تحضى نار قلبي

حلقة:الثاني والعشرون

تحضى نار قلبي
حلقة الـ ثاني والعشرون
.
.
.
.
. بسم الله الرحمن الرحيم
﴿وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ﴾
فصلت 35.
. أصبرو فتنالو.
.
الايام ورجعت أدرس لحد ما خلصت هل سنتين

رغم الادلة إلي عندي سكتت وانتضرت أتخرج يلا أطلعهن.
حكت القضية من كل الجهات وبمسلعدة صديق والدي عرفت شلون أحبكها عليهم.

بهل وقت خوالي وعمامي وكل أقاربي ماتعرف بسرور وين أغلبهم ضن أنو توفيت وناي توقعت طلعت خارج والاغلب توقعو مسجونة.

طلعتي ودخلتي للبيت محصورة حتى محد يعرفني.
ومن بعد معاناه وأخيراً محامية رسمي.
اكملت دراسة وتخرجت من بعد الف معانا وهم.
من اليوم  سرور حرة..

زفرت نفسي بقوة وأتصلت على أبو صديقتي لحضات و رد
_ يا هلا بخريجتنة.

أبتسمت براحة وحچيت
_اليوم أجة الوقت حتى أخذ حق أهلي وزوجي بعدك على قرارك تساعدني لو أكمل دربي بوحدي وتعرف انتَ حتى واذ  ما تساندني أني أكدر أخذ حقهم وبزيادة.

أختار عمو  تكمل وياي لو تتراجع و أكمل إلي بديت بي.

.. وياچ لحد ما ننتصر عليهم.
تجين هسة لو لا؟

لا مو اليوم خليها على باچر أحسن.
نهيت الاتصال  ورجعت للبيت.

لگيت برشة  وجهة أحمرر من گد ما باچية  والعيون مورمة.
وأم حسين  تضرب على راسها..

استغربت الي صاير  گعدت يمهن وحچيت
_شنو صار!!

بعدهن ما مجاوباتني ودخل مرتضى خبص االبيت يصيح
_شلون تخلي يمد أيدة عليها، شوفي الله بين عيونچ هذة يتيمة والها حوبتها  ، وأبنچ الناقص يمد أيده عليها بصفتة منووووو أحچي
قسم بعظمة الله اذا  مد ايدة واني موجود لـ اخذها وأشرد وأطين  وجوهكم گدام خلگ الله.

ردت علية أم حسين
_ولك يمة تريد تفضحني مو كافي هي زوجة أخوك مالك حق عليها
وبطل اخبالاتكم من رحمة لهلك.

مرتضى:  يمة حمامتي أني ربيتها على أيدي  وگفتي بوجة  أخوي مو وگفة حبيبي لا وگفة أبو وأخو يخافون على قارورتهم،لاتطلعوني  گلب أبن سطعش كلب  واني خوش أعرف النذل أبنچ يجي يهوبز فوگ راسچ لان انتِ منطيتة مجال

بس  صبرچ علية اذا ما أكسر أيدة أطلع كو....  وناقص غيرة.

أم حسين: عمت عينك اذا صدك ولكم تتعاركون على مرة لا بارك الله بيكم  اي والله.

برشة بنتي واني أعرف بمصلحتها.

رد بستهزاء
_قصدچ خراب حياتها  وحيونتها.