تحضى نار قلبي

الحلقة:الرابعة

تحضى نـار قلبي
حلقة: الرابعة
.
.
.
.
.
أتق شر الحليـم أذا غضب.
مسحت وجهي بقوة زفرت نفسي
وحجيت بصبر.

_سرور فهمي اني حالف ماتزوج
وما ادخل المرة للبيت
دام والدتي تشم لهوى
لان الي شافتة من نسوان اخوتي كافي ووافي ما معتازة بعد..

ابتلعت ريگي واردفت بهدوء
_واذا على ياسة هذة بنتي...
وما اعتقد الج حق تحجين بيها، بالزين او الشين.

وشكلي غلطت من ساعدتج.
لهنا وخلص الفجر وطلع تگدرين تروحين وحدج.

دنكت اخذت السويج والمحفضة وجهاز من لميز قفلت ازرار القميص وطلعت..

وصلت قريب الباب مديت ايدي افتحها
التفتت عليها حجيت

_الحب مو بالاجبار ياريت تفكرين زين..
و انتِ تحبين من حقج
لان عندج غريزة ومشاعر وهل شي من ربج بس انتِ گادرة على التحكم اذا زاد عند حدة.

لاكن مو من حقج يا سرور تجبرين احد يحبج
اعتبريها نصيحة من اخ..

حاضنة ادينها تدعي عدم الاهتمام لاكن نضراتها التجدح باينة..
گلبتهن وحجت بأصرار مميت

_مصيرك يا الاخ تصير حبيبي ياذو القلب المشيب.

نهت كلامها باابتسامة جريئة.
نبرة كلامها تستفز المقابل وطلعت بسالفة القلب المشيب.

رفعت حواجبي وحجيت
_لازم انتِ بي وشفتي مشيب وما ادري؟

ابتسمت بمكر وگالت
_أنتَ بعضمة لسانك انتِ بي اذن اني بي.

ضحكت بستهزاء حجيت
_ لعد شگد تافهة يا انسة.

نهيت كلامي و طلعت من الكوفي
بعدني بالباب ما ابتعدت
واسمع صوت تكسير
رجعت دخلت بسرعة قلقان..

وانصدم بسرور كاسرة المزهرية و الاركيلة..

تقدمت عليها حجيت بعصبية
_خبال؟؟
تخبلتي سرور اكو وحدة عاقله تسوي سوايتج؟

هزت راسها بعصبية وحجت بفحيح
سرور: ششش اسكت انتَ روحي طالعة منك.
و ما الك حق تحجي شي

احترمت حظرتك و اعترفت الك بحبي
بس ردة فعلك شنو هااا

اني اگلك ليش ساكت
_ ردة فعلك مبالغة بيها تدعي الدين والثقافة وانت أيد ورة و أيد گدام.

زفرت نفسي بملل
حجيت
_سرور..
شبيج هذا شجابة على هذا
بس فهميني؟؟
صايرة ماتنطاقين.

خزرتني وحجت بـ عنفوان
_گلتلك لا تدخل بس والله والله اله أندمك واخليك تتوسل بية.

رفعت حواجبي حجيت
_ما عاش الي يذلني يا سرور

ردت بسخرية
_ لاتنغر وترفع انفك للستار دير بالك لا ينگطم.

عساف: أحد گال الج اني سرور؟