تحضى نار قلبي

السابع والأربعون

تفاعلو على الفقرات  راعو تعبي فيروزاتي.

تحضى نار قلبي
حلقة الـسابع  والاربعون
.
.
.
.
.
.
.
...
كل شيء بسرعة صار بحيث حتى أنعجابي بشخصيتة وشكلة  إلي يجذب النظر..
يمكن لو كل وحدة بمكاني شايفتة تعجب بي.

هوَ يشتغل بوكالة معروفة نوعاً ما بعرض الأزياء الرجالية.
كل يوم بنفس المكان نلتقي وصارت علاقتنا صداقة.
دخل كلبي بدون أستئذان وهل شيء خلاني أطول بالبقاء بهل بلد الغريب..

گعدت الصبح من وقت  غيرت ملابسي  وأخذت  أغراضي ونزلت اركض اتأخرت على ما اعتقد.

ندبت حظي لحد ما وصلت لمكان المترو وهل مرة  الحظ وگف من جانبي وصار هوَ كدامي واگف  بهيئتة الرجولية.

سحبت نفس وميلت راسي مسنحة لشكلة..
گلبي يدگ بسرعة وانفاسي غير منتضمة هاي بس شفتة وهيچ لعد لو اروح يمة وأحچي ويا شلون بية..

حچيت ويا نفسي وأني مركزة على ستايلة المتكون من
بلوز هاينك باللون البيجي وبنطلون قماش باللون الجوزي وبيدة جاكيت لون بني أفتح من لون البنطلون..

_عزاا بعين الخلفك على هل جمال خاب من فدوة لهل شكل.

النوب رفع أيدة إلي بيها الساعة شاف الوقت  وحرك شعرة بحركة مبعثرة  تطايرن خصلات شعرة  وصار خصل على  جبينة رفعة ليفوك ورجع ايدة بجيب البنطلون.

هم مهند ما سوة سوايتة أبن الخوش رجال سحل گلبي
زفرت نفسي وأني اگول

_ فدوة يارب كون يطلع نصيبي..

تمشيت الة واني افكر شلون أبدي أحچي
اگول الة
صباح الخير لو هلو لوشلون يبوووو اني ليون أبقة ما أعرف احچي من أشوفة..

زفرت نفسي  وردت أحچي لان وصلت يمة
بس مجرد ضحك تيه الامة العربية وضاع الكلام مني بحيث سنحتت علية الضحكة ترست وجهي وگلبي يريد ينفجر من كد ما دك..

حرك أيدة يمين يسار وگال
_ سلام لوير

حسيت على نفسي وحچيت
_هلو بنيامين.

أبتسم طرف شفتة وگال
_اليوم متأخرة.

حركت أكتافي وحچيت
_أنتَ جاي من وقت.

رفع حواجبة بدون ما يحچي شيء.

يربي شگد اكره البرود إلي عندة 
زفرت نفسي وحچيت بگلبي
_من عمت عينك أبو الانكليزي ابد ما يكول منال كلة لوير عود شنو هو يفهم أبن الحلو.

صارت عيني علية تنهدت  واني مركزة بملامحة شكد حلوات يربي اوووف هاي يا محضوضة تاخذة  نوب شلون يتثگل ولا يگلك شايف بنات كدامة.

قاطع سرحتي بي رفعة حاجبة والغمزة إلي سحلت گلبي..

تحمحمت وبعدت نضري عنة وهوَ گال
_مضيعة شيء بوجهي لوير .؟