تحضى نار قلبي

الحلقة:السادسة

تخيل سنة وحدة ١٢شهر  ٥٢ اسبوع  ٣٦٥ يوم   ٨.٧٦٥.٨٢  ساعة و ٥٢٥.٩٤٩.٢ دقيقة و ٣١.٥٥٦.٩٥٢ ثانية.

تگدر ترجعهن الي  بدون حذف كل ثانية منها؟؟؟

ضحكت واردفت
اكيد لا يا عساف.

بعدت نضري عنها اتفادة نضراتها وجدحة عيونها..
ابتلعت ريگي وهمست
_ ليش تنتقمين من عندي، شنو هي اذيتي الج؟.
من حقي اعرف جوابج مبهم.

رمقتني بنضرة عجزت عن تفسيرها..
وتكلملت  بهدوء
_ اتمنة ما تدخل.

  مشت من گدامي بدون ماتحجي حرف واحد بس صوت طرقات  كعب صندلها..

ضربت أيدي بالهوى وحجيت
_سبب زواجي منج هو تسكتين وما تگولين ياسمين بنت ملك وأبوها أمني بيها وگال ما انطيها لعمامها هسة شنو الجديد يا انتقام شبيج باباتي تخبلتي شي؟؟

وگفت على خامس درجة
التفت علية مبتسمة ونضراتها التعجيزية.

رفعت حواجبها وحجت
_واخيرا اعترف المجرم بجريمتة..

نهت كلامها بضحكة طويلة واردفت بنضرات ترعب..

نزلت من الدرج وگفت گدامي  وأشرت  بالسبابة على البيت بحركة دائرية

_تشوف هل بيت كلة على بعضة بي كامرات واليوم انت اعترفت بعضمة لسانك انك مو أبو ياسمين الي هي ياسة.

فتحت عيوني بااندهاش  وهي مبتسمة..

اشرت بسبابتها ملامسة صدري
نقرت واردفت
_أب مزيف وقلب مشيب هيهااات ياعساف..

بعدني على صدمتي لحد الان ما مستوعب الي صار..
ابتعدت خطوات واردفت

_ من اگول انتَ ماتفهم تلومني بس وين اكو انسان مثلك مثقف ودارس ومتطلع  يصدك افتراض.

عقدت حواجبي حجيت
_يا افتراض وشنو تقصدين؟

ابتسمت بـ انتصار وگالت
_ما فكرت بيوم اني شوكت دخلت بيتك قبل لا اتعرف عليك؟
يا عساف  الدي ان اي كلها افتراض مني  وخدعة الك.

عساف:  عيدي عيدي لعد منين عرفتي!!

   گعدت على الكرويتة وتكلمت بفحيح
_ مجرد بحلم من أحلام اليقضة شفت انو انتَ ما تصير من نصيبي  اذا ما اجبر قلبك المشيب على تقبلي.

واذا على ياسة
مجرد ربطت رؤوس اقلام لان مسار حامل الها سبع اشهر وملك الها تسعة

والاكثر يولد هو التسع اشهر.
وشفت رؤية حادث سيارتك الي نوعها ****  عمي والسائق الي طلع عايش من الحادث. بالصدر

و ملك، مسار زوجتك بالخلف.
مسار مرتدية  صدرية كابوي للحوامل وتيشيرت اسود.

وانت جنت مو وياهم بششغل اكمل لو يكفي هذا.

طول ما هي  تسولف   نفسها يرتفع  وعيونها تفقع.
مدهوش  من كلامها كلة صحيح وهذا الي صار بالضبط.