Beat of Mellow Hearts (Band Series #2)

Chapter 8 (What If)

Mapayapa lang akong nakaupo sa folding chair habang umiinom ng tinimpla kong gatas. Hanggang sa magpakitang muli ang haring araw ay gising na gising pa rin ang kaluluwa ko kaya buong magdamag lang akong nakatulala sa kawalan.

"Good morning, my princess," My Dad greeted as soon as he came out of the camping van with Mom.

"Good morning Dad," bati ko pabalik at humigop muli ng gatas. Dahil sa lamig ay ginagawa ko na ring hot compress ang mug na hawak ko.

"Did you sleep well?" tanong ni Mom at nilapitan ako.

"Yes I did," I answered with a fake smile for her not to worry about me. Lagi ko na lang kasi sila pinag-aalala sa kundisyon ko kaya minsan nagsisinungaling na lang ako.

Pumwesto si Mom sa likod ko para taliin ang magulo kong buhok. She tied it into a pucca hair style na lagi niyang ginagawa sa tuwing nakikita niyang nakalugay ang buhok ko.

Nagmumukha nga akong bata na walang kamuwang muwang sa mundo sa tuwing tinatalian ako ni Mom. Hindi na ako umangal pa dahil naging libangan niya na rin naman ito magmula pa nung bata ako.

"What do you wanna do today?" she asked again.

"Hmm.." Saglit pa akong napaisip kung ano bang ganap namin ngayong araw.

"I want to try fishing as well," nakangising saad ko at tumingala para makita ang reaction niya. Sila lang kasing dalawa ni Dad ang sumubok non at kinalimutan kaming mga anak eh. Kung may husband time, dapat mayroon ding children time.

She pushed my face down as she chuckled.

"Napakaselosa mo talaga, ano?" aniya kaya napangiti ako ng malawak dahil alam ko naman iyon sa sarili ko.

"Manang-mana nga sayo eh," untag pa ni Dad habang inihahanda ang mga gagamitin sa pagluto. Napatawa na lang kaming dalawa.

Nang matapos si Mom sa pagkulikot sa buhok ko ay napapoker face na lang ako dahil sobrang higpit ng pagkakatali niya. Naniningkit tuloy ang mga mata ko.

Pumunta siya sa harapan ko para makita ang ginawa niya. She looked very satisfied as if she had done something great.

"Mabuti na lang barbie doll ang pinaglihian ko at hindi ang Dad mo," aniya habang maiiging pinagmamasdan ang buong itsura ko. Dahil sa sinabi ni Mom ay bumasangot ang mukha ng padre de pamilya namin.

"So you're saying I'm ugly?"

"Ofcourse not," malambing na saad ni Mom at lumapit kay Dad. Napailing na lang ako sa kanilang dalawa. Ang aga aga eh naglalampungan na agad ang parents ko.

Feel ko talaga e madadagdagan pa ang pamilya namin ng isang miyembro. Sana naman ay lalaki na this time.

Tumayo na ako at inilapag ang mug sa mesa saka nagstretching.

"Dad, can I borrow your fishing rod?" I asked while rotating my hips.

"You'll go fishing now? Sabay sabay na tayong lahat mamaya," saad ni Mom.

"Tanghali pa magigising ang dalawang matanda na yon Mom. I will go there by myself to freshen up as well," saad ko habang iniikot ang braso ko. Alas singko pa lang kasi ng umaga at rinig na rinig ko ang nagkokompetisyong mga hilik nilang dalawa rito sa labas.

"Here," Iniabot sakin ni Dad ang pagkahaba-haba nitong pamingwit pati na rin ang pain sa isda.

"Do you want me to take you there?" Agad akong umiling.

"No need Dad. I can find the way," ani ko at pinalitan ang suot kong tsinelas ng sapatos.

Paalis na sana ako nang magsalita muli si Mom. "Where's your watch?" tanong niya kaya napatingin rin ako sa wrist ko.