"အေးပါ၊ ဒါဆိုလည်း ကောင်းကောင်းအနားယူနော်....အဟမ်း အဟမ်း"
ရယ်ချင်သည်ကိုထိန်းထားသော စက်နေဟိန်းအပြုအမူကြောင့် ကြည်လင်သူတစ်ယောက် Air-Con Carထဲထိုင်နေရင်း ဇောချွေးလေးများ ပျံနေလေပြီ။
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
မနက်စာ မစားရသေးဘူးပြောသည့် သူငယ်ချင်းဖြစ်သူ ရာဇာ့ကောင်းမှုဖြင့် ဉာဏ် လက်ဖက်ရည်ဆိုင်ရောက်နေလေပြီ။
"မင်းလည်း အိမ်ကနေ မြိုဆို့လာတယ်သာပြောတယ်၊ ပေါက်စီနှစ်လုံးလည်း ဝင်သေးတာပဲနော်"
ရာဇာသည် မှာထားသော လက်ဖက်ရည်ကို သမအောင်ဇွန်းဖြင့်မွှေနေရင်းမှ ဒုတိယမြောက်ပေါက်စီတစ်လုံးစားနေသောဉာဏ့်ကိုကြည့်ကာ ပြောလိုက်၏။ ဉာဏ်ကတော့ ရယ်လျက်....
"ငါချဉ်ခြင်းတက်နေတာလေ"
"ဪ....မင်းအဘိုးကြီးက အတော်စွမ်းသကိုး၊ ကျားကျားချင်းတောင် ဖရဲသီးကျွေးပစ်လိုက်တာနော်"
"ရတာပဲလေ...."
ပလုတ်ပလောင်းစားကာပြောနေသောကြောင့် နင်နေမည်စိုးသဖြင့် ရာဇာက လက်ကာပြလိုက်သည်။
"ဖြည်းဖြည်းမြိုနော် လင်ရှိအတန်းစားလေး"
"ငါပြောမယ်၊ ငါတကယ် ကလေးလိုချင်နေတာလားမသိဘူး၊ မာမီနဲ့ ဦးစက်မာမီတို့က အငှားကိုယ်ဝန်ဆောင်ရှာထားပေးတာနည်းနည်းကြာပြီ၊ အဲ့ဒါ ငါစဉ်းစားနေတာ....."
အတည်ပေါက်ပြောနေသော ဉာဏ့်ကို ရာဇာက လက်ဖက်ရည်ခွက်ကိုင်ရင်းတန်းလန်း ကြောင်ကြည့်နေမိသည်။ ပထမက သူ့အချစ်ဆုံးသူငယ်ချင်း ယောက်ျားယူသွားသည်။ အခု ကလေးမွေးဖို့ပါ ပြောနေလေပြီ။
"ငစော....ငါ ဒီလက်ဖက်ရည်လေးကုန်အောင် သောက်ပါရစေ၊ ငါ နင်နေမှာစိုးလို့ လမ်းတစ်ဝက်မှာ"
"ငါတကယ်ပြောနေတာ"
ဉာဏ်က ရာဇာ့လက်ဖက်ရည်ခွက်ကိုဆွဲယူကာ တစ်ငုံယူသောက်လိုက်သည်။
"မင်းအဘိုးကြီးကို ပြောပြီးပြီလား"
"အေး၊ သူက သေချာစဉ်းစားတဲ့၊ သူကတော့လိုချင်ပေမယ့် ငါက သေချာစဉ်းစားရမယ်တဲ့"
ESTÁS LEYENDO
ညံနေအောင်ချစ်မည် (loving you out loud)
RomanceCompleted!! Age Gap (BoyxBoy) Marriage Life! Cover Art_ Adder Aries (Canvas) Started date_ Wed, Dec 8th, 2021
