تحضى نار قلبي

حلقة الثاني والخمسون

تحضى نـار قلبي
حلقـة الثاني والخمسون
.
.
.
.
.
.
.
.  تفاعلو على الفرات فيروزاتي
غمضت عيوني وحچيت
_ يجي يوم وتقارني بمريم؟؟

همس برفض
_ماكو مقارنة بينچن الفرق شاسع لويري..

بلعت الغصة وحچيت
_بعدك تحبها؟.

أنفاسة الدافية والاهثة بوجهي وهمس 
_ ومحتفظ بكل أغراضها..

دفعتة عني بقوة ومسحت دموعي بقوة وحچيت
_فوگاها هم بنيامين  مستحيل تنساها أنتَ وبس أني إلي أتعذب..

سحبني علية وحضني بقوة وگال
_ بس روحي وعيوني وكياني  تريدچ.
لا تسوين هيچ وضلع الزهرة ما أتحمل كسر ثالث..
كافي علية أمي وأبوي ومريم.

بس وافقي واليوم أهلي وناسي كلهم يم باب بيتچ.
كهربي المميت تقبلين تتزوجيني؟؟

بچيت بقوة وهو زاد بقوة حضنة وهمس قريب أذاني
_لاتكسريني كهربي..

ضغطت على عيوني
وبالگوة حچيت
_بس عادي أنتَ تكسر کلبي

بعدني عنة وعيونة يلمعن
ميل راسة مركز بعيوني ويحچي بهمس
_وروح أهلي أكسر  گلبي بيدي وما أكسر گلبچ..
كهربي أنتِ علاج لجروحي.

بعدت نظري عنة وحچيت بغصة
_شنو إلي يضمنلي ما أتأذة وياك ولا أدفع ثمن حبك لمريم؟
بنيامين أنتَ تحبها ومهوس بيها.
والدليل  محتفظ بكل أغراضها
بس گلي شلون شلون أگدر أخذ مكانها وأنتَ تگلي چانت علاج لكل جروحي وندباتي.

غمض عيونة بقوة وگال
_أنتِ گلتيها چانت وماكو شيء يبقى على حالة.

رديت  بتمالك أعصاب
_ يعني أستنتج من كلامك يجي يوم تمل وتلگة إلي يملي هل مكان وتهوى روحك وتستبدلني بسهولة نفس ما هسة تريدني وبنفس الوقت تحب مريم؟

زفرت نفسي وحچيت
_رحمة لـ الله بنيامين بين ضلوعك گلب لو كوستر؟

ضحك بهدوء وگال
_بكيفچ.

رمقتة بنضرة صفح وحچيت
_شدعواك هيچ.

هز راسة بهدوء وسحب أديني رفعهن وفتح القبضة وقبلهن بهدوء وهمس
_ليش هل عادة ملازمتچ
ملاحظچ  من زمان..

نضرتله بضياع وحچيت
_ما أعرف بالضبط شنو بس كل مرة تصير وياي..

ركز بعيوني وهمس
بعد ما ضغط على كفوف أيدي
_ ما تگدرين تتحكمين بأعصابچ وهل شيء طبيعي
ببعض الاحيان.

صديت على كفوف أديني وحچيت
_ دائما وبشكل يومي من أگعد من النوم ألگة نفسي ضاغطة عليهن بقوة أكثر ورجليني متقوسات..

بنيامين: يأذنچ لو بدون ألم؟

هزيت راسي بهدوء وحچيت
_أتأذة بشكل مو طبيعي لان بصعوبة أتحرك.