"MD...ဒါက လျှောက်လဲချက်တင်တဲ့အခါ အဓိကအချက်တွေပါ၊ ကျွန်တော် မှတ်စုတိုလေးတွေရေးလာတယ်"
ကြည်လင်သူက တရားရုံးသွားရသည့်လမ်း၌ စက်နေဟိန်းဆီသို့ စာရွက်အချို့ကို ပေးလိုက်သည်။
"ကျေးဇူးပဲ၊ ဟိုဘက်က ရှေ့နေတွေ ဘယ်လောက်မြိုဆို့ပြီး ငါ့ကို ကြပ်ဦးမလဲမသိဘူး"
စက်နေဟိန်းစကားကြောင့် ဒရိုင်ဘာရော ကြည်လင်သူရော ရယ်မိသွားကြသည်။
"မိန်းမယူထားခဲ့တဲ့ အကျိုးတွေပေါ့ဆရာ"
ဒရိုင်ဘာ၏ ထိထိမိမိစကားကြောင့် စက်နေဟိန်းရယ်လိုက်ရင်း....
"ငါအစတည်းက ယောက်ျားယူခဲ့ရမှာနော်၊ မင်းတို့လည်းမှတ်ထားကြ၊ ယောက်ျားပဲရွေးယူ ငါ့ကို ဥပမာယူပြီး"
"ဟား ဟား....ဒါနဲ့ ဆရာ့အမျိုးသားကို ကျွန်တော်လာတိုင်း တစ်ခါမှ မတွေ့ဘူးနော်"
"သူကအလုပ်ရှိတယ်လေ၊ ဆပ်ပြာမှုန့်လိုက်ရောင်းနေတဲ့ ဈေးသည်ကြီး"
"ဆရာ့အိမ်ထောင်တွေအကုန်လုံးက သူ့အလုပ်နဲ့သူချည်းနော်"
"ကောင်းတာပဲလေ၊ ငါသိပ်ရှာကျွေးစရာမလိုတော့ဘူး"
တရားရုံးသွားနေကြသည်သာပြောသည်။ တစ်ကားလုံးလည်း ဆူဆူညံညံ ရယ်မောနေကြသည်မှာ အပူပင်ကင်းနေကြသည့်အလားပင်။
"အဟမ်း....ဒါနဲ့ကြည်လင် တစ်နာရီနောက်ပိုင်း ဘာလုပ်စရာရှိသေးလဲ"
စက်နေဟိန်းသည် ကြည်လင်သူကိုကြည့်ကာ တမင်တကာမေးလိုက်ခြင်းပင်...ကြည်လင်သူမှာ tabletကိုကြည့်နေရင်း ဆတ်ခနဲခေါင်းမော့လာကာ....
"ဟို ... အာ မရှိပါဘူး MD"
ကြည်လင်သူလိုလူမျိုးက အလုပ်ဘယ်လောက်ချစ်တယ်ဆိုတာ စက်နေဟိန်းသိပြီးသားမို့ ပြုံးလိုက်ရင်း....
"ပြန်ရင် ကားယူသွားလေ၊ ဒီနေ့ တစ်နာရီနောက်ပိုင်း သေချာအနားယူ"
"မယူတော့ပါဘူး၊ ကျွန်တော် အိမ်မှာပဲ သေချာနားမှာပါ"
စက်နေဟိန်းက "ဟုတ်ရဲ့လား" ဆိုသည့်ပုံဖြင့် ကြည့်နေသေးတာကြောင့် ကြည်လင်သူတစ်ယောက် လည်ချောင်းတွေပင်ခြောက်လာနေသလိုလို။
DU LIEST GERADE
ညံနေအောင်ချစ်မည် (loving you out loud)
RomantikCompleted!! Age Gap (BoyxBoy) Marriage Life! Cover Art_ Adder Aries (Canvas) Started date_ Wed, Dec 8th, 2021