اسكربتات

اسكربت⁵ بارت¹

-استني يا إســــراء.
=عايز إيه يا محمد.
-زعلتي ليه وخدتِ ركن كدا وبعدين مشيتِ.
=معلش، شكلي جيت في وقت غير مناسب فقولت أمشي.
ـ يعني إيه الكلام دا أنا مش فاهم.
=محمد حل عني الساعادي عشان مش نقصاك.
ـ بقولك مشيتي ليه تقولي ابعد عني مش نقصاك! إنتِ إيه ياشيخة اتقِ الله فيا بقي، ارحميني.
=أنا متقية الله فيك، الدور والباقي عليك يابتاع بنت خالتك.
-إنتِ قولتِ ابعد مش نقصاك، أنا هبعد بس ساعتها مش هتشوفي وشي تاني ولا حتي هتلمحيه، سلام.
"مفيش غير دموع نازلة مني بعد ما مشي وبالأخص بعد إما قال كلامه الأخير دا، يارب انا بحبه قوي قوي لكن هو كان بيقعد يتكلم مع بنت خالته ويسيبني ويهتم بيها أكتر مني، احنا كاتبين كتابنا من شهر ومن ساعة ما كتبنا والمشاكل عمالة علي آخرها، يارب ساعدنى"
°روحت البيت°
-إتأخرتِ ليه يابنتي.
=معلش يا ماما، الطريق كان زحمة.
-طيب ريحي جسمك شوية يا جسمي.
=حاضر ياقلب بنتك من جوا.
"ماما هي اللي مالية عليا حياتي، من غيرها مسواش قرش والله، المهم بقي أنا دخلت صليت وكلت لقمتين علي الماشي ودخلت كلمت محمد علي الواتس"
=محمد، رد عليا أنا آسفة.
- عايزة إيه.
= عايزاك متزعلش مني.
- تمام مش هزعل.
=صافي يا لبن.
- حليب يا قشطة.
= ارتحت جدا إما رديت عليا، هروح أنام بقي، تصبح علي خير.
- وإنتِ من أهله.
"نمت وأنا مبسوطة جدا إنه رد عليا هو أصلا بيطلع يطلع وينزل علي مفيش، كلمتين حلوين بيصلحوه ومحمد قلبه طيب مش بيحب حد يبقي زعلان منه أو هو زعلان من حد.
" صحيت وصليت وفطرت وبعدين مشيت علي العيادة، نسيت أقولكم إن أنا أول يوم شغل ليا النهاردة، هشتغل وأساعد ماما في المصاريف وكمان عشان أكمل جهازي"
= صباح الفل يا فل.
- صباح العسل، يلا يا حبيبتي افطري وذاكري.
= أنا هفطر بس يا ست الكل، عشان النهاردة أول يوم شغل بقي وكدا.
- يا جسمي مش مهم تشتغلي، يبقي خدي المعاش بتاع أبوكِ جهزي بيه كل حاجة، بس متتعبيش نفسك وتشتغلي.
= ياماما بقي سيبيني أعمل اللي عايزاه عشان خاطري.
- براحتك يا غالية، المهم قلتِ لمحمد علي حكاية الشغل دي.
= لأ مقولتش لإنه مش هيرضى علي الشغل دا نهائي.
- كنتِ قلتِ له عشان لو عرف من برا هيتجرح جامد، وكمان دا جوزك يعني لازم تقوليله كل حاجة بتعمليها.
= ربنا ييسر الحال، هاتي بوسة قبل ما أمشي يا ست الكل.
- روحي ربنا يجبر بخاطرك يارب ويهديكم لبعض إنتِ ومحمد.
" نزلت علي العيادة والحمدلله تبع دكتورة مش دكتور"
- السلام عليكم.
= وعليكم السلام ورحمة الله وبركاته.
- تعالي أحكيلك تفاصيل الشغل في المكتب، باين عليكِ طيوبة.
= تسلميلي يادكتورة.
" حكتلي تفاصيل الشغل البسيطة هو شعل بسيط جدا، كل اللي عليا إن أعمله هو إن أحجز للناس ادوارها وكمان أحاسب علي الفلوس ومرتبي هيكون كويس"
- كنت حابب إني أحجز عند الدكتورة.
= باسم مين يا فندم.
- باسم عمر جمال.
= تمام يافندم، المدام هتيجي الساعة 5.
-تمام.
"أول شخص يحجز، يارب إجعله شغل مبروك عليا"
-آلو.
=أألو.
- عاملة إيه النهاردة.
=الحمدلله على كل حال.
-دايما يارب، كنت عايز أقولك إني جاي النهاردة ومعايا وجبة سمك من اللي قلبك يحبه وكمان متخليش والدتك تعمل حاجة، أنا هجيب كل حاجة.
= هو إنت حنين عليا كدا ليه.
- إنتِ مراتي وحب عمري اللي كنت بحلم بيه، إزاي مكنش حنين.
= ربنا يبارك فيك ويحفظك ليا يارب، تلقاه عندك شغل كتير.
- أه عندي بس هحاول أخلصه عشان آجي.
= طيب ماعطلكش بقي، في رعاية الله.
" يااااه ربنا جبر بخاطري بعد سنين العذاب اللي شوفتها، محمد مش بيخبي عليا حاجة فقررت إني مش هخبي عليه حاجة وهقوله علي حكاية الشغل أينعم هيزعل شوية بس هحاول أرضيه، يارب اصلح أموري ويسرلي الحال"
-السلام عليكم.
=وعليكم السلام.
-ك.....
= نعم حضرتك عايز إيه ومالك تنحت كدا.
-أ... أصل.... مفيش حاجة.
=طيب تمام، هتحجز باسم مين.
-باسم أبو همس.
=طيب تمام، المدام هتيجي الساعة 6 عشان تلحق دورها.
- تمام شكرا.
-إســــراء تعالي مكتبي ثانية.
=حاضر يا دكتورة جاية حالا.
=نعم حضرتك عايزة حاجة.
- أنا هقول كلام غريب بس لو مش عايزة خلاص.
=....
- تعالي في حضني.
"جريت في حضنها كان كل واحد مستني الحضن دا من زمان، أيوا أنا مستغربة من الطلب بس تلقاه محتاجاه زيي كدا"
-تعرفي أنا كنت محتاجة الحضن دا أد إيه، ياااه يا إســــراء لو تعرفي أد إيه أنا مجروحة من العالم، عارفة أول ماشوفتك شوفت أختي فيكِ، لقيتك شخص طيب وأمين، لقيتك على نياتك وحبيتك جدا، العلاقة مش مجرد دكتور وشخص بيشتغل عنده لأ دي أخت وأختها، أنا عارفة إنك مستغربة من كلامي بس اعذريني أنا واحدة علّمت نفسها بنفسها، ملهاش حد في الدنيا دي، أختي اللي كنت عايشة عشانها ماتت بين إيدايا، اعذريني أنا مجروحة جامد.
ببكاء= تعرفي إن أنا مليش صحاب وكل إما أصاحب حد يخدعني، أنا بردو مجروحة وزعلانة بس دي كلها ابتلاءات من ربنا لينا وامتحان لينا ولازم نجتاز الامتحان دا بالصبر..... بالصبر بس.
- كلامك ريحني قوي، ربنا يجبر بخاطرك يارب ويسعدك ويوفقك.
= اللهم أمين يارب وإياكِ.
- يلا روحي إنتِ وأنا هكمل الباقي.
= متتعبيش نفسك، أنا هقعد.
- يابنتي طالما حجزتي للناس خلاص، يلا امشي ربنا يهديكِ، مرتبك مش هينقص ولا هخصم حاجة والله.
= حاضر همشي، عايزة حاجة.
- عايزة سلامتك.
"وصلت علي باب الأوضة"
= دكتورة.
"جريت عليها بالحضن وعيطت جامد، عيطت من قصة حياة الدكتورة، وعلى قصة حياتي، وعلى تراكمات جوايا"
- ياااه، دا إنتِ جواكِ كتير.
= آسفة بس حبيتك جدا وحسيتك أختي.
- حبيبتي والله، إحنا خلاص بقينا أصحاب بقي هه.
= لا مش صحاب، إحنا إخوات.
"روحت وأنا مبسوطة الحمدلله إني قابلت الدكتورة القمر دي، روحت ولقيت صدمة جامدة.

توقعاتكم في البارت الجاي، ياترا إيه اللي هيحصل.
#Esraa_Badawy" ώάŕȡ"