Near the love (Complete)

Near the Love 53

"ဗိုက်ဆာနေပြီလား"
"ဟီးးးဟုတ်" သွားတန်းလေးတွေပေါ်တဲ့အထိပြုံးရယ်ပြသူကြောင့် လွန်းထက်သာ သဘောကျသွားကာ ခေါင်းလေးကိုပွတ်ရင်း
"ဘာစားမလဲ"

"မုန့်ဟင်းခါး...."
"Ok သွားမယ်"

လမ်းဘေးနားမှာရောင်းတဲ့ မုန့်ဟင်းခါးမှ စားချင်နေသူကြောင့် လွန်းထက်သာ ရှာရပြန်သည်။ နောက်ဆုံးတော့ လူတွေစည်နေတဲ့ လမ်းဘေးနားက မုန့်ဟင်းခါးဆိုင်မှာ နှစ်ယောက်သား အားရပါးရ ထိုင်စားတော့သည်။

ပြီးနောက် အိမ်အတွက်လဲ ဝယ်စရာရှိတာမို့ Market ထဲသို့ဝင်ကာ စျေးဝယ်ထွက်ကြလေသည်။
နေ့ခင်းလဲရောက်နေပြီမို့ ထူးစစ်သော် သဘောအတိုင်း Hot pot ဆိုင်သို့ဝင်ကာ စားကြလေသည်။

ပူပူစပ်စပ်ကိုမှ တရှူးရှူးစားနေသူကြောင့် လွန်းထက်သာ လဲ အအေးခွက်ကိုင်ကာ ဂရုစိုက်နေရသည်။ တားချင်သော်လဲ စားနေရသောကြောင့် စိတ်ချမ်းသာနေပုံပေါ်တာကြောင့် မတားရက်ပြန်.....

စားသောက်ပြီးတာနဲ့ Games စက်တွေနားရောက်သွားကာ နှစ်ယောက်သား အားရပါးရဆော့ကြပြန်သည်။

ပြုံးရယ်ရင်း ကလေးတစ်ယောက်ပမာ ဖြစ်သွားသော ထူးစစ်သော် ကိုကြည့်ရင်း လွန်းထက်သာ မှာ ပီတိတွေဖြစ်နေလေသည်။

ဆော့လို့လဲဝကော ဗိုက်က တစ်ဖန်ပြန်ဆာလာသောကြောင့် စားချင်တာလေးတွေ ရှာဝယ်ပြီး နောက်ဆုံးနေရာဖြစ်တဲ့ အင်းယားကန်သို့....

ရှေ့ကနေပြေးကာ ခုံနေရာဝင်ဦးသောသူကြောင့် လွန်းထက်သာ ကြည့်ရင်းရယ်မိသွားပြန်သည်။ မိမိကတော့ သူစားမယ်ဆိုတဲ့ မုန့်တွေကို ဘယ်ညာဆွဲကာ အနောက်ကနေ လိုက်ရသူပင်....

နေရာရတာနဲ့ ပါလာသမျှ ပါဆယ်မုန့်တွေကို တမြုပ်မြုပ်စားနေသေးသည်။ လွန်းထက်သာ ကတော့ ဘေးကနေ လိုတာတွေလုပ်ပေးနေတဲ့သူကြီးပေါ့...

စားလို့ဝတာနဲ့ လွန်းထက်သာ ပုခုံးပေါ်ခေါင်းမှီကာ
"ဗိုက်ကားသွားပြီ..."
"ဒါဆိုရော့..." ဆိုပြီး ဘယ်အချိန်ကတည်းကရှိလဲမသိတဲ့ အစာကြေဆေးကိုထုတ်ပေးလေသည်။

"ဟင်..."
"အဲ့လောက်စားထားတာ ရင်ပြည့်ရင်ကယ်ဖြစ်မှာဆိုးလို့။"