تحضى نار قلبي

حلقة:الثالث والعشرون

تحضى نار قلبي
حلقة الثالث والعشرون
.
.
.
.
.
. لا تحتقر كيد الضعيف
فربما تموت الأفاعي من سموم العقارب

مسحت دموعي وزحفت لگبرة  حضنتة وحچيت بعتب
_  ياااابة گاعدة أحچي ويااااك وانت ماتر ليش يابة حرمتوني من شوفتكم.

  نار تسعر بگلبي نفسي  بالگوة اتنفس  أريد أصرخ بعد اريد  الله ياخذني بس اشوفهم حتى لو بنار جهنم اقبل اكون وياهمم.

ضربت راسي بقبرة وحچيت
_  يابة والله الروح متلوعة وينك يابوووي ليش مشيتتتت  وعفت بنيتك

يابة بنتك بس  سبع كربلاء وأمير النجف   وگفولها يابة  أبشرك بنتك  مريضة نفسية أبشرك بنتك مدمن مخدرات ابشرك يابة ابن اخوك هد روحي واخذ زوجي يابة أبشرككككككك بنتك أرملة صااارت وانتَ جوة الگبووووورر 

يابة منين أجيب أب ثاني يابة تگعد لو أموت نفسي يمگ  يابة مو احترگ گلبي يابة اگعد احچي  مو تلوع گلبي  ماتگول بنتي محتاجتني  يابة  متلوعة متلوعة يا يابة بنتك مكسورة جناح..

گومني عمي من القبر وگال
_حرام عليچ دموعچ تچَوي..

رديت بحرگة گلب
_ليش ما گال  فراگ الابو مو هين  ليش خلاني أتعذب بحياتي ليشششش انت جاوب أبوي الي  هسة هو يمسحلي دموعي  نايم النومة مو الة  .

سحبت نفس بالگوة ورفعت راسي للسماء وحچيت بهضيمة
_اني يتيمة وأريد عدالة السماء اريد عدالتك ياالله أخذ حقيييي  يتاماك يا رب العباد تبهذل حالهم  واجة اليسوى والمايسوى يمرغل بيهم..

لا العم أب ولا الخال سند كله  ما أريدهم.

أبتعدت عنة ومشيت بعرج لقبر أرفد أبد ما يستحق كلمة عمو يا حسافة الفاتحة والدموع الي انزلهن الة.

گعدت يم قبرة وطرقتة بييدي وحچيت بصوت
_الله ينتقم منك الله  يسلخ لحمك عن عظمك يا حسافو انتَ أخو أبوي يا حسافة  نار جهنم وبئس المصير ان شاء الله.

أتمنيتك عايش والله لمصيرك مصير أخوك تنشنق وتمون وأخلص منك.

فلوس حراااام رحت تتونس بيهن تالي متت بيهن هههههه حيل هذة الي يبحث عن دنيتا.

عساك ما مبري الذمة ليوم الدين.

گمت من يمة  واني  أحس گلبي مشتعل نااار
اخذت دبة مي ورد غسلت قبر أبوي وامي  أو بالاحرى دموعي هن الغسلنهم.

رجعنة  بالطريق  تعبانة لدرجة  موطبيعية  وصادف صايمة  فد مرة صرت.

الصبح دخلنة كربلاء   طلبت من عمي يوديني للامام العباس
وكفنة يم محل أخذت جگليت وكملت طريقي.

كل أسبوع أجي للامام العباس لازمة سبوتة  كل ليلة جمعة على سبت اني بايتة هنا.

هو أبوي وهو أهلي وناسي العباس كفيلي.
دخلت للتفتيش  فتشتني  وقبلت ادخل الجكليت.