“ ဟူတ်တယ်…ကိုယ်မင်းကို ကောင်းကင်နန်းတော်ကို ပြန်ပို့ပေးမလို့လေ။”
ရှန်းဝူပိုင်၏အပြောကြောင့် နျူးက သူ၏ခေါင်းကို ဖြည်းညှင်းစွာ ခါသည်။ သူ ယခင်ကလိုသာ အားအင်တွေအများကြီးရှိမည်ဆိုပါက သူအမြန် သွက်သွက်လက်လက် ပြောပြပြီး သူကိုယ်တိုင်ပင် အလိုရှိရာကို လုပ်ဆောင်လိုက်မည်ဖြစ်သည်။ သိူ့သော် ယခုအခါက မတူ။ သူတို့ကြည့်ရသလောက် ကောင်ကင်တံခါးဝနှင့် သိပ်မဝေးတော့သည့် နေရာကိုပင်ရောက်နေချေပြီမို့ မိစ္ဆာတိုင်းပြည်နှင့် ဝေးလာချေပြီ။ သူ့တွင် ပြန်သွားဖို့ အားမရှိတော့ချေ။ ထို့ကြောင့် သူ့ကိုယွင်းရန်လက်ထဲမှ ခေါ်လာခဲ့သည့် ကောင်းကင်မင်းကြီးကိုသာ တာဝန်ယူခိုင်းမှဖြစ်လိမ့်မည်။
“ ကောင်းကင်မင်းကြီး…… ကျေးဇူးပြုပြီး….ကျွန်တော့်ကို မိစ္ဆာတိုင်းပြည်ကို… ပြန်ပို့ပေးပါ။ ကျွန်တော်… မိစ္ဆာဘုရင်ကြီးဆီကနေ …သိရမဲ့အဖြေတစ်ခု…ရှိနေတယ်။”
“ မင်းအခု ချက်ချင်း နောက်မကျခင် အဆိပ်ဖြေဖို့လိုတယ်။ အဲ့တာတွေကို နောက်မှ လုပ်လို့မရဘူးလား။ ကိုယ်ဖြေဆေးရထားပြီးပြီ။ အဲ့တာကြောင့် မင်းကို လာခေါ်တာ…”
“ ကျွန်တော့်ကို သူ့ဆီ…လိုက်ပို့ပေးပါ။”
နျူးက ထူးခြားပြီး စွမ်းအားကြီးသည့် သူတယောက်တော့ ဟုတ်မနေပေမဲ့ သူက တခါတလေမှာ အရမ်းခေါင်းမာတတ်သည်။ သူလုပ်ချင်သည့်အရာဆိုလျှင် ယခင်ကတည်းက လောင်ရဲ့ပင် တားလို့ရခဲ့တာမဟူတ်။ လောင်ရဲ့ ဆူလည်း သူကတော့ အဆူခံပြီးကို လုပ်ခဲ့တာဖြစ်သည်။ နောက်ဆုံး တခေါက် သူတို့နှင့်မကပတ်သတ်ဖို့လောင်ရဲ့က ကတိတောင်းခဲ့ပေမဲ့ ဤတခေါက်တွင်လည်း သူတည်နိုင်တော့မည်မဟူတ်ချေ။
ရှန်းဝူပိုင်ကတော့ နျူးက မည်သိူ့မျှ သူပြောသည်ကို နာခံလိမ့်မည်မဟူတ်ကြောင်း သိသွားပူံရသည်။ သူအနည်းငယ်မျက်နှာက ပျက်ယွင်းသွားပြီး မသိမသာ လက်သီးဆုပ်လိုက်မိသည်။ နျူးကတော့ သူ့ခေါင်းကို ခတ္တငုံ့ရင်း
“ တကယ်လို့…တကယ်လို့… ဒါကသာနောက်ဆုံးဖြစ်ခဲ့မယ်ဆိုရင်… လောင်ရဲ့ကို ကျွန်တော်က… ကျေးဇူးတင်ပါတယ်ဆိုတဲ့အကြောင်း ကျွန်တော့်ကိုယ်စား... ကျေးဇူးပြုပြီး…… ပြောပေးပါ။ “
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
Part 31**
Start from the beginning
