تحضى نار قلبي

حلقة:السابعة

تحضى نـار قلبي
حلقة: السابعة.
.
.
.
.
..
لاحاجة لـ اقناعي بأنّني وقعت بالحب
بل اقناعي  فقط بأنّ الوفاء على قيْد الحياة.
...
اخذت ريمون السبلت شغلتة  ومددتت تغطت كلها حتى راسها..
گعدت  على الطابورية انتضرها تنام..

ربع ساعة وحجيت
_سرور..

ما ردت.

نزلت اخذت ملابس  اغتسلت وسويت چاي.
طلعت أشتريت تكة جگاير ورجعت.

صبيت كوب الچاي والجگارة بيدي.
احس ملهوف الها.

تذكرت جهازي ما فاتحة من تلث ايام.
دخلت دروتة لگيتة  على الميز
خليت الجگارة بـ فمي مقلص عيوني من الدخان.

نصدمت بالمكالمات من شهلة وياسة وأبو آيار ومرتضى وسلطان
گلبي نقبض حسيت صاير شي..

اتصلت على ياسة
خمس مكالمات يالة ردت
بس صوتها  مرعد گلبي..
تبجي وتشاهگ وتگول
_بابا طَلگلني...

شمرت الجگارة وحچيت
_ منو شبيج باباتي
ياسة مو وياج أحچي

ردت
_بابا تعال عليك الله بروح ماما تعال
اجانة اليوم وتعارك وياي من گلتله ماريدك وقفلت الباب هد علينة وعبر من الحايط لو ما عمو أبو آيار موگفة.

فتحت  عيوني بصدمة وحجيت
_جايكم بنتي لاتخافين انطيني عمتج بسرعة..

ياسة: بابا خايفة والله گال انتقم منكم وباجر امتحاني  عليك الله تعال والله خايفة وما أريدة..

رديت
_باباتي انطيني عمتج ويصير خير هسة جايكم.

  غمضت عيوني بقوة.
وكل تفكيري يم ياسة..
بنتي هشة وسهلة الانكسار
بس لسان يلعلع وتزعل على أقل شي.

قاطعني صوت شهلة تگول.
_ها خوية..

رديت
_شنو الصاير  وشبيها ياسة.؟!

شهلاء: تعال ويصير خير..

ابتلعت ريگي وحجيت
_شهلة بالگوة لازم نفسي احچي لا تخبليني
ياسة شبيها والسگط مطلگها لو شنو؟؟

شهلاء: خوية أستهدي بالرحمن، من توصل بـ سلامة تعرف كل شي..

_آخر مرة احچي ياسة شبيها.

شهلاء:  بنتك ماتگعد راحة تعال وافهم لا تسوي حادث ولا توصل بيت عمي عليك روح أبوي.

عساف:  لا تطلعينيي من طووري   احچي وفضيها عاد.

شهلاء: على كيفك عساف  كل هل عصبية وتريدني اسولف الك ليش شبية مخبلة أخوي وأعرفة.

عساف: روحي شهلة بس والله فلا احچي وياج على هل سالفة.

شهلاء: ما اتجوز  من الحلفان  تعال ويصير خير.
اخذ راحتك خوية اهدئ وهلا بيك.

عساف: لا ورب العزة تخبلوني ولج شنو أهدئ وانتم مدري شصاير منين اجيب الراحة  من طيحان الحظ الي عندي.