၈နှစ်သားအရွယ်လောက်ရှိသော နွား ကျောင်းသားလေးသည် နွားအုပ်ကြီးကို ဘေးသို့ကပ်စေရန်မောင်းပေးနေသည်မှာ အရွယ်နှင့်မလိုက်အောင် မာန်ဟန်အပြည့်။ပုဆိုးကို ခါးပုံစအရှည်ကြီးဖြင့်ထုတ်ထားသည်မှာ အရွယ်ရောက်ပြီးသားလူပျိုလေးအသွင်။
အကွက်အင်္ကျီလေးနှင့်ထန်းပလပ်ဦးထုပ်အဝိုင်းလေးကိုဆောင်းထားသောကလေးလေးက တုတ်ကလေးကိုမြှောက်ကာမြှောက်ကာ။ခပ်နွမ်းနွမ်းလွယ်အိတ်ကလေးကိုလည်းသိုင်း၍လွယ်ထားလိုက်သေး။စေးစက်မှာထိုကလေးလေးကိုကြည့်ရင်းချစ်မိလာသည်။
နွားအုပ်ကြီးသည် စေးစက်တို့ကားနှင့်ခပ်လှမ်းလှမ်းမှာကျန်ခဲ့လေသည်။လမ်းလေးနံဘေးဆိတ်အုပ်ကလေးကို သိမ်းလာကြသောဆိတ်ကျောင်းသမနှစ်ဦးကိုလည်းတွေ့ရပြန်သည်။သနပ်ခါးပါးကွက်ကြားလေးတွေဖြင့်ရိုးရိုးယဥ်ယဥ်ဝတ်ထား သည်မှာ ရွာဓလေ့အပြည့်။
ရွာထဲဝင်လာတော့ အိမ်ကလေးတွေကိုလည်း စိတ်ဝင်တစားကြည့်မိပြန်သည်။အိမ်ကလေးတွေက မြို့လိုပြွတ်သိပ်မနေဘဲ သီးသီးသန့်သန့်နှင့်ကျယ်ကျယ်ဝန်းဝန်းရှိသည်။ခြံကလေးလို သီးပင်စားပင်တွေစိုက်ပျိုးထားသည်မှာဝန်းနှင့်အပြည့်ဖြစ်သည်။
အိမ်တစ်ချို့ကိုဖြတ်ကျော်လာပြီးသည့်နောက်ကိုညိုကြီးသည် ဇောင်းချထားသောတစ်ထပ်တိုက်ကလေးရှေ့သို့ ကားကိုစက်သပ်ရပ်လိုက်သည်။
စက်ရပ်ပြီးချင်း ကိုညိုကြီးက
အုပ်ကြီးအိမ်ရောက်ပြီ ဆရာလေးရေ!ဟုပြောလာသည်။
လမ်းတစ်လျှောက်လုံးတိုက်ခတ်ခဲ့သောလေညှင်းတို့ကြောင့် စေးစက်ဆံပင်တွေပုံပျက်နေမှာအသေအချာ။အတန်သင့်သေသပ်အောင်သူ့ဆံပင်တွေကိုအလောတကြီးဖိသပ်လိုက်မိသည်။
အသက်အလတ်ပိုင်းအရွယ်ရှိ အမျိုးသားတစ်ဦးနှင့်အမျိုးသမီးတစ်ဦးသည် ကားအနားရောက်လာပြီး စေးစက်ကိုဆီးကြိုလာကြသည်။စေးစက်လည်းကားတံခါးကိုခပ်သွက်သွက်ဖွင့်၍ဆင်းခဲ့သည်။
စကားတစ်လုံးတစ်ပါဒမှမပြောရသေးသော်ငြားအပြုံးပန်းတို့မှာကိုယ်စီကိုယ်င။
YOU ARE READING
YANG(Completed)
Romanceကျုပ်ကိုထိန်းချုပ်လို့ရမယ်လို့ခင်ဗျားထင်နေလား~~~ မိုးထိယမ်း ငါ့ဦးနှောက်ထဲမှာမင်းကအလုပ်သဘောသက်သက်ပဲ~~~ စေးစက်ထင် .................... က်ဳပ္ကိုထိန္းခ်ဳပ္လို႔ရမယ္လို႔ခင္ဗ်ားထင္ေနလား~~~ မိုးထိယမ္း ငါ့ၪီးေနွာက္ထဲမွာမင္းကအလုပ္သေဘာသက္သက္ပဲ~~~ ေစးစက္ထင္
part-2{Uni}
Start from the beginning
