[UNI]
"ရှစ်စွမ်း"
"ဟင်.."
"တကယ်လို့ ရှစ်စွမ်းအန္တရာယ်တစ်ခုကြုံနေတယ်ပေါ့။ အဲ့အခါကျ လက်ထဲမှာဓါးလည်းရှိနေမယ်။ ဒါဆိုရှစ်စွမ်းကိုအန္တရာယ်ပေးမယ့်သူကို ဘာလုပ်မလဲ"
"ဗိုက်ကိုဓါးနဲ့ထိုးလိုက်မယ်"
"လည်ပင်းကိုခုတ်ချလိုက်ရင်ပြီးနေပြီကို"
"ဟင့်အင်း ကြည့်ရဆိုးတယ်။ ဗိုက်ကိုထိုးလည်းသေမှာပဲကို"
စိတ်ဝင်တစားပြောနေသူသည် တစ်ခါတည်းအသက်ထွက်မည်ထက် နာကျင်ပြီးမှအသက်ထွက်တာကိုပင် သတိမမူမိလောက်ပေ။ သေမယ့်သူကိုတောင် ရုပ်ဆိုး၊ ရုပ်လှခွဲနေသေးသည်။
"ဒါဆို အဲ့အန္တရာယ်ကောင်ကို အရှင်ဖမ်းမှဖြစ်မယ်ဆိုရင်ရော"
"ဗိုက်ကိုဓါးနဲ့ဘယ်လိုထိုးရင်မသေနိုင်ဘူးလဲ"
"ဟ! အနောက်ထိပေါက်မသွားအောင်ထိုးရင်တော့ သွေးထွက်လွန်တာကိုထိန်းနိုင်ပြီး အရှင်ဖမ်းနိုင်လောက်မယ်ထင်တာပဲ"
"အင်း အဲ့နည်းမဆိုးဘူး"
ဘာကိုအရေးတယူဆွေးနွေးနေကြသည်မှန်း သတိမထားမိလောက်အောင်ပင် တွေးတွေးစစဖြင့်ပြောနေမိကြခြင်းဖြစ်သည်။ ရေကန်ရှေ့အတူတူထိုင်နေရင်းနဲ့မှ လှဲချလိုက်သည့်ဝမ်ရိပေါ်သည် မျက်လုံးများမှိတ်ထားလျက်ရှိသည်။
"ကျွန်တော်ခနလောက်မှေးချင်လို့။ ရှစ်စွမ်းပြန်မယ်ဆိုရင်နှိုးပါနော်"
"အင်း"
တိုက်ခတ်လာသောလေညင်းအားအမှီပြု၍ အိပ်စက်သွားသူကို တစ်ဖန်ပြန်ငေးနေရသူမှာ ရှောင်းကျန့်ဖြစ်သည်။
"မင်းကိုစာသင်ချိန်ကလွဲရင် တခြားအချိန်မှာပြောမနိုင်ဆိုမနိုင်မယ့် ခပ်ဆိုးဆိုးကောင်လေးဖြစ်နေလိမ့်မယ်လို့မထင်ထားဘူး။ အဲ့နေ့ကမင်းကိုငါမှတ်မိတယ်.."
ခပ်တိုးတိုးရေရွတ်ကာ ဝမ်ရိပေါ်အားငေးကြည့်နေသည့်ရှောင်းကျန့်သည် အပြုံးများလည်းတည်ရှိနေခဲ့သည်။ လေအဝေ့၌ ရွေ့လျားနေသောဆံချည်မျှင်တို့ကြားတွင် ကြည်လင်တောက်ပနေသောသူ့မျက်နှာလေးသည် ရေပြင်ထက်၌ပနံသင့်စွာတည်ရှိနေသည်။ အေးချမ်းလှသည့်ဤနေရာကို သူသဘောကျသည်။
YOU ARE READING
Lord of Kings [Completed]
Fanfiction||220521|| ||221012|| Wang Yibo × Xiao Zhan Yizhan {BJYX} Fanfiction Prince Wang and his precious Shizun's love story.