘမဲ့ဂေဟာဆီ ပြန်သွားရပြီး ထပ်တလဲလဲ အဆုံးမသတ်နိုင်သည့် မျှော်လင့်ချက်တွေကို ကြုံတွေ့ခံစားရပြီး စိတ်ဓာတ်အား တဖြည်းဖြည်း ကျဆင်းလာစေလိမ့်မည်။

အစက အကူအညီအတွက် ‌ခေါ်ခဲ့သည်။ သူကြောက်ပေမဲ့ နောက်ပိုင်းတွင်တော့ သူက ဂရုမစိုက်၊ ထုံကျဉ်လာပြီး သူ့ကိုယ်သူတောင် အလုံးစုံ ပိတ်သိမ်းထားခဲ့သည်။

ထိုနေ့မတိုင်ခင်....

ထိုလူနဲ့ သူမတွေ့ခင်အထိ။

ထိုအကြောင်းကို သူတွေးလိုက်ချိန်တွင် ရှောင်ချန်း ရဲ့နှုတ်ခမ်းထောင့်က အနည်းငယ် ကွေးသွားခဲ့သည်။

သူ့အလင်းရောင်လေးကို မြင်ခဲ့ရသည်။

ထို့နောက် အလင်းရောင်လေးက သူ့မှေးမှိန်နေသည့် မျက်လုံးတွေအား တောက်ပလာစေသည်။

“အရမ်းအရသာရှိပုံပဲ” ဗိုက်ပူကြီးက တွဲကျနေသည့် အမျိုးသမီးက တင်းမာနေသည့် မျက်နှာထားဖြင့် ရှောင်ချန်း ဘေးတွင် လှည့်ပတ်နေပြီး ရှောင်ချန်း ကတော့ လက်သီးကို တင်းတင်းဆုပ်ထားခဲ့သည်။ သူ့မျက်နှာက ဘာမှမမြင်ရသလိုမျိုး ရှေ့ကိုသာ ဆက်လျှောက်လိုက်ရင်း သူ့နောက်တွင် တောက်လျှောက် လိုက်လာကြသည့် တစ္ဆေတွေအား မမြင်ဟန်ဆောင်နေခဲ့သည်။