My Husband Is My Girlfriends Brother
Unicode
တဖြတ်ဖြတ်ခါနေသော ခန်းဆီးလိုက်ကာအဖြူရောင်တို့ကြား တစ်လောကလုံးမှာ သူတို့သာရှိတော့သလို။
တသိမ့်သိမ့်တုန်နေသော ကျောပြင်လေးကို ခပ်ဖွဖွပွတ်သပ်ပေးလိုက်ရင်း
" ဘယ်လောက်တောင် ပင်ပန်းနေလိမ့်မလဲ "
" ဟင် "
ပါးဖောင်းဖောင်းလေးနှစ်ဖက်ပေါ် မျက်ရည်စီးကြောင်းလေးတွေဖြစ်သည်အထိ ငိုထားသောမျက်နှာလေးဖြင့် မော့ကြည့်လာတော့ မြတ်နိုးလွန်းစွာ နှာခေါင်းထိပ်လေးကို ခပ်ဖွဖွနမ်းလိုက်ရင်း မျက်ရည်စတို့ကို လက်မဖြင့်ဖိသုတ်ပေးလိုက်သည်။
" တေး သိတာပေါ့ 'မ'တေးကိုချစ်တယ်ဆိုတာ တေးသိတာပေါ့ တမင်ကိုခေါင်းမာနေတယ်ဆိုတာလည်းသိတယ် တေးအဖေကြောင့်ဆိုတာလည်း တေးသိတယ် "
" ဒါဆို ဘာလို့ ဟင့် ထွက်သွားမယ်ပြောတာလဲ ဟင့် "
" ဟားဟား "
ရှိုက်သံလေးတွေထွက်လာတဲ့အထိ ငိုလာသော ကလေးလူကြီးလေးကို သဘောကျလွန်းစွာ ရယ်လိုက်မိတော့ ပြန်ရလာသည်က မျက်စောင်းနုနု။
" ဘာရယ်တာလဲ "
" ဟင့်အင်း မရယ်ပါဘူး "
" ခုပဲရယ်လိုက်တာလေ "
နှုတ်ခမ်းဖူးဖူးလေးက ရှေ့ကိုဆူထွက်လာတာကြောင့် သခင်မလေးရဲ့ ရွှေစိတ်တော်မညှိုးစေဖို့အရေး ပြီတီတီဖြစ်နေသောရုပ်ကို အမြန်ပင်ပြင်လိုက်ရသည်။
" မ,က ချစ်ဖို့ကောင်းလွန်းတော့ အူယားပြီးရယ်မိတာပေါ့ "
" ဒါဆို မသွားတော့ဘူးမလား "
နှစ်နှစ်ခြိုက်ခြိုက်ရယ်နေသော တေးရဲ့မျက်နှာက ချက်ချင်းကို ပြန်တည်သွားပြီး အောက်ဘက်သို့ ခေါင်းကိုငုံ့ချလိုက်မိသည်။
" သွားရမှာ ဒါပေမယ့် စောင့်နေမယ်မလား "
ရွက်သစ်ကိုယ်တိုင်လည်း စိတ်မကောင်းပေမယ့် ရုပ်မပျက်စေရန်ပြုံးလိုက်ပြီး
" ဒါပေါ့ တေးကို မစောင့်နေမှာ ပြန်လာတဲ့အချိန်အထိ "
နောက်ဆုံးစကားမှာ အဖျားခတ်ကာတိမ်ဝင်သွားပေမယ့် အမြန်ထိန်းလိုက်တာကြောင့် သူမကိုယ်တိုင်ကလွဲ၍ မသိလိုက်။
KAMU SEDANG MEMBACA
My Husband Is My Girlfriend's Brother (Complete)
Romansaမင်းအမိန့်တော် + တိုင်းရှစ်ခွင်ယံ
