[UNI]
"မင်းကြီးကို သတ်လိုက်တော့"
"မသတ်လည်း သေမှာပဲမဟုတ်လား"
"ရှောင်းကျန့်ပျောက်နေတာ ဝမ်ရိပေါ်ကြောင့်ဆိုတာကို မသိတာလည်းမဟုတ်ဘဲ သံယောဇဥ်ထားချင်နေသေးတာလား"
ဘေးပတ်လည်၌ ဖယောင်းမီးသာရှိသော အခန်းကျယ်ထဲတွင် သေရည်သောက်နေကြသော လူတစ်ယောက်နှင့်ဝမ်ရိချန်သည် ဦးတည်ရာတူသောသူများဖြစ်၏။ သို့သော် ဘုရင်ကိုသတ်ပစ်ပြီးအစီအစဥ်ဆက်ချင်သည့်သူနှင့် အချိန်တန်၍ သေသွားမှ အစီအစဥ်ကိုဆက်ပြီး လောလောဆယ်တွင် ရှောင်းကျန့်ကိုရှာချင်နေသော ဝမ်ရိချန်က အနည်းငယ်တော့ကွဲသည်။
အရင်ကတည်းကအစီအစဥ်ရှိခဲ့ကြသော်လည်း ကံကြမ္မာသည် သူတို့ဘက်ရှိခဲ့သည်ထင်ပါ၏။ ဘုရင်သည် စိုးရိမ်ရသော ကျန်းမာရေးအခြေအနေကို ရရှိသွားခဲ့သည်။ သို့သော် သတိရတစ်ချက်၊ မရတစ်ချက်ဖြစ်နေသေးသည်ကြောင့် အစီအစဥ်သည်အရာမရောက်နိုင်။
"ရှစ်စွမ်းကို ရှာရမယ်"
"လက်ဆုပ် လက်ကိုင်ပြလို့ရမယ့် အာဏာကိုတောင်အပိုင်မသိမ်းနိုင်သေးဘဲ။ ငါ့သားကိုလိုချင်နေသေးတာလား"
"ကျွန်တော်.."
"မင်းကြီးကိုမသတ်နိုင်ရင်လည်း အနားမှာနေပြီး အာဏာလွှဲပြောင်းခွင့်တရားဝင်ရအောင်လုပ်"
"ကျွန်တော် လုပ်လိုက်ပါ့မယ်"
ဝမ်ရိချန်ခေါင်းကိုငုံ့ကာ စိတ်ကိုလျှော့ချလိုက်ရ၏။ သူ့အရှေ့တွင်ရှိသော အဖြူရောင်ဝတ်စုံနှင့်သူသည် ရှောင်းသခင်ကြီးဖြစ်၏။ သူတို့စတင် ပူးပေါင်းခဲ့သည်မှာ ဝမ်ရိချန် ရှောင်းကျန့်အိပ်ဆောင်ထိဝင်ကာ မရမ်းကားခင် တစ်ရက်ကဖြစ်သည်။ အိမ်တော်တံခါးကိုဖွင့်ပေးခဲ့သည်မှာလည်း ရှောင်းသခင်ကြီးသာဖြစ်၏။
ရှောင်းသခင်ကြီးသည် ဝမ်ဘုရင်ကို ဘာကြောင့်မုန်းနေမှန်း ဝမ်ရိချန်မသိ။ မုန်းနေမည်လို့လည်းမထင်ခဲ့ပေ။ ညာလက်ရုံးထိတောင်ဖြစ်နေခဲ့သည်မဟုတ်ပါလား။ သူ့မယ်တော်တောင် သူ ရှောင်းသခင်ကြီးနှင့်ပူးပေါင်းနေမှန်းမသိပေ။ ရှောင်းသခင်ကြီး သူ့ကိုဘုရင်ဖြစ်စေချင်နေသည်မှာလည်း အသုံးချခံလုပ်ဖို့မှန်း သူခန့်မှန်းမိပါသည်။
ESTÁS LEYENDO
Lord of Kings [Complete]
Fanfic||220521|| ||221012|| Wang Yibo × Xiao Zhan Yizhan {BJYX} Fanfiction Prince Wang and his precious Shizun's love story.