اسكربتات

اسكربت¹²

= بسرعة القطر هيفوتني.
- طيب طيب... ثواني.
= خلصاااااي ياماما.
- خدِ ياختي ويبقى جيبي لإخواتك حاجة حلوة وإنتِ جاية.
= هو أنا رايحة تركيا مثلا! دا أنا رايحة قنا يعني رايحة الصعيد.
- ماشي إما نشوف أخرتها.
= سلام يا سوسو، ادعيلي.
" في محطة القطر"
= يا حوستي يانا يما القطر بيتحرك.
" عاااا دا بيتحرك وأنا بخاف، يارب استرها وفي الوقت دا ظهر شاب وشد إيدي ودخلني"
بعصبية= إنتَ عبيط ولا إيه، إنت إزاي تمسك إيدي كدا.
- والله! يعني كمان القطر كان خلاص آخر عربية فيه بتتحرك وإنتِ واقفة خايفة و بتعيطِ وخدت فيكِ ثواب ودخلتك وفي الآخر تقولي إنت عبيط؟
= إنت ولا أخويا ولا جوزي عشان تمسك إيدي، جتكم القرف مليتوا البلد.
" هو أه لحقني ودخّلني لكن بردو مينفعش يمسك إيدي، حاجة تقرف بجد"
= إيه دا إن شاء الله؟
- إيه!
= إيه اللي قعّدك جمبي هو إنت عايز تتخانق يعني؟
- ملقتش غير المكان دا اللي فاضي وبعدين فكك مني عشان تعبان وعايز أريح شوية وبعدين أصلا إنتِ حاطة شنطتك العِجلة دي فاصل بينا يعني ولا جمبك ولا حاجة ولا إنتِ بتتلككِ عشان تتخانقي!
= مش هرد عليك لإني ميشرفنيش أرد على واحد زيك.
- ماشي.
"دا نام بجد إي دا إي دا، دا نام على شنطة السفر بتاعتي يا حوستااي، شكله تعبان فعلًا، وأنا مالي تعبان ولا متنيل يوووه أصلا لسة باقي أربع ساعات عقبال مانوصل.... إما أنام فيهم"

- يا آنسة يا مفلسة قومي.
= مفلسة؟ دمك تقيل على فكرة.
- شكرًا، القطر خلاص وصل.
" نزلت و... ينهاري على الجمال بجد حاجة في منتهى العظمة، شوف الناس البسيطة ولا الأراضي الزراعية ولا الهوا الرطب، الواد بردو بتاع القطر جه ورايا"
- ايه بتبصي كدا ليه؟
= هو إنت حد مسلطك عليا؟
- لأ.
= أومال جاي ورايا ليه!
- على جمالك يعني اللي بيدلدق ولا إيه! أنا بيتي هنا يما.
= ط طب ممكن تقولي فين بيت الحاج سويلم العمدة؟
- واه دا جدي.
= بتهزر صح! طب هو كان طالب مهندسة وكدا والمهندسة دي أنا، ممكن توصلني ليه؟
- طيب، عدّي الجمايل بقى.
= ممكن لو سمحت تخلص عشان مش عايزة أتأخر على حاج سويلم.
" وصلنا البيت بجد عظمة وتصميمة آخر جمدان، والصعيد جمرر بجد وهحاول أتكلم صعيدي معاهم وكدا لإني بحبهم وبحب كل حاجة في الصعيد"
= يا حاچ أنا إســــراء المهندسة اللي هتصمم الفندج.
- واه تعالي يا بتي ارتاحي من السفر.
- چدي أنا چيت.
- تعالى في حضن چدك يا غالي، غيابك طال المرادي ياولدي.
- الشغل كان كَتير يا چدي وآديني چيت أهه.
" كنت قاعدة أراقبهم لقيت الحاج سويلم بيحب ابن ابنه اللي هو طلع اسمه زين، العيلة تبع الحاج سويلم دي ما شاء الله كبيرة وعنده أولاد كتير وأفاد أكتر، الحاج سويلم حبني ولقيت دا في عنيه وسألت الحاجة اللي هي مراته قال إن كان عنده بنت وماتت نتيجة مرض في الرئة وكان فيها ملامح مني وكدا والزفت أصدي زين طلع دا جده وكمان أربعة وعشرين ساعة هيبقى في وشي وعشان كدا عايزة أخلص تصاميم الفندق عشان أمشيʼʼ
- تعالي يابتي كلي الواكل دا كله ومفيش طلب بيترفض للحاچ سويلم.
= ههه حاضر ياچدي.
" قعدت على السفرة وكنت في قمة الاحراج وكلت الأكل كله عشان كنت جعانة جامد ومهتمتش لزين دا اللي عمال يبصلي من تحت لتحت"
=چدي أنا چيت اهنيه عشان أصمملك الفندج اللي  إنت رايده.
- عارف يابتي وأنا كمان طلبتك بالاسم عشان عارفك شاطرة في شغلك وشغلك بيبجى عال العال.
= تسلملي ياچدي، آنا هبدأ من الوجتي يا چدي.
- اللي إنتِ رايده يا حبيبة چدك.
" في شباب كتير في العيلة منهم زين وعبدالله ومحمود ودول قد بعض وفي مصطفى أصغر منهم بسنة وكمان مصطفى دا بيحب بنت عمه صفا وهي كمان ههه، حبيت العيلة بالله"
- أنا محمود وسويلم يبجى چدي وديه عبدالله ابن عمي وجدّي في السن وإنتِ اسمك إيه عاد.
= اسمي إســــراء وچاية أصمم الفندج اللي چدي عايزه، وسلام عشان هبدأ في تصميه الوجتي.
" الاتنين دول مش مستريحة ليهم وبيبصوا نظرات غريبة كدا، المهم طلعت أوضتي وبدأت أصمم الفندق، وأنا بصممه افتكرت زين وشكله الطول بعرض وبعينه البنية و.... يخرابي أنا بفكر فيه ليه دلوقتي، خلصت تصميم واحد وكنت جايبة معايا تصميمين كنت عملاهم قبل كدا، بعد وقت لقيت جدتي جاية وبتقول"
- يابتي أنا وچدك رايحين مشوار إكده لو حابة تيچي معانا تعالي غيري چو.
= اشطا يا چدة إنتوا جمر ليه إكده والنبي لتاخدي بوسة.
- ههه بس يابتي بوس عاد وياللا عشان منعوّجش.
= ثواني يا چدة هلبس اللبس وچاية على طول.
" لبست في ثواني ولبست الطرحة وكمان طولتها شوية وكنت قمر ههه"
= ها يا چدة عوّجت!
- أبدًا ههه.
" واه دا الواد زين هو اللي بيسوق العربية وعمال يبص عليا من المرايا ابن المرا "
- يابتي هو إنتِ أصلك من مصر عاد؟
= ايوا يا چدي من مصر.
- واه أومال كيف بتتحدتِ زيينا.
= ههه لإني بحبكم يا چدي وبحب الصعيد بناسها الطيبين وبرچالتها ولاد الأصول وبالأراضي الزراعية وبنسمة الهوا اللي ليه طعم تاني، الصعيد دي يا چدي بتخلّف رچالة قد حيلهم اكده ورچالتها هم بس اللي يستحقوا كلمة رچالة، بنات الصعيد بميت راچل، لو جعدْت عمري كله أتحدت عنيكم ماراح يكفيني سنين حديت فيكم يا چدي.
- يسلم فمك يابتي إنتِ والله دخلتي جلبي اكده وحبيتك وربنا يعلم.
= حبيبي يا چدي.
- إنتِ من النهاردة يا إســــراء يا بتي..بتي بچد.
= هههه حاضر يا چدة.
" وكان هناك اللي بيراقب في صمت ألا هو سي زين وبردو وأنا بتكلم أو بضحك كان مركز معايا جدًا وبعدين معاك بقى، روحنا لمكان قمر هو غريب لكن جميل، فيه ورد كتير وأراضي مزروعة وكمان فيه مرجيحة اللي أنا مش هعرف أركبها أصلا ههه! "
= واه إيه المكان دا يا چدي.
- دي أرضي يا بتي وچايين نفك عن نفسينا شوي.
= جول اكده بجى، بس الأرض چميلة جوي.
- چميلة بيكِ يا غالية.
" زين كان بيراقب بس، قعدنا نتساهر وعرفتهم عني وهم كمان وكلنا أكل عسل، المهم بقى جدي حب يشاكس زين شوية ههه"
- مش هتتجوز بجى يا زين ياولدي.
- واه لو عليا هتچوز من الوجت هههه.
- أومال ماخترتش واحدة ليه، شاور بس عليها وأنا هچوزهالك.
- أهي.
" غمضت عيني وقلبي كإنه وقف مفيش غيري يشاور عليها مفيش أصلا إلا أنا وجدتِ وهو وجدي فأكيد هيشاور عليا فأثناء وأنا مغمضة لقيت جدي بيقول"
- چدتك!
- ايوا چدة عشان أنا بحبها من جبل ما تتخلق إنت بس النصيب بجى إنك تتجوزها هههههههه.
- ههههه والله هجطع رجابتك عاد لو جولت اكده.
= ايه يا چدي بتغير ولا إيه عاد واه ومال چدة خچلانة اكده لااا كدا زين چدة بتخونه وبتحب غيره، عيني عليك يابني.
"الكل قعد يضحك لمدة كبيرة وجاسر عينه دمعت من الضحك وأنا كمان"
- دمك خفيف يابتي والله ضحكيني من جلبي.
= تعيش والضحكة متفارجش وشك الحلو ديه يا چدي.
- بس يا إســــراء لچدة تييچي تضربك عاد أصلها بتغير ههه.
= هههههههه.
= چدي هو أنا صممت كذا تصميم اكده هواريهم ليك وشوف أنهي هيعچبك.
- وريني اكده.
= اتفضل يا چدي، التصميم الأول اللي في يدك ديه دا متصمم عشان الجذب السياحي حتى تلاجيه شبه حاچة أثرية اكده وديه هيتصمم على مساحة فدان وجيراطين، أما التاني فهو شكله شكل برچ وكمان هتحسه اكده إنه شبه الشركات اللي في مصر بحيث إن الإيزاز بتاعه يبجى لونه أوزق اكده زييها وهتبني على مساحة اتنين وعشرين جيراط بالچنينة الواسعة بتاعته، التالت بجى متصمم زي الفنادج بتاعت أوروبا اكده وفيه مميزات كتير وهيتبني على مساحة فدان بس...... ها أنهي واحد عچبك؟
- كليتهم عچبوني ومخيبتيش ظني فيكِ يا بتي وبصراحة إنتِ تصاميمك چميلة جوي وليكِ أكتر من السعر اللي كنت هعطيه ليكِ.
- شكرا يا چدي، بصراحة إكده إنتوا نواياكم صافية عشان اكده صممت بسرعة وكمان صممت حاچة چميلة أول مرة تتعمل.
" ييوه بقى من زين اللي كان مركز معايا أوي لدرجة إنه بدأ يسرح فيا وكمان وأنا كنا بشرح لقيت ابتسامة على وشه كدا، يلا حسبي الله هههه"
- چدي العصر أذّن هروح أصلي في الچامع الجريب من اهنيه.
- طيب خدني معاك.
- زين ديه ابن الغالي ربنا يحميه.
= چدة هو ليه بيتكلم صعيدي اهنيه وفي مصر بيتحدت زييهم.
- هو شبهك في اكده ما إنتِ بردك اهنيه بتتحدتِ صعيدي وعنديكم ببتحدتِ مصري.
= طب هو ليه متجوزش زي ما چدي جال لحد الواجت.
- ها....عشان.... مش عارفة يابتي بجى.
بحزن مصطنع= بتخبي عليا اكده يا چدة، أنا زعلانة منك بجى.
= مجدرش على زعلك ياغالية طب بصي هجولك، هو بيحب واحدة من مصر وعايز يتجوزها لكن...
- لكن ايه يا چدة.
= چدك ممكن ميرداش، هو چه وفضفضلي لكن ميجدرش يجول حاچة لچده ليجتله.
= يجتله؟
- ايوه يجتله لإن مفيش حاچة اسمها تتجوز من برا بلدك.
= وأنا اللي كان نفسي أتجوز واحد صعيدي ههه، يلا بجى اللي يچيبه ربنا حلو.
- ونعم بالله، إنتِ چميلة جوي يا إســــراء.
= واه ايه خطفان الجلب دا عاد، چدة أنا بحبك جوي وبحسك اكده إنك أمي ومحتوية الكل بحنانك.
- تعالي في حضني يا غالية.
" وأثناء واحنا بنحضن بعض وبنبوس بعض كمان ههه لقينا چدي وجاسر طبّوا علينا هههه"
- يلا يا چدي شكلنا اكده چينا في وجت غلط.
- يلا يابني شكلنا اكده.
بخجل ظاهر= ها... چدي تعالى ولا وجت غلط ولا حاچة... يعني...
- بطّل يا زين عاد البت خجلت واتلجلجت اهيه هههه.
- ههههه.
" سيبتهم ومشيت أشم نفسي شوية لإني مكسوفة جامد من طريقة زين دي ههه دمه عسل أصدى دمه تقيل، رجعت بعد دقايق تاني ليهم زي الكلبة ههه"
- واه لسة وشك أحمر عاد.
بخجل= چدي بجى.
- ههه خلاص متخجليش اكده هههه.
- عملت ليكم دور شاي هتنسوا نفسكم بعديه.
- وأنسى نفسي ليه مانا ناسيني في البيت ههه.
= هاتِ يا چدة هاتِ، ريحته تجنن.
- دا شاي كشري عاد بيبجى طعمه زين جوي.
= يعني ايه شاي كشري؟ يعني حطيتِ فيه كشري ودوّبتِ عاد!
" أثناء وأنا بسأل زين كان بيشرب الشاي راح دلقه من بؤه وضحك على آخره وقال"
- ههههههه فصلان على الآخر يا چدة.
= چدي خليه يسكت عاد.
- هههههههههه مسخرة.
بدموع وترجي= چدي.
- اسكت ياولا عيب اكده.
- هههههه شوفت يعني مهندسة جد الدنيا وتصاميمها تاخد العَجل وتسأل سؤال زي ديه ههههه.
"واه تصاميمها تاخد العَجل وكمان جد الدنيا!  لاا بدأت أشك"
بشك= تصاميمي مالها!
- مالها؟
= خلاص متفكرش.
- عاملين زي الجط والفار ههه.
- والله يا حاچ زي العيال هم التنين عاد.
= العالم كله عليا اكده.
" طبعا الوقت أخر وچدي قال لازم نمشي و... ألالالا الواد زين جايب شوكولاتة وحاطتها في جيبه لكن أنا شوفتها"
- يلا يا زين يابني اتحرك.
- بجيت سواق عاد هههه.
- خلّص يا زفت الطين.
- حاضر.
"وصلنا البيت وكانوا مجهزين العشا و عبدالله قعد جمبي على السفرة وكان عمال يعمل حركات غريبة كدا"
= يا چدي أنا جايمة خلاص شبعت.
- واه محدش بيجوم اكده إلا لما أجوم أنا.
= حاضر.
" قعدت ومازال عبدالله بيعمل حركات زبالة وكان هيحط ايده عليا وعلى رجلي وأنا قاعدة روحت قايمة وقولت"
= يا چدي لو سمحت الشخص دا عمال يعمل حركات زبالة وكان هيحط يده على رچلي وكمان كان هيحطها على كتفي.
- واه مين.
- ديه اللي جاعد جمبي.
- يابن ال**** أنا هربيك من أول وچديد إزاي ضيفة عندينا تعمل فيها اكده يا جليل الرباية امسكه يا زين عشان أكسر عضمه.
- يا چدي دي كدابة وبتتبلى عليا عاد.
= أنا بردو بتبلى عليك؟( وأكملت بتنهيدة) چدي أنا طالعة فوج.
- ماشي يابتي.
" طلعت لكن وقفت أتفرج هيعملوا فيه ايه لقيت زين اتعصب جامد لدرجة وشه بقى اسود وضرب عبدالله دا بالقلم وقال"
بعصبية= يا واطي إزاي تعمل في واحدة سايبة أهلها وچاية عشانّا، چاية عشان تصمم وتطفح الدم عشانّا، ليه يا سافل يا حقير تعمل اكده ولا عامل اعتبار لچدك عاد ولا اعتبار لحد، حِسّك عينك تكررها تاني وإلا ساعتها هتكون نهايتك على يدّي آنا.
- ليه دي البنية معملتش حاچة لكل ديه، صدق اللي قال عليك واحد و*خ، أنا ربيتكم على اكده؟ انطج لإما هتُخك.
"يلهوي دا جدي سويلم طلّع مسدس بجد، أنا لازم أنزل لا حاجة تحصل ولا حاجة وساعتها هيكون بسببي، وأثناء وأنا نازلة على السلم"
= چدي سيبه من يدك.
- لأ أنا هجتله إن منطجش هو عمل ليه اكده.
= يا چدي سيبه، أنا خلاص همشي من اهنيه خالص وهجيب مهندس أو مهندسة تكمل الشغل.
" طلعت جري على فوق واترميت على السرير وقعدت أعيط كتيير وأتفحم من العياط عشان هسيبهم، حبيتهم وحبيت كل حاجة هنا ولو عليا كنت هجيب أهلي وأقنعهم ينقلوا في الصعيد بس لازم أمشي من هنا، الصعيد هتوحشني جدًا وبدأت أعيط تاني"
ـــــــــــــــــــــــــــــــــــــــــــــــــــــــــــــــــــــــــــــ
"في الأسفل"
- عملت اكده ليه يا زفت خلال ثواني وهفرغ الرصاص ديه في دماغك.
بخوف- عشان هي فرسة وعايز أدوق منيها.
" بدأ زين يضربه والكل ساكت ومحدش يقدر يتكلم حرف، ضربه جامد لدرجة إن عبدالله وشه عبارة عن دم واغمي عليه"
- اااه يا واطي وأنا اللي بحسبك ابن عمي الراچل وأتاري ابن عمي بالو*اخة دي.
بلهفة- چدي مالك، چداااااي.
" سمعت صوت زين وهو بيزعق وينادي على جده اتزغفت ولفيت الطرحة ونزلت على طول جري"
بدموع= ايه في ايه، چدي فيه ايه انطجوا.
- اتصل بالدكتور يا عمي بسرعة.
" بدأت في عياط هستيري ورددت *يارب سلّم*، الدكتور جه ودخلوه بسرعة أوضته وطلع وقال"
= طمنّا يا دكتور.
بعصبية- بصلي أنا يا دكتور وقول چدي ماله.
- الحاچ زعل وضغطه وطي واغمي عليه من الصدمة، مش محتاجين تخافوا كل دا.
- طب اتفضل حقك عاد، شكرًا.
- العفو.
" دخلوا يشوفوا جدي لكن أنا طلعت فوق أجهز شنطتي وبالفعل جهزتها وخدت التصاميم وكل مختصاتي وخدت صورة لزين من أوضته معرفش ليه، ونزلت ناديت على زين من أوضة جدي وقولت"
= زين أنا همشي دلوقت سلام هتوحشوني.
بحزن- استني يا إســــراء، أنا آسف لكل اللي حصل لكن إنتِ چدي بيحبك ولو مشيتِ هيزعل، خليكِ.
= أنا اللي آسفة يا زين لكل اللي حصل بس لازم أمشي وهبعت ليكم مهندس تاني يصمم الفندق، سلام يا زين وبلغ سلامي لجدي وجدتي، هتوحشوني بجد.
"مشيت وأنا دموعي سيول نازلة، مش قادرة أسيبهم وكإن روحي بتروح مني كل إما أبعد من البيت، لقيت زين جاي جري ومسكني من ايدي واتعصب وقال"
- إنتِ مش هتمشي من اهنيه ولا هتروحي في حتة، إنتِ خلاص بقيتِ جزء من حياة چدي وچدة وبيحبوكِ تيجي تكسري قلبهم وتمشي ليه، مسكت عبدالله كلته علجة موت وچوا زي ما شوفتيه مرمي ولا حد هيجيب ليه دكتور ولا هيعبره ودا كله عشانك لكن تمشي ليه يعني إنتِ، مبتحسيش يا شيخة إيه جبلة، حسي شوية بحب... چدي وچدة ليكِ.
بدموع= سيب إيدي.
- وأدي سيبت ايدك، يلا اتفضلي على چوا.
"مشيت من قدامه لجوا من سكات وطلعت وأنا حاسة إني تقيلة جدا على الناس الغلابة دي، أنا خلاص مش قادرة اااااااااه، أنا هصلي وأنام والصبح أبقى أشوف الموضوع دا"
ــــــــــــــــــــــــــــــــــــــــــــــــــــــــــــــــــــــــــــــ
- جولت ليها تطلع فوج ومفيش حاچة اسمها تمشي.
- طيب ياولدي، إنت ليه عينك مدمعة اكده لما عرفت إنها هتمشي.
بتنهيدة- لإني.... خلاص يا چدي ديه عيني بتوچعني بس.
- لإنك ايه يا ولدي كمل أنا سامعك.
بدموع - لإني بحبها يا چدي، بحبها من ساعة وأنا في مصر حبيتها، كنت عارفها هناك بس هي مكنتش تعرفني، لما جالت إن عبدالله حاول يلمس چسمها اتچننت وكنت هجتله ولما جالت إنها هتمشي روحي كانت بتتسحب مني بالبطييء، ااااااااه يا چدي نفسي أتجوزها وأرتاح وكان نفسي آجي وأجولك على كل حاچة لكن خوفي منك منعني، نفسي تحبني زي ما حبيتها، آسف يا چدي على الكلام ديه.
- بتحبها اكده!
- وأكتر كمان لكن أنا عارف إني مش هتچوز واحدة من مصر زي ماجولت.
- بس إســــراء غيرهم.
- يعني ايه؟
- يعني هچوزهالك، افرح بجى.
- إيدك أبوسها يا چد.
- هههه دا إنت واجع جوي ههه.
" خرج من عند جده وقرر يطلع لإسراء فوق يصالحها ويخليها تحبه"
= مين.
- آنا يا إســــراء، افتحي.
= عايز إيه عاد.
- عايزك في الچنينة خمس دجايج بس.
= طب اسبقني وأنا چاية.
- بسرعة طيب.
"في الجنينة"
= عايز إيه يا زين.
- عايزك متزعليش عاد مني أنا والله كنت متعصب جوي.
= ومتعصب ليه يعني.
- لإن چدي كان زعلان إنك هتمشي وآنا زعلت ليروح منّينا.
= امم ماشي مش هزعل.
- طب خدي دي مني.
بفرحة= شوكولاتة! هات دي جت في وقتها.
- ههه لو أعرف اكده كنت جيبتلك من زمان.
= أنا خدتها منّيك لكن أنا مبكلمش.
- واه، خلاص هاتِ الشوكولاتة بجى.
= ههه خلاص كلتها.
- بالهنا والشفا على جلبك.
= مش ملاحظ إنك خدت عليا.
- ههههه لأ متتغريش في نفسك اكده.
= متضحكش.
- ليه! عشان ضحكتي بتخطف قلبك!.
بصدمة وكذب مصتنع= لأ عشان دمك تقيل.
- عارف إن دمي عسل وخفيف ودا غرور عادي ههه.
= مستفز.
- ومغرور كمان.
= طب حلو إنك عارف نفسك ههه.
- بقولك أنا عايز أقولك حاجة.
= طب خلص عشان الوقت أخّر.
- هو إنتِ بتحبي حد؟
= آه.
بعصبية- إزاي يعني!
= زي الناس ياجدع الاه.
- طظ فيكِ وفيه.
= ودي أعتبرها غيرة يعني!
بدون وعي- أيوا اعتبريها غيرة.
= ليه بتغير عليا كدا؟
- عشان....عشان بحبك.
= مفكر إني هقولك وأنا كمان بحبك؟ إنت بتحلم يابابا..... وأنا كمان ياسيدي بحبك يابن الخطافة.
- بتهزري؟ يعني بتحبيني زي ما بحبك! طب ايه.
= العب باليه هههه، أنا عارفة إنك بتحبني يا حيوان عشان كدا حبيتك، خاطف قلبي من ساعة ما كنا في القطر وكإني لقيت نصي التاني، أنا مش هقول بحبك إما تبقى حلالي.
- طب بحبك يابنت المرا ههه، خلصي الفندق كامل متكامل عشان هتجوزك لإني خلاص مش مستحمل وبنهار والله يا جميل يا عسل ههه.
= طب بتطل تعاكس طب.
- بحبك يا اللي سارقة قلبي من سنين.

"تمسك بـقلبي فإنه يُـحبك"♥️
بقلم/ إســــراء بــدوي"وَرد"