တံခါးက ဟောင်းမနေပေမဲ့ သန့်ရှင်းနေပြီး အသစ်နဲ့ပိုတူနေသည်။ တံခါးပေါ်က ရေးဆွဲထားပုံတွေက အရမ်းကို ရှုပ်ထွေးနေကာ ဓားတစ်ချောင်းနဲ့ ပုံဖော်ထားပုံရသည်။ တံခါးရှိ အရောင်က အထဲတွင် အန္တရာယ်များတယ်ဆိုတာ လူတိုင်းအား ခံစားမိစေနိုင်သည်။
ထိုအရာကို မြင်လိုက်ပြီး ဟဲရီလီ ကအဖွဲ့ထဲမှ နှစ်ခုတည်းသာရှိသော မီးအိမ်မှ တစ်ခုကို ယူလိုက်ပြီး တံခါးဆီကို တဖြည်းဖြည်း ရွှေ့သွားလိုက်သည်။ သူက တံခါးပေါ်ရှိ ဆွဲချက်တွေကို ဂရုတစိုက် စစ်ဆေးလိုက်ပြီး သစ်သားတံခါးအား အနံ့ခံလိုက်သည်။
သူက တစ်ခုခုကို တွေးမိသွားပြီး မျက်မှောင်ကြုတ်လိုက်သည်။
သူက မတ်မတ်ရပ်လိုက်ပြီး ပတ်ဝန်းကျင်ကို လှည့်ပတ်ကြည့်ပြီးနောက် သူ့နှုတ်ခမ်းကိုဖွင့်ကာ ပြောလိုက်သည်။ “အေးနေလား?”
မေးခွန်းကို ဘယ်သူ့မှ ပြန်မဖြေကြပေ။ ရှင်းရှင်းပြောရရင် လိုက်ဖက်မှုမရှိသည့် ဒီစကားက ဘယ်နေရာကနေ တွေးမိသွားပြီး ပြောလိုက်မှန်း နားမလည်တာကြောင့် ဘယ်သူကမှ သူ့အား အာရုံမစိုက်ကြပေ။ ဟဲရီလီ ကသတ္တိမနဲပဲ ဘာကိုမှဂရုမစိုက်ပဲ လွတ်လပ်စွာ ဆက်ပြောလိုက်သည်။ “နည်းလမ်းတကျ ပြောရရင် ဒါက နွေရာသီပဲ၊ နောက်ပြီး အပူချိန်က အရမ်းမြင့်နေရမှာ၊ ဒါပေမဲ့ ဒီနေရာကျယ်ကြီးမှာ အပူချိန်က အရမ်းကိုနည်းနေတယ်။ အထူးသဖြင့် ငါတို့ အတွင်းပိုင်းကို ပိုရောက်လာလေ ပိုအေးလာလေပဲ။ ဒီက သိပ်သည်းဆက အရမ်းများတယ်လို့ မထင်ကြဘူးလား? ဒီတံခါးနောက်ဘက်မှာ စိုထိုင်းနေတဲ့ အနံ့တောင် ထွက်နေတယ်”
“ဒါပေမဲ့” သူ့မျက်လုံးတွေက ပြောင်းလဲသွားပြီး သူ့အမူအရာက သတိထားနေပုံပေါ်သွားသည်။ “ဒီလိုစိုစွတ်တဲ့ နေရာမျိုးမှာ ဒီသစ်သားတံခါးက ဆွေးမြေ့နေတာမျိုးလဲ ရှိမနေတာက အံ့ဩဖို့ကောင်းတယ်... ဒါက ထူးဆန်းတယ်လို့ မထင်ဘူးလား?”
[ဖြတ်လျှောက် 656476: အရူးအုပ်စု၊ သူတို့က ဘာကြောင့်များ တံခါးကို လေ့လာနေရတာလဲ?
ဖြတ်လျှောက် 698534: မြန်မြန်သာ ဝင်သွားလိုက်ပါ၊ ဝင်သွားလိုက်၊ ရှိုးက စတော့မှာ။
![](https://img.wattpad.com/cover/277998881-288-k754714.jpg)
ВИ ЧИТАЄТЕ
လျှို့ဝှက်ဆန်းပြားလောက〘Uni+Zaw〙
Жахи[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...
လူသတ်ဂိမ်း (၅)
Почніть із самого початку