[UNI]
"အဆင်ပြေပါ့မလားကွာ။ ဟုတ်မှလည်းလုပ်ဦး"
ရှန်တိုင်းပြည်ဂိတ်တံခါး၏ အနည်းငယ်အလှမ်းဝေးသောနေရာတွင်ဖြစ်သည်။ ငါးတွေထည့်လာသောခြင်းတွေကိုလှည်းဖြင့်တင်ကာ ကုန်သည်ဟန်ဆောင်၍ ဂိတ်အားဖြတ်ကြမည်ဖြစ်သည်။
ကျားလုံနှင့်ဝမ်ရိပေါ်သည် နဂိုအဝတ်စုတ်များအား ပိုစုတ်စေသောငှာ မြေပေါ်တွင်လှိမ့်၍တစ်ဖုံ၊ သစ်ပင်၏ ပင်စည်အားပွတ်၍ အဝတ်စကိုစုတ်စေ၍တစ်မျိုးဖြင့် အဝတ်ပိုစုတ်အောင်ဖန်တီးခဲ့ကြသည်။
သူတို့နှစ်ယောက်မှာ အစေခံအနေဖြင့်ဝင်မည်ဖြစ်သည်။ ခြင်းတွေသည် ကျားလုံ လမ်းတွင်လုပ်ပေးလာခြင်းဖြစ်ကာ ငါးဖမ်းဖို့ကို ဝမ်ရိပေါ်က တာဝန်ယူခြင်းဖြစ်၏။ တွန်းလှည်းအတွက်ကတော့ ကိုယ်လက်လှုပ်ရှားမှုလေး အနည်းငယ်လုပ်ခဲ့ရပါသည်။
ရှောင်းကျန့်ကိုမူ ဝမ်ရိပေါ်က သူ့အဝတ်အသစ်ကိုဝတ်ဆင်ထားစေပြီး ကုန်သည်ခေါင်းဆောင်ထား၏။ အဝတ်ကချောင်ချိနေသည်ကြောင့် ရှောင်းကျန့် ရွာကိုစရောက်တုန်းက အဝတ်လိုဖြစ်နေသည်။
"အသင့်ဖြစ်ရင်သွားရအောင်"
တန်းစီနေသူတွေအနောက် သူတို့ပါဝင်ရပ်ကာ တရွေ့ရွေ့တိုးလိုက်သည်။ အနားနီးလေ စစ်ဆေးရေးတင်းကြပ်လေကို ပိုမြင်လာရသည်မို့ ရှေ့ဆုံးကလျှောက်နေသောရှောင်းကျန့်မှာ ဇောချွေးပင်ပြန်လာရသည်။
"ဘာကိစ္စလဲ!"
"ငါးတွေလာပို့တာပါ"
ရဲမက်သည် အနောက်က လှည်းတွန်းလာသူနှစ်ယောက်ကို တစ်ချက်ကြည့်သည်။ စုတ်ပြတ်နေသောအသွင်အပြင်တွေကြောင့် လူကိုသံသယမဝင်သော်လည်း ငါးထည့်ထားသောခြင်းကိုတော့ဖွင့်ကြည့်သည်။ အတော်ကြာ ဟိုလှန် ဒီလှောမွှေသည့်အပြင် ရှောင်းကျန့်ကိုလည်း စစ်ဆေးပြီးမှ ဝင်ခွင့်ပေးသည်။
အထဲရောက်သည်နှင့်တစ်ပြိုင်နက် လှည်းကိုဘေးကပ်၊ ဦးဆောင်လျှောက်နေသူ ရှောင်းကျန့်လက်အားဝမ်ရိပေါ်ဆွဲကာ သစ်သီးခြင်းတွေထပ်ထားသောအနောက်သို့လှစ်ကနဲဆိုသလိုဝင်လိုက်ကြသည်။ ကျားလုံမှာ ယောင်တောင်တောင်ဖြင့် လိုက်ဝင်ရ၏။
![](https://img.wattpad.com/cover/298491292-288-k468212.jpg)
YOU ARE READING
Lord of Kings [Complete]
Fanfiction||220521|| ||221012|| Wang Yibo × Xiao Zhan Yizhan {BJYX} Fanfiction Prince Wang and his precious Shizun's love story.