[UNI]
စစ်မြေပြင်သည် အချိန်အတော်ကြာပြီးအချိန်တွင်ငြိမ်သက်သွားလျက်ရှိသည်။ ပုံစံမျိုးစုံဖြင့်သေဆုံးနေသောရဲမက်တို့သည် အစုလိုက်အပြုံလိုက်ဖြစ်၏။ဓါးတစ်ချောင်းအား တင်းနေအောင် ဆုပ်ကိုင်ကာ တောင့်ခံထားသော ဝမ်ရိပေါ်သည်လည်း ဒဏ်ရာဗလပွဖြင့်ဖြစ်သည်။
အမြောက်တွေနှင့်တစ်ဖက်တိုင်းပြည်အား မနိုင်တော့သည့်အချိန်တွင် ချန်ဘုရင်နှင့်စစ်သည်များရောက်လာ၏။ ချန်ဘုရင်သည်လည်း လူနီတို့လို စစ်လက်နက််အသစ်အဆန်းများပိုင်ဆိုင်ထားသည်မို့ စစ်ပွဲသည် မျှတခဲ့သော်လည်း အသေအကျေများလှသည်။
မည်သူအနိုင်ရသည်ဟူသောအဖြေသည် ဝမ်ရိပေါ်၏မလှမ်းမကမ်းတွင် လဲချောင်းလျက်ရှိသော ဝမ်ရိချန်က သက်သေဖြစ်သည်။ အသေတော့ မသတ်ခဲ့ပါပေ။ နှမျောစရာကောင်းလွန်းသည် မဟုတ်ပေလား။
"ဝမ်တိုင်းပြည်ကိုလူခွဲပြီးဝင်စည်းနေတယ်တဲ့ ဝမ်ရိပေါ်"
စစ်ဝတ်စုံဖြင့်ချန်ဘုရင်သည် ဒဏ်ရာတို့ဖြင့်ဝမ်ရိပေါ်အားပြောသည့်အခါ ဒဏ်ရာ၏နာကျင်မှုထက် နှလုံးသားထဲက ဆစ်ကနဲဖြစ်သည်။ အပြင်ဒဏ်ရာတွေအား စိတ်ထဲမထားနိုင်။ နှလုံးသား၏ ရှင်သန်ရာလေးရှိရာဆီ အပြေးနှင်ရပြန်၏။
ဝမ်တိုင်းပြည်ထဲဝင်သည်နှင့် မြင်တွေ့ရသမျှက သေလူချည်းသာ။ နန်းတွင်းထဲဝင်သည့်အခါ ချန်စစ်သည်တို့နှင့် ဝမ်စစ်သည်တို့က တစ်ဖက်လူနီတို့အား တိုက်ခိုက်နေသည်ကိုတွေ့ရသည်။
ယခုသူ၏ရင်တွင်း၌ သံရည်ပူ လောင်းချခံလိုက်ရသလိုပင်ဖြစ်သည်။
ပူပန်နေသောစိတ်အစဥ်ဖြင့် နန်းတွင်းထဲပတ်ရှာရ၏။ သူ့ဆီ ဝင်ရောက်တိုက်ခိုက်လာသူများအားလည်း ကြင်နာရသည့်သူကို မတွေ့ရသေးသည်ကြောင့် ဒေါသဖြင့် မြင်မြင်သမျှ ခုတ်သတ်ပစ်လိုက်သည်။
အချိန်အတော်ကြာသည်အထိ ဘုရင့်နန်းဆောင်၊ ဘုရင့်ညီလာခံ ခန်းမဆောင်၊ မယ်မယ်၏အဆောင်၊ နန်းတွင်းဥယျာဥ်၊ ထမင်းချက်အဆောင်တို့အား ရှာပြီးချိန်တွင် စာကြည့်တိုက်သို့ရောက်လာရ၏။ လမ်းတွင်တွေ့ခဲ့ရသော သွေးကွက်တို့အားမြင်သည့်အခါ ပူပန်မှုသည်နှစ်ဆမက။
![](https://img.wattpad.com/cover/298491292-288-k468212.jpg)
VOUS LISEZ
Lord of Kings [Complete]
Fanfiction||220521|| ||221012|| Wang Yibo × Xiao Zhan Yizhan {BJYX} Fanfiction Prince Wang and his precious Shizun's love story.