تحضى نار قلبي

حلقة:الخامس عشر

تحضى نار قلبي
حلقة الخامس عشر
.
.
.
.

.
. أسوء الحروب التي تخوضها مع نفسك
عقل يرفض وقلب يريد...
.
اخذت جهازة وگعدت يمة فتحتة
ودخلت على جهات الاتصال
طلعت  رقم عمي أبو مصطفى

_اسمع ياسين هسة تتصل على عمو وتگول الة ما متقرب على سرور  وما اخذتها.

بدون تفكير گال
_اي.

اتصلت على عمي وگعدت قريب علية

رد عمي وهو گال إلي حچيتة بس مونفس ما كان يتكلم وياي.
سلم علية بكل بهدوء وگال

_عمي سرور بنت بيت واني ما طخيت اضفرها والمفروض منك ما تثق بكلام نورس.
واني أيدت نورس لان ردت أحصلها.

وهسة عن اذنك راح اغلق جهازي الصبح يمك ببغداد واحچيلك السالفة كلها.

سد الجهاز وگام وگف.
فتح قميصة   شمرة على الجرباية ومط جسمة
_ تستغليني عود يعني!؟

أبتلعت ريگي لان واضح صاحي
هزيت راسي بنفي وحچيت
_ لا شنو استغل..

ضحك بصوت عالي وسحبني علية بقوة احتضني  وضغط علية گال
_ وتتوقعين خططج وسوالفج تمشي علية اني
لا حبيبتي أعرفج كلش زين

درجة كل خطوة تخطيها يمي.
أعرف اتصالاتج
وخططج كلها بححح

انتِ الخسرتي واتورطني وياي.

ضحك بصوت عالي وأردف بفحيح مخيف
_ حضيت ناري بوجودج يمي
انتِ دخلتي لقفص من مراية صعب الخروج منة

لحضات  بهتت
ركزت بعيونة  وأبتسمت
أبتعدت عنة حچيت

_واني أريد هل قفص لان أكدر أحقق أحلامي بوجود سند نفسك.

عقد حواجبة  گال
_مفهمت!!

همست بداخلي
_عساك لافهمت ان شاءلله.

تحمحمت وأردفت
_انتَ تريدني واني أريد أدمر أختي لان فكرت تتخلص من فضلاتها علية.

رد بشك
_يعنيي!

_كل بساطة اسلط عمو عليها..
وبهل حالة اني الربحانة من كل هل سالفة
حضيت بيك وبحياة أتمناها.

سبق وحچيت وياك وفهمتك ليش قبلت بيك لاكن انتَ ما أعرف بشنو تفكر..

طول ما احچي هو مركز علية
_أحاول اصدك  الي تحچينة لان انتِ داهية الله مايجرعج  ساعة مرهم على الجرح وساعة نفس الملح.

لا تتوقعيني  غبي، همي غريزتي.

ضحكت بستفزاز وحچيت
_اذا انتَ ماتهتم للغرائز لعد منو إلي كشفتة ببيت عمي!؟

لهم شفايفة وهمس
_اختج زوجتي وأكيد عندي حقوق عليها.

رغم صدمتي لاكن حاولت ما أبين وأستدرجة بالكلام.