"ဉာဏ်....ထမင်းမစားချင်ဘူးလား"
ဇွန်းဖြင့် ထမင်းပန်းကန်ကို ထိုးမွှေနေသော ဉာဏ့်ကိုအကဲခတ်ကြည့်နေသည့် စက်နေဟိန်း မမေးဘဲ မနေနိုင်တော့။
"စားချင်ပါတယ်"
ထိုသို့ပြောပြီး ပါးစပ်ထဲသို့ ထမင်းတစ်လုတ်အမြန်ထည့်ကာ ဖြည်းဖြည်းချင်းဝါးနေသည်။ စက်နေဟိန်းလည်း ဒီကလေးတစ်ခုခုဖြစ်နေတာကို ရိပ်မိနေပေမယ့် ထမင်းစားချိန်အတွင်း မေးမနေတော့။
"ဦးစက်"
"ပြော"
"ဉာဏ်တို့လေ တစ်ခါက မာမီနဲ့ကြီးကြီးတို့ရဲ့ surpriseဆိုတာကြီးလေ၊ အငှားကိုယ်ဝန်ဆောင်သည် ငှားပေးထားတယ်ဆိုတာလေ"
"အင်း၊ ကိုယ်မှတ်မိတယ်"
"အဲ့ဒါလုပ်ကြည့်ကြမလားဟင်"
ဉာဏ့်စကားကြားပြီး စက်နေဟိန်း၏ မျက်ခုံးအစုံတို့ပင့်တက်သွားကာ စားလက်စ ဇွန်းကိုပါ ပစ်ချလိုက်မိသည်။
"အဟမ်း....အာ...."
ဉာဏ့်ကို စကားပြန်ပြောဖို့ရာ သူကိုယ်တိုင်အစရှာမရချေ။ ဉာဏ်က သူ့ကို မျှော်လင့်တကြီးကြည့်နေတာမို့ ဉာဏ့်ကိုသာ အီလည်လည်ဖြင့် ပြန်ကြည့်နေမိသည်။
"ဉာဏ်က ရုတ်တရက် ဘာလို့လဲ"
"ဒီနေ့ ဉာဏ် ကလေးပိစိလေးတစ်ယောက် မိဘနဲ့ကွဲသွားလို့ ပြန်ရှာပေးခဲ့တယ်၊ သမီးလေးသိလား....အရမ်းချစ်ဖို့ကောင်းတာပဲ၊ အသံလေးကအစ....အဲ့ဒါကြောင့် ဉာဏ့်စိတ်ကနည်းနည်း...."
"ကိုယ်သဘောပေါက်ပြီ"
စက်နေဟိန်းသည် ညစာအား လက်စသတ်ကာ ရေသောက်ပြီး သက်ပြင်းဖြည်းဖြည်းချသည်။
"ကိုယ်က ကိုယ့်ရင်သွေးလေး ကလေးလေးတွေဆိုတာကို တကယ်မက်မောတယ်ဉာဏ်၊ ဒါ ကိုယ်အရင်တည်းက ဖြစ်ချင်ခဲ့တဲ့ ဆန္ဒတွေထဲကတစ်ခုပဲ၊ အမှန်တိုင်းပြောတာပါ၊ အခု ဉာဏ့်ဘက်ကနေတွေးပေးရရင် ဉာဏ့်အသက်အရွယ်က ငယ်သေးတယ်၊ နောက်ပြီး ယောက်ျားချင်းလက်ထပ်ထားရတဲ့သူ၊ အဲ့ဒါအပြင် ဉာဏ်ချစ်လို့ယူခဲ့တာဆိုတာထက် အခြားဖိအားကြောင့် ကိုယ်နဲ့လက်ထပ်ထားတာ၊ ဒီတိုင်းယောက်ျားလေးအလွတ်တစ်ယောက်အနေနဲ့ တွေးကြည့်ဦး ဉာဏ်၊ ကိုယ်ပြောတာ သဘောပေါက်လား"
YOU ARE READING
ညံနေအောင်ချစ်မည် (loving you out loud)
RomanceCompleted!! Age Gap (BoyxBoy) Marriage Life! Cover Art_ Adder Aries (Canvas) Started date_ Wed, Dec 8th, 2021