[UNI]
တိတ်ဆိတ်ငြိမ်သက်လွန်းသော နန်းတော်တွင်း၌ဖြစ်သည်။ အဖြူရောင်အရိပ်လေးသည်သေချာကြည့်လျှင်ကတုန်ကယင်ဖြစ်နေသည်ကိုမြင်ရပေမည်။
"ရှစ်စွမ်း"
တစ်နေရာဆီဦးတည်နေသောခြေလှမ်းတို့သည် ခေါ်သံကြောင့်ရပ်တန့်သွားခဲ့သည်။ လှည့်ကြည့်လိုက်ပါလျှင်ပြုံးပြနေသော ဝမ်ရိချန်။ မျက်နှာသေဖြင့်သာကြည့်နေလိုက်သည်။
"ရှစ်စွမ်း ဘာကိစ္စရှိလို့လဲ။ ကျွန်တော့်ကိုလာတွေ့တာတော့မဟုတ်လောက်ဘူးထင်တယ်"
လွန်ခဲ့သောညကလို အရိုင်းဆန်သောလူတစ်ယောက်မဟုတ်တော့ပြန်ဘဲ နူးညံ့အေးဆေးပြနေသူသည် ပုံစံအမှန်ပေပဲလား။ မျက်နှာဖုံးတစ်ခုပေပဲလားဝေခွဲမရ။
"မင်းကြီးကိုလျှောက်တင်စရာရှိလို့"
"....."
အပြုံးတို့ပြယ်သည်။ စိုက်ကြည့်နေသောမျက်ဝန်းတို့တွင်ရန်လိုမှုများပါဝင်၏။ အမူအရာဖြစ်သောမျက်နှာထား၏ မျက်နှာဖုံးကိုတော့ကျွမ်းကျင်စွာ တပ်ဆင်ထားပါသေးသည်။
"ခမည်းတော်က ကျန်းမာရေးမကောင်းဘူး"
"ဘယ်လို.."
"ဟုတ်တယ်။ ပြည်သူတွေဆီသတင်းမပေါက်တာပဲရှိတာ။ ခမည်းတော်ကကျန်းမာရေးမကောင်းဘူး"
"အရမ်းများဆိုးနေလို့လား"
"ကျွန်တော်ပြောပြမယ်။ ဟိုဘက်အရိပ်နားသွားရအောင်"
အရှေ့မှဦးဆောင်ခေါ်သွားသူနောက် အတွေးများဖြင့်လိုက်ရသည်။ ဝမ်ရိပေါ်ပျောက်ပြီး ရက်တစ်ပတ်လောက်ထိ မင်းကြီးသည် ကိုယ်တိုင်ကိုယ်ကျပင် မြို့ပြင်သို့ရဲမက်များနှင့်အတူထွက်ကာ ဝမ်ရိပေါ်အားရှာတတ်သည်။ ထိုအချိန်များသည် သူဒဏ်ရာကြောင့် အိပ်ယာထဲလဲနေခဲ့သော အခြေအနေ။
သို့သော် နောက်နေ့တွင်ထပ်မံတွေ့ရှိရခြင်းမရှိတော့။ ဝမ်ရိပေါ်အပြင် မင်းကြီးပါပျောက်နေသည်ဟုတောင်ဆို၍ရသည်။ ယခုသူလာမှ မကျန်းမမာဖြစ်နေသည်တဲ့။ ဘယ်လိုရောဂါမျိုးကြောင့်ပါလဲ။
YOU ARE READING
Lord of Kings [Complete]
Fanfiction||220521|| ||221012|| Wang Yibo × Xiao Zhan Yizhan {BJYX} Fanfiction Prince Wang and his precious Shizun's love story.