اسكربتات

اسكربت²¹

- أنا خلاص كبرت وبان عليا الكبر.. ولو كنت عايش النهاردة فأنا مش ضامن بكرا.
=بعد الشر عليك يآبا متقولش كدا.
- ماهو إنتِ يابنتي مش راضية تسمعي كلامي أهو.
=طب سيبني أفكر وأشوف.
" أنا إســــراء في أولى ثانوي، من الصعيد، شاطرة جدا في دراستي، أسرتي بسيطة وطيبة وعلى نياتها، أبويا عرض عليا إني أتجوز ومكملش تعليمي بس مش عارفة أعمل ايه، انا هصلي استخارة وأريح نفسي، صليت استخارة ونمت"
- اصحي يا إســــراء يابنتي عشان تفطري عاد.
= حاضر يآمة قايمة أهه.
"أنا مبسوطة ليه ومرتاحة.. هي دي إشارة ولا ايه، هم جايين النهاردة عشان يشوفوني وهشوف كدا في قبول ولا لأ"
- البسي واتشيكِ اكده دا ابن كبرات البلد.
= حاضر هتشيك أهه.. إما نشوف أخرتها.
- أخرتها نور يابنتي... أخرتها نور.
"جه الليل وأنا لبست فستان رقيق وعليه طرحته ومحطتش حاجة غير زبدة كاكاو بس وبالمناسبة أنا عيني خضرا وشعري أشقر وبشرتي قمحاوية مايلة للبياض، المهم بقى جه هو وعيلته وقعدوا في البراندا وأنا هطلع الشربات دلوقت يارب استر"
- ادخلي يا إســــراء يابنتي، هاتي الشربات ياحبيبتي.
"دخلت وهموت من الكسوف وحطيت الشربات وقعدت جمب أبويا"
_ ما شاء الله عسولة يا إســــراء.
= ربنا يبارك فيكِ ياخالة.
- نسيب العرسان يتعرفوا على بعض ياجماعة، تعالوا نقعد في الصالة.
- احم احم، أنا إبراهيم عمي العمدة، بدرس في حقوق وبشتغل الحمدلله وبصرف على نفسي وبروح وقتي الفاضي مع أبويا في الغيط، عندي ٢٠ سنة، وإنتِ عرفيني عن نفسك.
بخجل= أنا إســــراء وأبوي أكيد عارفه وأنا عندي ١٦ سنة وبحب دراستي بس للأسف ممكن مكملش عشان...
- عشان هتتجوزيني؟؟
بخجل أكثر= لأ.. عشان ظروف وكدا.
- طب مش هتسأليني شوفتك فين ههه!
= شوفتني فين!
- شوفتك وإنتِ طالعة من المدرسة وكنتِ فرحانة ومعاكِ شهادة وهدية، ساعتها شوفت فيكِ برائة وجمال وضحكة..... احم ومن ساعتها وأنا بحلم بيكِ ومش بتغيبي عني لحظة.
= ههههه ساعتها كنت جايبة المركز التاني واتكرمت في الطابور وكنت فرحانة جدًا.
- هو إنتِ ممكن تبصيلي ولا هتفضلي باصة على الأرض كدا!
= ها... حاضر.
"بصيت لقيت ملامح هادية جدا ومسمسمة، لقيت عيون جميلة وواسعة، لقيت دقن خفيفة ولقيت ملك جمال قاعد جمبي، ياخرابي على العسل"
= ممكن بقى أنزل عيني!
-ههه آه ممكن... هو إنتِ ارتحتيلي وكدا ولا لأ.
ببرائة= آه ارتحتلك جدا.
- يعني عايزاني جوزك ولا لأ.
بكل برائة وطفولة= آه عايزاك.
" أهلي وأهله دخلوا وأنا بقول بكل سذاجة إني عايزاه واتحرجت جدا وكنت هعيط من الكسوف لكن هو شافني وأنا كدا وابتسم وراح قايل"
- أنا عايز أتجوز إســــراء خلال الأسبوع دا.
- واه كيف يابني واحنا لسة مجهزناش حاجة.
- كل حاجة عندي ياعمي، أنا ليا شقة خاصة بيا لوحدي وكل حاجة متجهزة فيها، لبس للعروسة والمطبخ كامل عندي وكل حاجة، أنا عايزة بس زي ماهي كدا.
- طب ناخد رأي العروسة..
- العروسة موافقة ياعمي.
- طب نسمع الزغاريط ههه.
: لولولولولولولولولولي.
" ايه دا، كل دا حصل في لمح البصر ازاي، الأهم من كل دا أنا فرحانة بس زعلانة إني ممكن مكملش تعليمي، يارب اعملي الصالح، عدى يومين وإبراهيم جابلي تلفون وجابلي هدايا كتير وحاسة إني بدأت أتعلق بيه "
=إبراهيم هو إنت لسة بتتعلم صح؟
- آه لسة باقيلي سنة وأتخرج.
= بس ازاي وإنت عندك ٢٠ سنة.
- لإني كنت مقدم وأنا أصغر من دفعتي بسنة.
= امممم، فرحنا الخميس؟
- لو عايزة يبقى دلوقتي يلا ههه.
= دلوقتي ايه ههههه لأ اصبر كدا عشان لسة مجبتش حاجة خالص.
- أنا صابر أهه.. صابر ياقمر.
بخجل= احم، طب هقوم أجيبلك حاجة تشربها.
- لأ أنا هقوم أمشي عشان أشوف العجول اللي هندبحها ليلة الفرح.
= ربنا معاك.
- مع السلامة ياوردتي.
= مع السلامة ههه.
" خلاص اتعلقت بيه واتعلقت بكل تفصيلة فيه، يارب عدي الأيام دي على خير"
- يا إســــراء يابنتي، تعالي عايزاكِ عاد.
= ايه يامة.
- تعالي جيبي الشاي داهه وتعالي.
= حاضر.
- فرحانة؟
=ايوا يامة فرحانة، سواء بأخلاقه ولا بعلمه ولا بدينه.
- طب الحمدلله... إنتِ خلاص بقيلك يومين على فرحك.. عايزاكِ تحطيه جوا عينك وحاضر ونعم.
= حاضر يامة.
- وتعمليله كل اللي عايزه وتنضفي الشقة أول باول وتعملي الأكل المشكل بتاعك دا، بتعملي مكرونة بشابيل ولازابية وحاجات حلوة دي.
= ههههه بشابيل ولازابية ههه حاضر.
- مبعرفش اقول زي الكلام بتاع مصر دا عاد ههه.
= طب أي طلبات تاني ياست الكل.
- عايزاكِ تبقي تحت رجلين حماتك وتعتبريها أمك التانية.
= حاضر.
"الفرح جه وإبراهيم كان لابس الجلاببة والقُفطان وكان سيد الرجالة ههه، احنا هندخل دلوقتي الشقة، يارب استرها"
- برجلك اليمين ياعروستي ههه.
= حاضر يا إبراهيم.
" دخلنا وروحت دخلت جري وكلت لإني جعانة وهموت من الجوع ههه"
= معلش بقى، أنا جعانة بجد ههه.
- لأ كلي كدا ورُمي عضمك.
= بالمناسبة أنا بحبك جدا وحبيتك وهحبك لآخر يوم في عمري ياهيما.
- وأنا عديت الحب بمراحل يا وردتي، هاتي حتة فرخة بقى.
= خد ورُم عضمك، احنا مش واخدين منها حاجة ههه.
- هاتي السلطة دي ههه.
"كلنا وخلصنا ونمنا وصحيت تاني يوم قبليه، وبدأت أتمعن في ملامحة اللي خلاص أدمنتها"
- صباحية مباركة ياعروسة.
بخجل=الله يبارك فيك ياعريس... يلا نقوم نفطر.
- هههه دا احنا كلنا لما اترسنا امبارح ههه أول مرة أشوف عرسان كدا ههه.
= متكسفنيش بقى ههه يلا امبارح شيلت حمام وبطاية احتياطي ههه.
" فطرنا وبدأ أهلي ييجوا ينقطونا وأنا فرحانة إني جمبه ومعاه، عدى يوم على جوازنا، بالليل عملت سحلب عشان نشربه قدام التلفزيون "
= ايه رأيك بقى.
- عسل.
= طب خلصه عشان في تاني هه.
- ربنا ميحرمنيش منك ياوردتي.
= ولا يحرمني منك يا أجمل هيما في الدنيا.
- هتعملي ايه في موضوع دراستك دا، هتقعدي على كدا ولا ايه.
بدموع= عايزة أكمل بس مش هعرف.
- دموعك دي مانزلش تاني، متقلقيش هجيبلك بنت عمي هي أبلة، هتيجي تشرحلك كل حاجة وهتروحي المدرسة على الإمتحانات، ايه رأيك.
حضنته= ربنا يخليك ليا يارب، أنا بحبااااااك.
- وأنا كماااان ههه.
" بدأت بنت عمه تيجي وتشرحلي وهوب الامتحانات جت، كانت فترة صعبة عليا، بقيت أخلص وارجع مهدودة أنام شوية وأقوم أذاكر لحد ٢ بالليل وهكذا لحد ما خلصت الحمدلله آخر امتحان النهاردة ونزلت وأنا فرحانة إني خلصت لقيت إبراهيم تحت المدرسة مستنيني روحت حاضناه واتكسفت لإن العيتل صحابي شافوني، روحنا البيت والنتيجة هتظهر بالليل ههه معرفش هي بتطلع بالسرعة دي ازاي ههه المهم قعدنا فاتحين الموقع اللي هتطلع عليه أنا وإبراهيم وكتب رقم جلوسي وكل حاجة وظهرت لقيت إبراهيم اتخض واتعصب وأنا أعصتبي سابت وهموت من القلق إما شوفته كدا "
بخوف= ايه في ايه، متخوفنيش يا إبراهيم.
بصوت عصبي- إنتِ ايه اللي جايباه دا.
= ايه جبت ايه.
بعصبية- جبتي... ضحك- جبتي امتياز يا جبارة ومش ناقصة الا درجة، ياجبارة ههههه.
ببكاء = إنت وقعت قلبي يا إبراهيم، متكلمنيش تاني، أنا مخصماك، أنا كنت بموت من الخوف وخايفة وإنت تخوفني بزيادة؟!.
- أنا آسف، تعالي في حضني طيب كدا وعيطي واضربيني وطلعي كل غل فيا.
= لأ مش هضرب لإني بحبك.
- طب تعالي بقى يام امتياز يا قردة.
= ههه مش زيك يا أبو جيد جدا هه.
"تمسك في قلبي فإنه يُـحبك"♥️
بقلم/إســــراء بدوي"وَرد".