تحضى نار قلبي

حلقة:سادس عشر

تحضى نـار قلبي
حلقة الـ سادس عشر
.
.
.
.
.
..
الإخلاص في قلوب الرجال
أكبر أهمية من النجاح بحد ذاتة.
.
..

وهيج استمرت أيامي..
گعدت اليوم الصبح نفسي لعبانة واتقيئ.
تعبانة وضايجة.

دمرت مستقبلي وحياتي كلها.

غيرت ملابسي وگفت رشيت عطر وگعدت انتضر ياسين.

طلع من الحمام مشط شعرة ورش عطرة
وكمل.

نزلنة
صبحت على عمتي وصعدت السيارة.
وصلني للكلية تقرب علية قَبل خدي ابتعدت عنة.

نزلت ومشى ياسين.

اجرت تكسي وصعدت.
انطيت العنوان للسائق.
ومشت السيارة..

طول الطريق دموعي تنزل احساس غريب
كرهت كل شي وبلحضة ضعف وانكسار گدر الشيطان يستحوذ على تفكيري..

اتصلت على والد صديقتي لحضات رد.
تحمحمت وحچيت
_أهلاً عمو شلونك!

.. حمد الله والشكر بنتي وانتِ شلونج.

_حمد الله عمو أريد أشوفك شلون!

.. ان شاء الله خير، حالياً انتِ وين متواجدة؟

_أريد أزور..

.. رجعي للجامعة واني أجيج وبعدها بيدي أخذج تزورين.

_أوك.

.. من توصلين الجامعة رمشيلي.

_ان شاء الله.

غلقت الجهاز وحچيت
_عفواً بس رجعني للجامعة.

استدار ورجعني للجامعة، فتحت الجنطة بيها خمس عشرة
انطيتهياه رجعلي ستة.

دخلت للجامعة رَمشت لعمي وبقيت انتضر بي..
أقل النص ساعة اتصل علية.

فتحت خط أستمع

.. حالياً دخلت للجامعة وين ألگاج، بكليتج لو وين

_ لا مو بقسمي شفتك عمو هسة أجيك.

.. انتضرج لعد.

مشيت بااتجاها غلقت المكالمة وأبتسمت.

تقرب علية مبادلني الابتسامة.
سلم علية وتمشينة لمكان شبة فارغ.

گعدنة على المسطبة الهدوء سيد الموقف..
مر وقت تنهدت وحچيت.
_عمو أريد أرجع أفتح قضية والدي..

صد علية وحچة
_ ليش تفتحينها!

أبتلعت ريگي وحچيت
_أريد أخذ حقة، لان والدي انقتل ضلم.

... وعمامج ما فتحو قضية لو خسرو بيها!

ضحكت بستهزاء وحچيت
_أصلا ما فتحو لان حاولت أكثر من مرة أعرف وما يطلع شي وياي..

تهمهم وأردف بهدوء وتركيز
_عندج أدلة تثبت!؟

هزيت راسي بنفي وأردفت
_ما أعرف أي شي عنهم كل شي مبهم تخيل القاتل او المشتبة بة ما أعرفة.