اسكربتات

اسكربت²⁴

اشتقتله يا أسماء، واحشني أوي ومعرفش هو فين ولا عارفة عنه أي خبر، أنا قلقانة عليه أوي دا مختفي من أسبوع وأنا قلبي بياكلني كل يوم عليه... أعمل ايه في حظي يارب.
_ يابنتي استهدي بالله كدا وبإذن الله تتطمني عليه، هو عشان اترفض مرتين فممكن يكون خد على خاطره وزعل بس هو شاريكِ وهيرجعلك متخافيش.
ببكاء= بس أنا خايفة ليكون خطب واحدة غيري يا أسماء، خايفة ليكون من نصيب غيري، خايفة عشان لو حصل بجد أنا ممكن أروح فيها والله.
_ منهم لله أهلك هم اللي رفضوه وهو مفيهوش أي حاجة وحشة بس نقول ايه.
= أنا مخنوقة، حتى وأنا معاكِ بالليل على السطح بنشم الهوا أهو بس مخنوقة، قلبي مش مطمن وأنا بجد خايفة، خايفة ومرعوبة وعايزة ربنا يطمني عليه في أسرع وقت بجد.
_ اطمني ربنا هيجبر بخاطرك، أنا عارفة زين كويس وبيعافر للي عايزه مش بيفرط فيه بسهولة.
= يارب، يارب يا أسماء، أنا نازلة بقى أصلي قيام الليل يمكن ربنا يستجيب دعواي.
_ هيستجيب إن شاء الله.
"نزلت وصليت قيام الليل وأنا منهارة وخايفة ليكون جراله حاجة ولا خطب واحدة غيري هو لو حصل ساعتها أنا هموت والله خصوصا إني اتعلقت بيه رغم إنه عمره ماتكلم معايا ولا أنا اتكلمت معاه، هحكيلكم الحكاية: شافني مرة وأُعجب بيا واتقدملي عشان عايزني في الحلال مش الحرام زي اللي بيحصل اليومين دول، اتقدم وأهلي رفضوه مرة من غير ما ياخدوا رأيي لإنهم شايفني صغيرة لسة رغم إني عندي ١٨ سنة، اتقدم مرة تاني وبردو رفضوه من برا برا بس أنا قلبي اتعلق بيه خصوصا إنه ملتزم وعارف ربنا وكمان عنده مطعم كبير باسمه وشاريني لكن أهلي مش عايزينه، عرفت بالصدفة من جارتي بتقولي هو إنتِ رفضتي زين ليه دا كويس وكدا قولتلها أنا مرفضتش ومين دا أصلا قالتلي روحي افهمي من أمك، روحت قالتلي عليه وإنهم رفضوه ووروني صورته بس أنا ارتحتله أوي ساعت إما شوفت صورته بس أعمل ايه؟! مستحيل أقولهم إني موافقة عشان حيائي ومستحيل لو قولت كدا هو يرجع لإنه اترفض خلاص، ايه رأيكم في حكايتي؟! بتضحك صح؟!"
-نامي يا إســــراء بقى الفجر هيأذن.
= مش هنام لإني مستنية الفجر أصليه وبعدين أنام.
- ماشي بس متعليش المروحة لتبردي.
= ماشي ياماما.
"دخلت أشوف صفحته على النت وأشوف لو نزل حاجة أتطمن عليه للأسف منزلش، سيبت الفون وقرأت قرآن كتير عشان قلبي يرتاح وبعدها الفجر أذن صليته ونمت لعل بكرا أتطمن"
- يلا يا إســــراء الفطار، يلا يا زفت إنت التاني قوم كل ياللي بتسهر لحد الفجر برا البيت.
"قومت على صراخ ماما المعتاد"
=مليش نفس آكل ومش شبعانة.
-يابت إنتِ دبلتي بعد ما كنتِ زي الوردة المفتحة، ليه بتعملي في نفسك كدا.
بعصبية=معرفش يا ماما، معرفش، ممكن بقى تتطفي النور وتسيبيني أنام ولا ايه؟!
-عوض عليا يارب، رازقني ب٢ اللهم لا اعتراض واحدة معرفش مالها حزينة على عينها ليه والتاني بيسهر لحد الفجر برا، تعال شوف يابو العيال تعالى.
- سيبيهم.
-مشطرك في كدا، إنت اللي دلعتهم وإنتِ اللي خيبتهم وبكرا تندم، أنا سيبالك البيت وماشية أشم هوا أصل أنا اتخنقت.
"أنا تعبت والله، مش عارفة ألاقيها منين ولا منين، أنا ولا عارفة أرتاح ليه، وليه زين أثر عليا أوي رغم إنه مكنش في حياتي ودخلها فجأة ومشي فجأة؟! ليه بجد؟! أنا بعيش أسوأ فترات حياتي"
- تعالي يا إســــراء ياقلب أخوكِ، تعالي أقولك حاجة.
= عايز ايه يالا مني.
- تعالي أقولك حاجة مهمة ليكِ أوي.
= ها، ايه هي؟!
-زين.
بلهفة= ها؟! زين؟! ماله؟؟ إنت شوفته فين؟! كان عامل ازاي؟! كان زعلان؟؟.
- اهدي يخربيتك، اهدي، لأجل إني أخوكِ التوأم اللي بيحبك كنت كسرت دماغك عشان عايزة تتجوزي ومعلقة نفسك بحاجات فاضية بس أعمل ايه بقى إنتِ أختي يعني أتعاطف معاكِ شوية لإني عارف اللي إنتِ فيه دا بسببه.
= لخص بقى.
- أنا شوفته امبارح وهو للأسف خطب واحدة قريبته.
"نزلت دمعة مني غصب عني"
بصدمة= إنت بتهزر؟! قول إنك بتهزر والنبي عشان مايجراليش حاجة.
- للأسف شوفته في النادي امبارح وواحدة ماسكة إيده وبيتكلموا.
بدموع هيستيرية= اااااه يا قلبي، ليه ترفضوه من الأول؟؟ ليه وهو مفيهوش حاجة غلط؟ أهو راح خطب واحدة غير أختك، دا كان فيه كل اللي بتمناه، أنا بتخنق ليه، أ. أ. أ.
بلهفة- إســــراء، إســــراء فوقي، بابااا، بابااا.
- اييه.
- جهز العربية بسرعة، إســــراء أغمي عليها.
"ودوني المستشفى، وعلقت محاليل وضغطي وطي خالص وكنت حرفيًا بموت، أنا ليه بيحصل كل دا معايا؟! ليه أتعلق بواحد عابر؟؟ ليه أتعلق بيه للدرجادي؟؟ وليه أوصل للي أنا فيه دلوقت؟! أنا استسلمت خلاص للتعب النفسي والجسدي"
- إســــراء، فوقي والنبي متسبينيش، أنا أخوكِ اللي كل مصايبنا مع بعض، قومي متحرقيش قلبي عليكِ.
=خف دراما ياض دي شوية محاليل مش عمليات يا أهطل هه.
- أخيرا ضحكتِ، يخربيت جمال ضحكتك يابت ههه.
= أمي فين؟!
-برا هتموت عليكِ، مكنتش أعرف إنها بتحبنا كدا.
= ماهي لو بتحبني مكنتش رفضيته، خلاص بقى اللي حصل حصل.
- هيجيلك اللي أحسن منه يا قردة، إنتِ جايلك عرسان أد كدا مستنيين إشارة واحدة منك ياجمييل.
= نادي للممرضة تشيل الكانيولا دي عشان نمشي.
- ماشي ياقمر.
" حاليا ماشية ومحمد أخويا معايا بس، قعدنا قدام البحر وبشكيله وأحكيله وأفضفض للبحر ولمحمد يمكن أنساه زي ما محمد بيقول بس مش هقدر، روحنا للبيت ومحمد جابلي شوكولاتات كتيير ودباديب ومصاصات وحاجات تانية كتير، فرحت وكنت هموت من الفرحة لإن الحاجات دي بتسعدني أوي"
= شكرا يا أبو حميد والله إنت عسل.
- أي خدمة، تعالي في حضني يا شعنونة.
= تعالى يابو الفلاسفة ههه.
"إما حضنت محمد ارتحت أوي، حسيت إنه سندي في الحياة بعد ربنا وبابا"
= يعني لازم أتعب عشان تجيبلي الهداية دي ههه؟؟
- أهو حاجة بسيطة بمناسبة شغلي الجديد.
=واه شغل ايه ياسطا.
- شركة منتجات غذائية وقبضها زي الفل وعشرة.
= طب كويس، تكوِّن نفسك بقى وتشوفلك العروسة ههه.
- أنا لسة 18 سنة عروسة ايه دلوقت؟ ههه.
= أنا عارفة إنت منمر على مين يابو عمو ههه.
- مين يا فشارة.
= البت جنة بنت خالتك عزة هههه.
بخجل ممزوج بضحك- هههه طب اوعي بقى عشان أدخل أنام عشان تعبان.
= تعباان يا كابتن والله تعبان ههه.
- هاخد الحاجات اللي جبتها دي كلها ومش هتطولي ولا مصاصة.
= جرا ايه يا كبير أنا أختك اللي هتسايس جنة عشان ترضى بردو ههه.
- بالشبشب وفي وشك لو نطقتي حرف تاني.
" دخلت أوضتي أنا التانية ومش عارفة أموڤ أون من زين خالص، بحاول أفرفش عن نفسي بس من جوايا شايلة هم وحزن ملوش حدود"
- إســــراء قومي صلي الفجر.
بنعاس= امممم، هصليه الصبح
- زين.
بلهفة= ها؟
= هههههههههه يلهوي يابنتي بقى لو أمك اللي كانت بتقول مش أنا كان زمانك اتفضحتي هههه.
- أبو تقل دمك يا أخي.
"صليت الفجر ودخلت أشوف بروفايله لقيته بردو منزلش حاجة، طب المفروض ينزل على الأقل خطوبته مش عارفة أنا هنام عشان أنا هتجنن خلاص"
ــــــــــــــــــــــــــــــــــــــــــــــــــــــــ
"في مكان آخر"
- أنا بعاني يا يارا بعاني والله ومش عارف ألاقيها منين ولا منين.
- جرا ايه ياعم ما تجمد كدا وانشف شوية بدل ما إنت عامل كدا.
- مش قادر.... أنا مش عارف أتخيلها لحد غيري، ليه اترفضت؟ فيا عيب؟ شكل وشكلي قمر، فلوس ومعايا ومبسوط، تعليم ومتعلم، التزام وملتزم أعمل ايه تاني يعمي عشان أعجبهم؟
- اهدى كدا طيب عشان أنا عرفت حاجة.
- ايه.
- عرفت إنك لا مؤاخذة ياخويا إنت اترفضت مرتين والبت أساسا متعرفش إلا بعد ما اترفضت إنك كنت متقدم، يعني لا مؤاخذة أهلها اللي رفضوا مش هي.
- متهزريش! يعني مش هي! طب كويس، وبعيدين ايه لامؤخذة دي؟ إنتِ بتكلمي سواق توكتوك!.
- ياعم غور... يا روميو باشا ههه.
ـــــــــــــــــــــــــــــــــــــــــــــــــــــــــــــــ
"عند إســــراء"
=محمد... يامحمد اصحي... قوم بقى.... بقى كدا!.... ماشي، ابلع.
- يابنت ال...
= كمل.. يابنت الايه؟... يابابا تعال شوف ابنك بيشتمك.
-اخرسي، عايزة ايه.
= حلمت حلم غريب.
- دا إنتِ عبيطة بقى!
= اسمعني بس.. حلمت بزين إنه زعلان وإما شافني فرح.
- هاهاهاها.... اقفلي النور وخدي الباب في إيدك.
= يامحمد بقى.
- إســــراء متطلعيه من دماغك بقى خلاص خطب واحدة غيرك وهيكمل معاها حياته، انسيه وابدأي صفحة جديدة وكمان إنتِ لسة صغيرة مبورتيش يعني، وبعدين حاطة حوار الجواز دا في دماغك ليه؟ متفكري في دراستك، عارف إني كلامي جارح بس دي الحقيقة ولازم تتقبليها، مش عايز أسمع رد، روحي ذاكري لجامعتك.
بعيون مغرورقة=تمام يا أخويا.
"روحت أوضتي وكلام محمد عمال يردد في دماغي وانهرت والله ومستغربة هو ازاي شخص عابر يأثر فيا كدا، خلصت عياط ودخلت في غيبوبة نوم صحيت منها تالت يوم من ليلة الانهيار"
= اممم.. هو.. ايه.. اللي.. حصل.
- يابنتي إنتِ بتغلبيني معاكِ ليه وليه بتعملي في نفسك كدا.
- ماما ممكن تهدي شوية.. البت لسة فايقة مش لازم كلامك دا.
- فعلًا مش لازم بس أمك لازم تحط التاتش بتاعها إنت عارف.
= اااه، دماغي تقيلة أوي وحاسة إني مش قادرة أتمالك أعصابي.
-ماهو بديهي لازم كدا ما إنتِ كنتِ هتدخلي في غيبوبة وكان هيجيلك جلطة دماغية بس ربنا ستر.
- ششش محدش يتكلم عشان دماغها مصدعة جامد وهي أصلا مش عارفة هي بتقول ايه فخدوها معاكم البيت ومحدش يدايقها ولو بكلمة فاهمين! أنا دكتور وعارف إن الحالات اللي زي دي بتتعب وممكن تدخل في متاهات وحاجات متعبة.
- تمام يادكتور.
"خدوني معاهم البيت وروحت وحاسة إني هموت وروحي بتتسحب مني وجسمي تقيل، نمت وقومت على صوت خناق، اتسندت وطلعت أشوف فيه إيه فلقيت المفاجأة"
- إنت إزاي تيجي وتخبط وتدخل البيت ياحقير مكفكش اللي عملته فيها.
: أنا معملتش حاجة وانتوا اللي رفضتوني مرتين ومش لاقي عيب فيا إنكم ترفضوني الصراحة.
- جاي تعمل ايييه هنا في بيتي مش إنت روحت لغيرها وخطبت، يلا اطلع برااا يا حقير.
باستغراب: بس بس بس هو ايه اللي خطبت! أنا عمري ما حبيت ولا هحب غير إســــراء وإياك تتهمني بحاجة معملتهاش.
"أنا واقفة مترقبة الموقف من بعيد وشايفة الخناقة بين زين ومحمد وفرحت أوي إنه مخطبش وحاسة إني بقيت فراشة من كتر الفرحة"
- ههه أومال مين اللي كنت ماسك ايدها في النادي يا خفيف.
: نادي؟ ااه دي أختي ياحيوان، كانت بتهون عليا صدمتي وإن اترفضت مرتين.
"يافرحتي اللي مش ساعياني"
- وايه اللي جابك تاني، مش اترفضت.
: جاي أشوف إســــراء لإن من ساعة ماعرفت إنها تعبانة وأنا تعبت، أنا كنت كل يوم بموت وخايف لتروح مني، اطلعي من جوا يا إســــراء أنا عارف إنك سامعاني، أنا جايلك تاني وعايزك في حلالي أنا بحبك يا إســــراء رغم أنف الكل وجايلك من تاني ومستعد آجي لحد ماتوافقي.
"هموت من الفرحة وحاسة إني في حلم، لبست الطرحة وطلعت برا وأنا الفرحة هتنط من عيني، بصيت عليه وهو واقف في نص الصالة ببوكيه الشوكولاتة وباين عليه الخوف من رفضه مرة تالتة، بصيت في عينه اللي مليانة حب وحنين ليا واستجمعت شجاعتي وركنت خجلي على جمب وقولت"
= وأنا موافقة عليك يا زين.
:  لولولولولولي.
= ههههه إنت بتزغرط!
: مش أنا اللي بزغرط.. دا قلبي اللي من كتر الفرحة بيزغرط.
= طب ايه، العيلة واقفة كلها في صدمة.
: محمد أنا آسف بس أنا بحب أختك ومش هقدر أعيش من غيرها، بابا.. أصدي ياعمي إنت أكتر واحد حاسس بيا فبطلب ايد بنتك ليا وأتمنى توافق، ماما.. أصدي ياطنط أنا عارف إن اللي إنتِ اللي رفضتيني مش حد غيرك بس بحبك وبعتبرك أمي وربنا اللي يعلم، أنا بطلب منكم إســــراء تكون ليا في الحلال وأتمنى توافقوا زيها.
" بعد كلام زين معاهم وافقوا، عدا يومين وخطوبتي النهاردة على قرة عيني وحاسة إني بملك الأرض وما عليها من كتر الفرحة"
: بقولك ايه متيجي نكتب الكتاب عشان نعرف نتكلم عشان مش هعرف أتكلم وأنا في خطوبة ههههه، أعتبر الخدود الحمرا موافقة ولا ايه!
= هههه ماشي.
"بعد كتب الكتاب"
: أنا بحبك وبدعي بيكِ من يوم ما كنتِ في اللفة وبحبك بخجلك وبحزنك وبتعبك وبكل شيء وأتمنى تكوني بتحبيني.
= يابني أنا كنت اللي كنت بحبك وتعبت عشانك، أنا بحبك أوي أوي أوي أوي أوي يازيني.
: وزين بيحبك أوي يا ورد.
"تمسَّك بقلبي فإنه يُـحبك"♥
بقلم/إســــراء بدوي|وَرد.