Virgin at 30

Chapter 15 Yes or No?

"Sorry."

"Kate -"

"Hayaan mo hindi na kita guguluhin -"

"Katherine -"

"Akala ko kasi -"

"Oo nga!" Nauubusan ng pasensyang bulalas ko. "Hindi pa ba obvious?!" Maang akong napatitig sa kanya. Napalabi siya. "Hindi pa ba halatang gusto rin kita?!"

Mas lalo na siyang napalabi. "Ba't ka galit?" Parang batang hinampo niya.

"Hindi ako galit!" May kalakasang sagot ko.

"See?" A matter of fact na sabi niya.

I rolled my eyes. Hindi ako makapaniwala dito!

"Gustong-gusto ko talaga kapag tumitirik ang mga mata mo." May kapilyaang komento niya.

Napapailing-iling na lang ako. "May pagka-bipolar ka yata e!"

Napakagat siya sa kanyang ibabang labi saka umusod ng higa papalapit sa tabi ko. Muli niyang kinuha ang kamay ko saka ako tinitigan sa mga mata.

"So... tayo na?" May pag-asam sa kanyang mga mata.

Do I like her? Definitely yes. Do I love her? Err... that I don't know.

"Kate..." Bigkas ko. "I like you. I do." Pag-amin ko. "Pero sapat na ba 'yong gusto lang natin ang isa't isa para pumasok tayo sa isang relasyon?" Pagpapaintindi ko. "Hindi ba dapat ang relasyon ay may pundasyon ng pagkakaibigan, pagtitiwala at pagmamahalan?"

Napatango-tango siya ng mabagal. "Okay I get it." Tugon niya. "I understand. Wala pa tayo do'n sa huli." Hinawakan niya ako sa braso at hinaplos-haplos doon. "Pero hindi rin ba sapat na gusto kita at gusto mo 'ko para magsimula tayo ng relasyon? Saka na natin pagtibayin habang magkasama tayo?"

Pinakatitigan ko siya.

"Win... I really like you. I've never felt this before with anyone." Idinikit niya ang mga kamay kong hawak niya sa kanyang labi na tila nakikiusap. "I care for you. Kung pwede lang na araw-araw kitang kasama, mas pipiliin ko 'yon."

"Pwede bang pag-isipan ko muna?" Tanong ko.

"Okay." Mabilis niyang sagot. "Ilang minutes?" Saka siya ngumiti ng nakakaloko.

Natawa ako ng marahan. "Hay naku, Katherine Marie Seinfeld, hindi ko na alam kung anong paniniwalaan ko sayo!"

"Can you let your common sense leave your body even just for once?" Pakiusap niya. "Kahit ito lang?"

Muli akong napahinga ng malalim. "Okay." Agad na nagliwanag ang kanyang mukha ng marinig ang pagpayag ko. "But promise me -"

"I will!" Hindi pa nga ako tapos pero sumasagot na siya. "I promise!"

"Wala pa nga!" Natatawa ako sa kanya.

"I promise, hon. Whatever it is." Saka ako dinampian ng halik sa labi. "You have my word."

We sealed our agreement with a kiss. Marahan ko siyang itinulak ng maramdaman ang kagustuhan niyang mas lumalim pa ito.

"Hindi pwede..." Makahulugan kong sabi.

"Why not?" Akma na sana ulit niya akong hahalikan pero pinigilan ko siya.

"They're listening." Sabay nguso sa pinto.

Saglit lang siyang nalito ngunit nakuha naman din niya agad ang ibig kong sabihin. Ngumiti siya sa akin saka ako dinampian ng halik sa labi.

"Some other time." Nakangiti niyang sabi. "My place maybe?"

Ngumiti na lang ako bilang tugon sa kanya. Magkayakap kaming umayos ng higa para matulog na.

"I like your titas. They're very welcoming and so adorable!" Komento niya.