وسقطت بين يدي شيطان للكاتبة مي علاء

ﺍﻟﻔﺼﻞ ﺍﻟﺜﺎﻟﺚ ﻋﺸﺮ

ﺍﺷﺮﻗﺖ ﺷﻤﺲ ﻳﻮﻡ ﺟﺪﻳﺪ
ﻓﺘﺤﺖ ﺭﻳﺤﺎﻧﺔ ﻋﻴﻨﻴﻬﺎ ﺑﺒﻄﺊ ﻭ ﻧﻈﺮﺕ ﻟﻤﻜﺎﻧﻪ ﻭ ﻣﻦ ﺛﻢ ﺍﻏﻠﻘﺘﻬﻤﺎ ﺑﻨﻌﺎﺱ ﻭ ﻣﺎ ﻟﺒﺜﺖ ﺍﻥ ﻓﺘﺤﺘﻬﻢ ﻣﺮﺓ ﺁﺧﺮﻯ ﻭ ﻧﻈﺮﺕ ﻟﻤﻜﺎﻧﻪ ﻭ ﻟﻢ ﺗﺠﺪﻩ .. ﻓﺄﻋﺘﺪﻟﺖ ﺇﻟﻰ ﻭﺿﻊ ﺍﻟﺠﻠﻮﺱ ﻭ ﻫﻲ ﺗﻤﺮﺭ ﻧﻈﺮﺍﺗﻬﺎ ﺣﻮﻟﻬﺎ ﺑﺎﺣﺜﻪ ﻋﻨﻪ .. ﻓﻠﻢ ﺗﺠﺪﻩ ﺍﻳﻀﺎ، ﻓﺘﻨﻬﺪﺕ ﻭ ﻫﻲ ﺗﻤﺴﺢ ﻭﺟﻬﻬﺎ ﺑﻜﻔﻬﺎ ﻭ ﻣﻦ ﺛﻢ ﺍﻗﺘﺮﺑﺖ ﻣﻦ ﺣﺎﻓﺔ ﺍﻟﺴﺮﻳﺮ ﻭ ﺍﻧﺰﻟﺖ ﻗﺪﻣﻴﻬﺎ ﺣﺘﻰ ﻻﻣﺴﺖ ﺍﺻﺎﺑﻌﻬﺎ ﺍﻻﺭﺽ ﻭ ﻗﺒﻞ ﺍﻥ ﺗﻨﻬﺾ ﺳﻤﻌﺖ ﻃﺮﻗﺎﺕ ﺍﺣﺪﻫﻢ ﻋﻠﻰ ﺍﻟﺒﺎﺏ ﻓﺄﺫﻧﺖ ﻟﻪ ﺑﺎﻟﺪﺧﻮﻝ
- ﺻﺒﺎﺡ ﺍﻟﺨﻴﺮ ﺍﻧﺴﺔ ﺭﻳﺤﺎﻧﺔ
ﻗﺎﻟﺘﻬﺎ ﺯﻫﺮﺓ ﻭ ﻋﻠﻰ ﻭﺟﻬﻬﺎ ﺇﺑﺘﺴﺎﻣﺔ ﻣﺸﺮﻗﺔ، ﻓﺒﺎﺩﻟﺘﻬﺎ ﺭﻳﺤﺎﻧﺔ ﺍﻹﺑﺘﺴﺎﻣﺔ ﻭ ﻫﻲ ﺗﻘﻮﻝ
- ﺻﺒﺎﺡ ﺍﻟﻨﻮﺭ
- ﻓﻲ ﺣﺎﺟﺔ ﻋﺎﻳﺰﻩ ﺍﻗﻮﻟﻬﺎﻟﻚ
- ﻣﺎﺷﻲ، ﺑﺲ ﺍﺳﺘﻨﻴﻨﻲ .. ﻫﺪﺧﻞ ﺍﻟﺤﻤﺎﻡ ﻭ ﺍﺭﺟﻌﻠﻚ
ﻗﺎﻟﺘﻬﺎ ﺭﻳﺤﺎﻧﺔ ﻭ ﻫﻲ ﺗﻨﻬﺾ ﻣﻦ ﻋﻠﻰ ﺍﻟﺴﺮﻳﺮ، ﻓﺄﻭﻣﺄﺕ ﺯﻫﺮﺓ ﺑﺮﺃﺳﻬﺎ ﻭ ﻫﻲ ﺗﻘﻮﻝ
- ﺣﺎﺿﺮ
ﺇﺗﺠﻬﺖ ﺭﻳﺤﺎﻧﺔ ﻟﻠﺤﻤﺎﻡ ﻭ ﺩﺧﻠﺘﻪ، ﺑﻴﻨﻤﺎ ﺟﻠﺴﺖ ﺯﻫﺮﺓ ﻟﺘﻨﺘﻈﺮﻫﺎ
..........................................................
ﻛﺎﻥ ﺍﻟﺸﻴﻄﺎﻥ ﻳﻌﺘﻠﻲ ﺟﻮﺍﺩﻩ ﺍﻻﺳﻮﺩ ﻭ ﻫﻮ ﻳﺘﺠﻮﻝ ﻓﻲ ﺍﻷﺭﺍﺿﻲ ﺍﻟﺨﻀﺮﺍﺀ ﺍﻟﻮﺍﺳﻌﺔ، ﻛﺎﻥ ﻳﺘﺎﺑﻊ ﺑﻨﻈﺮﺍﺗﻪ ﺍﻟﺤﺎﺩﺓ ﺍﻟﻌﺎﻣﻴﻠﻦ ﺍﻟﺬﻳﻦ ﻳﻌﻤﻠﻮﻥ ﻓﻲ ﻫﺬﺓ ﺍﻷﺭﺽ .. ﻛﺎﻧﻮﺍ ﻳﻌﻤﻠﻮﻥ ﺑﺠﺪ ﻭ ﻫﺬﺍ ﺍﻋﺠﺒﻪ، ﻓﺄﻭﻗﻒ ﺟﻮﺍﺩﻩ ﻭ ﻗﺎﻝ ﺑﺼﻮﺕ ﻣﺮﺗﻔﻊ
- ﻟﻴﻜﻢ ﻣﻜﺎﻓﺄﺓ ﻋﻠﻰ ﺷﻐﻠﻜﻢ ... ﻫﺰﻭﺩﻛﻢ ﻓﻲ ﺍﻟﺮﻭﺍﺗﺐ ﺍﻟﺸﻬﺮ ﺩﺓ، ﻭﻟﻮ ﻓﻀﻠﺘﻢ ﺗﺸﺘﻐﻠﻮﺍ ﺑﺠﺪ ﻫﻜﺎﻓﺄﻛﻢ ﺍﻛﺘﺮ
ﺳﺎﺩ ﺍﻟﺼﻤﺖ ﺑﻌﺪ ﻗﻮﻟﻪ ﻭ ﺗﻌﺎﻟﺖ ﺍﻟﺪﻫﺸﺔ ﻋﻠﻰ ﻭﺟﻮﻩ ﺍﻟﻌﺎﻣﻠﻴﻦ، ﻓﺄﻟﺘﻔﺖ ﺑﺠﻮﺍﺩﻩ ﺑﺒﻄﺊ ﻭ ﻣﻦ ﺛﻢ ﺿﺮﺏ ﺍﻟﺠﻮﺍﺩ ﺑﺎﻟﻠﺠﺎﻡ ﻓﺮﻛﺾ .
..........................................................
- ﺣﺎﻭﻟﻲ ﺗﺠﻴﺒﻲ ﺍﻟﻮﺭﻕ ﺩﺓ ﺑﺄﻱ ﻃﺮﻳﻘﻪ ﻋﺸﺎﻥ ﻣﻬﻢ ﻟﻠﺴﻴﺪ ﺟﻼﻝ
ﻗﺎﻟﺘﻬﺎ ﺯﻫﺮﺓ ﻟﺮﻳﺤﺎﻥ ﺑﻌﺪ ﺍﻥ ﺧﺮﺟﺖ ﻣﻦ ﺍﻟﺤﻤﺎﻡ، ﻭ ﺍﻛﻤﻠﺖ
- ﺍﻟﻮﺭﻕ ﺩﺓ ﻳﺒﻘﻰ ﻣﻌﺎﻛﻲ ﻗﺒﻞ ﻣﺎ ﺗﻬﺮﺑﻲ ﻣﻦ ﻫﻨﺎ، ﺍﻧﺎ ﻗﻠﺘﻠﻚ ﺍﻟﺘﻔﺎﺻﻴﻞ ﺍﻟﻠﻲ ﻣﻮﺟﻮﺩﻩ ﻓﻲ ﺍﻟﻮﺭﻕ، ﺣﺎﻭﻟﻲ ﺗﻼﻗﻴﻬﻢ
ﺍﻭﻣﺄﺕ ﺭﻳﺤﺎﻧﺔ ﺑﺮﺃﺳﻬﺎ ﺑﺸﺮﻭﺩ ﻭ ﻣﻦ ﺛﻢ ﺳﺄﻟﺖ
- ﻋﻨﺪﻱ ﺳﺆﺍﻝ
- ﺍﺗﻔﻀﻠﻲ
- ﺍﻟﻘﺼﺮ ﺍﻟﻠﻲ ﺟﻼﻝ ﻋﺎﻳﺰ ﻭﺭﻗﻪ، ﻗﺼﺮ ﻣﻴﻦ ؟
ﻧﻈﺮﺕ ﻟﻬﺎ ﺯﻫﺮﺓ ﻭ ﻗﺎﻟﺖ
- ﺍﻟﻘﺼﺮ ﺑﺘﺎﻉ ﺍﻟﺴﻴﺪ ﺑﻬﺠﺖ ﺍﻟﻠﻪ ﻳﺮﺣﻤﻪ ﺍﻭ ﺑﺎﻷﺻﺢ ﺍﻟﻘﺼﺮ ﺑﺘﺎﻉ ﺍﺟﺪﺍﺩ ﺍﻟﺸﻴﻄﺎﻥ ﻭ ﺍﻟﺴﻴﺪ ﺟﻼﻝ
- ﺍﻟﺸﻴﻄﺎﻥ ﻭ ﺟﻼﻝ !
ﻗﺎﻟﺘﻬﺎ ﺭﻳﺤﺎﻧﺔ ﺑﺈﺳﺘﻐﺮﺍﺏ ﻓﻲ ﺣﻴﻦ ﺍﻭﻣﺄﺕ ﺯﻫﺮﺓ ﺑﺮﺃﺳﻬﺎ، ﻓﺄﻛﻤﻠﺖ ﺭﻳﺤﺎﻧﺔ
- ﻭﻫﻮ ﻓﻴﻦ ﺍﻟﻘﺼﺮ ﺩﺓ؟
- ﺩﺓ ﺍﻟﻘﺼﺮ .. ﺍﻟﻠﻲ ﺍﻧﺘﻲ ﻋﺎﻳﺸﻪ ﻓﻴﻪ ﺩﻟﻮﻗﺘﻲ
ﻧﻈﺮﺕ ﻟﻬﺎ ﺭﻳﺤﺎﻧﺔ ﺑﺒﻼﻫﻪ ﻭ ﻗﺎﻟﺖ
- ﺍﻧﺎ ﻣﺶ ﻓﺎﻫﻤﻪ ﺣﺎﺟﺔ
- ﻣﺶ ﻓﺎﻫﻤﻪ ﺍﻳﺔ؟
- ﺍﻧﺘﻲ ﺑﺘﻘﻮﻟﻲ ﺍﻥ ﺍﻟﻘﺼﺮ ﺩﺓ ﺑﺘﺎﻉ ﺍﺟﺪﺍﺩ ﺟﻼﻝ ﻭ ﺍﻟﺸﻴﻄﺎﻥ ... ﺍﺯﺍﻱ؟، ﻣﺶ ﺩﺓ ﻗﺼﺮ ﺍﻟﺸﻴﻄﺎﻥ ﺑﺲ ! ... ﻓﺄﻳﺔ ﺍﻟﻠﻲ ﺩﺧﻞ ﺟﻼﻝ ﻭ ....
ﻭ ﻣﻦ ﺛﻢ ﺻﻤﺘﺖ ﻟﺒﺮﻫﻪ ﻭ ﻫﻲ ﺗﻔﻜﺮ، ﻭ ﻣﻦ ﺛﻢ ﺍﺗﺴﻌﺖ ﻣﻘﻠﺘﻴﻬﺎ ﻓﻲ ﺫﻫﻮﻝ ﻭ ﻫﻲ ﺗﻘﻮﻝ
- ﻫﻮ ﻓﻲ ﻗﺮﺍﺑﻪ ﻣﺎ ﺑﻴﻦ ﺍﻟﺸﻴﻄﺎﻥ ﻭ ﺟﻼﻝ؟
ﺳﺎﺩ ﺍﻟﺼﻤﺖ ﻟﺪﻗﺎﺋﻖ ﺣﻴﺚ ﻗﻄﻌﺘﻪ ﺭﻳﺤﺎﻧﺔ
- ﻣﺶ ﺑﺘﺮﺩﻱ ﻋﻠﻴﺎ ﻟﻴﺔ؟
ﺗﻨﻬﺪﺕ ﺯﻫﺮﺓ ﻭ ﻗﺎﻟﺖ
- ﻓﻲ ﺣﺎﺟﺎﺕ ﻛﺘﻴﺮ ﻣﺘﻌﺮﻓﻬﺎﺵ ﻭ ﻣﻨﻬﻢ ﺍﻥ ﺍﻟﺴﻴﺪ ﺟﻼﻝ ﻭ ﺍﻟﺸﻴﻄﺎﻥ .... ﺍﺧﻮﺍﺕ
ﺍﻧﻔﺠﺮﺕ ﺷﻔﺘﻴﻬﺎ ﻓﻲ ﺫﻫﻮﻝ ﻭ ﺻﺪﻣﺔ ﻣﻤﺎ ﺳﻤﻌﺖ .
،،،،،،،،،،،،،،،،،،،،
ﺩﺧﻠﺖ ﻏﺮﻓﺔ ﺍﻟﻄﻌﺎﻡ ﻭ ﺟﻠﺴﺖ ﻓﻲ ﻣﻘﻌﺪﻫﺎ، ﻧﻈﺮﺕ ﻟﻤﻘﻌﺪﻩ ﺍﻟﺨﺎﻟﻲ ﻭ ﺗﻨﻬﺪﺕ ﻓﻲ ﺣﻴﻦ ﺍﺗﺖ ﺍﻟﺨﺎﺩﻣﺔ ﻭ ﻗﺎﻟﺖ ﺑﺨﻔﻮﺕ
- ﺗﺤﺒﻲ ﺍﺣﻂ ﻟﺤﻀﺮﺗﻚ ﺍﻟﻔﻄﻮﺭ ﻭ ﻻ ﻫﺘﺴﺘﻨﻲ ﺳﻴﺪﻧﺎ ؟
ﻧﻈﺮﺕ ﻟﻬﺎ ﺭﻳﺤﺎﻧﺔ ﺑﺸﺮﻭﺩ ﻭ ﺻﻤﺘﺖ ﻟﺒﺮﻫﻪ ﻗﺒﻞ ﺍﻥ ﺗﻘﻮﻝ
- ﻫﺴﺘﻨﺎﻩ
ﺍﻭﻣﺄﺕ ﺍﻟﺨﺎﺩﻣﺔ ﺑﺮﺃﺳﻬﺎ ﻭ ﻋﺎﺩﺕ ﻟﻠﻮﺭﺍﺀ، ﺑﻴﻨﻤﺎ ﻇﻠﺖ ﺭﻳﺤﺎﻧﺔ ﺗﻨﻈﺮ ﻟﻠﻬﺎﻭﻳﺔ ﺑﺸﺮﻭﺩ ﻭ ﺿﻴﺎﻉ !
..........................................................
ﺧﺮﺝ ﺟﻼﻝ ﻣﻦ ﻗﺼﺮﻩ ﻭ ﺇﺗﺠﻪ ﻟﺴﻴﺎﺭﺗﻪ ﻓﺄﺳﺮﻉ ﺍﻟﺴﺎﺋﻖ ﻭ ﻓﺘﺢ ﺑﺎﺏ ﺍﻟﺴﻴﺎﺭﺓ ﻟﺴﻴﺪﻩ " ﺟﻼﻝ ... " ﻓﺼﻌﺪﻫﺎ ﻭ ﺍﻏﻠﻖ ﺍﻟﺴﺎﺋﻖ ﺍﻟﺒﺎﺏ، ﺍﻣﺴﻚ ﺟﻼﻝ ﺑﻬﺎﺗﻔﻪ ﻭ ﺿﻐﻂ ﻋﻠﻰ ﻋﺪﺓ ﺍﺭﻗﺎﻡ ﻭ ﻣﻦ ﺛﻢ ﻭﺿﻊ ﺍﻟﻬﺎﺗﻒ ﻋﻠﻰ ﺍﺫﻧﻪ ﻭ ﻫﻮ ﻳﻨﺘﻈﺮ ﺭﺩ ﺍﻟﻄﺮﻑ ﺍﻵﺧﺮ
- ﻛﻞ ﺩﺓ ﻋﻘﺒﺎﻝ ﻣﺎ ﺗﺮﺩ ﻳﺎ ﻋﺠﻮﺯ ﺍﻧﺖ
ﻗﺎﻟﻬﺎ ﺟﻼﻝ ﺑﻐﻀﺐ ﺑﻌﺪ ﺍﻥ ﺭﺩ ﺍﻟﻄﺮﻑ ﺍﻵﺧﺮ، ﻓﺘﺄﺳﻒ ﺍﻟﻄﺮﻑ ﺍﻵﺧﺮ ﻭ ﻗﺎﻝ
- ﻣﻌﻠﺶ ﻳﺎ ﺳﻴﺪ ﺟﻼﻝ .. ﺳﻤﻌﻲ ﻋﻠﻰ ﻗﺪﻱ ﻭ ...
ﻗﺎﻃﻌﻪ ﺟﻼﻝ
- ﻣﺶ ﻭﻗﺖ ﺳﻤﻌﻚ ﺩﻟﻮﻗﺘﻲ، ﻫﺎ .. ﻭﺻﻠﺖ ﺍﻟﻜﻼﻡ ﺍﻟﻠﻲ ﻗﻠﺘﻬﻮﻟﻚ ﻟﺮﻳﺤﺎﻧﺔ؟
- ﺍﻳﻮﺓ
- ﻛﻮﻳﺲ، ﺗﺒﻘﻰ ﺗﻌﺮﻓﻨﻲ ﺑﻜﻞ ﺟﺪﻳﺪ، ﻭ ﺣﺎﻭﻝ ﺗﺨﻠﻲ ﺭﻳﺤﺎﻧﺔ ﺗﺠﺒﻠﻨﺎ ﺍﻟﻮﺭﻕ ﺍﺳﺮﻉ
- ﺣﺎﺿﺮ ﻳﺎ ﺳﻴﺪﻧﺎ
ﺍﻏﻠﻖ ﺟﻼﻝ ﺍﻟﺨﻂ ﺩﻭﻥ ﺍﻥ ﻳﺮﺩ ﻭ ﻣﻦ ﺛﻢ ﻧﻈﺮ ﻣﻦ ﺧﻠﻒ ﺯﺟﺎﺝ ﺍﻟﻨﺎﻓﺬﺓ ﻭ ﻫﻮ ﻳﻘﻮﻝ ﻟﻠﺴﺎﺋﻖ
- ﺳﺮﻉ
- ﺣﺎﺿﺮ
ﻗﺎﻟﻬﺎ ﺍﻟﺴﺎﺋﻖ ﻭ ﻣﻦ ﺛﻢ ﺯﺍﺩ ﻣﻦ ﺳﺮﻋﻪ ﺍﻟﺴﻴﺎﺭﺓ
..........................................................
ﺗﻠﻒ ﻟﻐﺮﻓﺔ ﺍﻟﻄﻌﺎﻡ ﺑﻬﺪﻭﺀ ﻭ ﺟﻠﺲ ﻓﻲ ﻣﻘﻌﺪﻩ، ﻓﺄﻗﺘﺮﺑﺖ ﺍﻟﺨﺎﺩﻣﺔ ﻭ ﺑﺪﺃﺕ ﻓﻲ ﺗﻘﺪﻳﻢ ﺍﻟﻄﻌﺎﻡ ﺑﻴﻨﻤﺎ ﻛﺎﻧﺖ ﺭﻳﺤﺎﻧﺔ ﺗﺤﺪﻕ ﺑﻪ ﺑﺸﺮﻭﺩ ﻭ ﺿﻴﺎﻉ .. ﺍﺣﻘﺎ ﺟﻼﻝ ﻭ ﺍﻟﺸﻴﻄﺎﻥ ﺍﺷﻘﺎﺀ؟ ﻻ ﻳﻮﺟﺪ ﺍﻱ ﺗﺸﺎﺑﻪ ﺑﻴﻨﻬﻢ ﺳﻮﺍﺀ ﺷﻜﻼ ﺍﻭ ﺷﺨﺼﻴﺔ !، ﻭ ﻣﺎ ﻳﺤﻴﺮﻫﺎ ﺍﻥ ﺟﻼﻝ ﻟﻢ ﻳﺨﺒﺮﻫﺎ ﻋﻦ ﻫﺬﺍ ﺍﺑﺪﺍ .. ﻓﻠﻤﺎﺫﺍ ﻟﻢ ﻳﺨﺒﺮﻫﺎ؟ ﻭ ﻣﺎ ﺳﺒﺐ ﺗﻠﻚ ﺍﻟﻌﺪﻭﺍﺓ ﺍﻟﺘﻲ ﺗﺸﺘﻌﻞ ﺑﻴﻨﻬﻢ؟، ﻻﺣﻆ ﺍﻟﺸﻴﻄﺎﻥ ﺗﺤﺪﻳﻘﻬﺎ ﺑﻪ ... ﻓﻨﻈﺮ ﻟﻬﺎ ﺑﻄﺮﻑ ﻋﻴﻨﻴﻪ ﺑﺒﺮﻭﺩ ﻭ ﻣﻦ ﺛﻢ ﻧﻈﺮ ﺍﻣﺎﻣﻪ ﻭ ﺑﺪﺃ ﻓﻲ ﺗﻨﺎﻭﻝ ﻃﻌﺎﻣﻪ، ﻓﻬﺰﺕ ﺭﺃﺳﻬﺎ ﻭ ﻫﻲ ﺗﺘﻨﻬﺪ ﻭ ﺗﻨﻘﻞ ﻧﻈﺮﺍﺗﻬﺎ ﻟﻄﺒﻘﻬﺎ ﻭ ﻣﻦ ﺛﻢ ﻣﺪﺩﺕ ﻳﺪﻫﺎ ﻭ ﺍﻣﺴﻜﺖ ﺑﻘﻄﻌﺔ ﺧﺒﺰ ﻭ ﻏﻤﺰﺗﻬﺎ ﺑﺎﻟﻤﺮﺑﺔ ﻭ ﻭﺿﻌﺘﻬﺎ ﻓﻲ ﻓﻤﻬﺎ ﻭ ﻫﻲ ﻣﺎﺯﺍﻟﺖ ﺗﻔﻜﺮ ... ﻓﻬﻨﺎﻙ ﺍﺳﺌﻠﺔ ﻛﺜﻴﺮﺓ ﺗﺮﻳﺪ ﺍﻥ ﺗﻌﺮﻑ ﺍﺟﺎﺑﺘﻬﺎ .
،،،،،،،،،،،،،،
ﺑﻌﺪ ﺍﻥ ﺍﻧﻬﻰ ﻃﻌﺎﻣﻪ، ﻧﻬﺾ ﻭ ﻧﻈﺮ ﻟﻬﺎ ﻧﻈﺮﺓ ﻋﺎﺑﺮﺓ ﻗﺒﻞ ﺍﻥ ﻳﺨﺮﺝ ﻣﻦ ﻏﺮﻓﺔ ﺍﻟﻄﻌﺎﻡ ﻭ ﻳﺘﺠﻪ ﻟﻤﻜﺘﺒﻪ، ﺑﻴﻨﻤﺎ ﻛﺎﻧﺖ ﺭﻳﺤﺎﻧﺔ ﺗﺘﺎﺑﻌﻪ ﻭ ﻓﻮﺭ ﺧﺮﻭﺟﻪ ﺍﻟﻘﺖ ﺑﺎﻟﻤﻠﻌﻘﺔ ﻋﻠﻰ ﺍﻟﻄﺎﻭﻟﺔ ﺑﺈﻫﻤﺎﻝ ﻭ ﻋﺎﺩﺕ ﺑﻈﻬﺮﻫﺎ ﻟﻠﺨﻠﻒ ﻭ ﻫﻲ ﺗﺪﻟﻚ ﺭﺃﺳﻬﺎ ﺑﻀﻴﻖ ﻓﻲ ﺣﻴﻦ ﺗﺘﺄﻓﻒ ﻭ ﺗﺤﺪﺙ ﻧﻔﺴﻬﺎ ﺑﻀﻴﻖ
- ﻫﺘﺠﻨﻦ ﻣﻦ ﻛﺘﺮ ﺍﻟﺘﻔﻜﻴﺮ .. ﻫﺘﺠﻨﻦ
ﻭ ﻣﻦ ﺛﻢ ﻧﻬﻀﺖ ﻭ ﺧﺮﺟﺖ ﻣﻦ ﻏﺮﻓﺔ ﺍﻟﻄﻌﺎﻡ ﻭ ﺳﺎﺭﺕ ﻓﻲ ﺍﻟﻤﻤﺮ ﻭ ﺻﻌﺪﺕ ﺍﻟﺴﻼﻟﻢ ﻭ ﺗﻮﻗﻒ ﻓﻲ ﺍﻟﻄﺎﺑﻖ ﺍﻟﺬﻱ ﻳﻮﺟﺪ ﻓﻴﻪ ﺟﻨﺎﺣﻪ ﻭﻟﻜﻨﻬﺎ ﺗﺬﻛﺮﺕ ﺟﺪﻩ " ﻋﺒﺪ ﺍﻟﺨﺎﻟﻖ " ﻓﻨﻈﺮﺕ ﺣﻮﻟﻬﺎ ﻭ ﻣﻦ ﺛﻢ ﺻﻌﺪﺕ ﻟﻠﻄﺎﺑﻖ ﺍﻟﺜﺎﻟﺚ ﺑﺤﺬﺭ ﻭ ﺇﺗﺠﻬﺖ ﻟﻐﺮﻓﺘﻪ ﻭ ﺩﺧﻠﺘﻬﺎ ﺑﻌﺪ ﺍﻥ ﻃﺮﻗﺖ ﺍﻟﺒﺎﺏ ﺑﺨﻔﻮﺕ، ﺍﻗﺘﺮﺑﺖ ﻣﻨﻪ ﺑﺒﻄﺊ ﻭ ﻫﻲ ﺗﻨﻈﺮ ﻟﻪ ﻓﻬﻮ ﻛﺎﻥ ﻧﺎﺋﻢ ﻭ ﻣﻦ ﺛﻢ ﺗﻮﻗﻔﺖ ﻭ ﺍﻟﻠﺘﻔﺘﺖ ﻭ ﺇﺗﺠﻬﺖ ﻟﻠﺒﺎﺏ ﻣﺮﺓ ﺁﺧﺮﻯ ﻟﺘﻐﺎﺩﺭ ﻭ ﻟﻜﻨﻬﺎ
- ﺟﺎﻳﻪ ﺗﺰﻋﺠﻴﻨﻲ ﻟﻴﺔ
ﻗﺎﻟﻬﺎ ﺑﻤﺰﺍﺝ ﻭ ﻫﻮ ﻣﻐﻤﺾ ﺍﻟﻌﻴﻨﻴﻦ، ﻓﺘﻮﻗﻔﺖ ﻭ ﻗﺪ ﺷﻌﺮﺕ ﺑﺎﻟﻔﺰﻉ ﻟﻮﻫﻠﻪ ﻭ ﻟﻜﻦ ﺳﺮﻳﻌﺎ ﻋﺎﺩﺕ ﻟﻄﺒﻴﻌﺘﻬﺎ ﻭ ﺇﺭﺗﺴﻤﺖ ﻋﻠﻰ ﺷﻔﺘﻴﻬﺎ ﺇﺑﺘﺴﺎﻣﺔ ﻭ ﻫﻲ ﺗﻠﺘﻔﺖ ﻟﻪ ﻭ ﺗﻘﻮﻝ ﻭ ﻫﻲ ﺗﻘﺘﺮﺏ
- ﺍﻧﺖ ﺻﺎﺣﻲ ! .. ﺍﻓﺘﻜﺮﺗﻚ ﻧﺎﻳﻢ
- ﻛﻨﺖ ﻧﺎﻳﻢ .. ﺑﺲ ﺻﺤﻴﺖ ﻟﻤﺎ ﺩﺧﻠﺘﻲ ﻭ ﺍﺯﻋﺠﺘﻴﻨﻲ
- ﺍﺳﻔﻪ ﻋﻠﻰ ﺍﺯﻋﺎﺟﻚ ﺑﺲ ﺟﻴﺖ ﺍﻃﻤﻦ ﻋﻠﻴﻚ
ﻗﺎﻟﺘﻬﺎ ﻭ ﻫﻲ ﺗﺠﻠﺲ ﻋﻠﻰ ﺍﻟﻜﺮﺳﻲ ﺍﻟﺬﻱ ﻳﻮﺿﻊ ﺑﺠﺎﻧﺐ ﺍﻟﺴﺮﻳﺮ، ﻓﺈﺑﺘﺴﻢ ﻟﻬﺎ ﺑﺴﻤﺎﺣﺔ ﻭ ﻗﺎﻝ
- ﺍﻧﺎ ﻛﻮﻳﺲ، ﺷﻜﺮﺍ ﻷﻧﻚ ﺟﻴﺘﻲ ﻭ ﺍﻃﻤﻨﺘﻲ ﻋﻠﻴﺎ
ﺇﺑﺘﺴﻤﺖ ﻟﻪ ﻭ ﻗﺎﻟﺖ ﺑﻌﺪ ﺻﻤﺖ
- ﻣﻤﻜﻦ ﺍﻃﻠﺐ ﻣﻨﻚ ﻃﻠﺐ
- ﺍﻃﻠﺒﻲ
- ﻣﻤﻜﻦ ﺍﻧﺎﺩﻳﻚ ﺏ .. ﺟﺪﻭ
ﻗﺎﻟﺘﻬﺎ ﺑﺨﻔﻮﺕ ﻭ ﺧﺠﻞ ﻭﻫﻲ ﺗﺨﻔﺾ ﺭﺃﺳﻬﺎ، ﻓﺈﺑﺘﺴﻢ ﺑﺤﻨﺎﻥ ﻭ ﻗﺎﻝ
- ﺍﻛﻴﺪ، ﺍﻧﺎ ﺑﻌﺘﺒﺮﻙ ﺣﻔﻴﺪﺗﻲ
ﺇﺗﺴﻌﺖ ﺇﺑﺘﺴﺎﻣﺘﻬﺎ ﻭ ﻫﻲ ﺗﺮﻓﻊ ﺭﺃﺳﻬﺎ ﻭ ﺗﻨﻈﺮ ﻟﻪ ﻭ ﺗﻘﻮﻝ ﺑﺴﻌﺎﺩﺓ
- ﺷﻜﺮﺍ ﻳﺎ ﺟﺪﻭ
ﻧﻈﺮ ﻟﻬﺎ ﻭﻗﺎﻝ ﺑﺠﺪﻳﺔ ﻣﺼﺘﻨﻌﻪ
- ﺑﺲ ﻓﻲ ﺷﺮﻁ
ﻧﻈﺮﺕ ﻟﻪ ﺑﺈﺳﺘﻐﺮﺍﺏ ﻓﺄﻛﻤﻞ
- ﻣﺘﺒﻘﻴﺶ ﻣﺰﻋﺠﻪ ﻳﺎ ﺣﻔﻴﺪﺗﻲ ﻭ ﻣﺘﺘﻌﺒﻴﺶ ﺟﺪﻙ ... ﻣﻔﻬﻮﻡ ؟
ﺍﻭﻣﺄﺕ ﺑﺮﺃﺳﻬﺎ ﻭ ﻫﻲ ﺗﻘﻮﻝ
- ﺍﻧﺎ ﺣﻔﻴﺪﻩ ﻣﻄﻴﻌﻪ .. ﻣﺶ ﻫﺘﻌﺒﻚ، ﻣﺘﺨﻔﺶ ... ﺑﺲ " ﺍﻛﻤﻠﺖ ﺑﺠﻤﻮﺩ ﻣﺼﺘﻨﻊ " ﺍﻧﺎ ﻛﻤﺎﻥ ﻋﻨﺪﻱ ﺷﺮﻁ
ﺭﻓﻊ ﺣﺎﺟﺒﻪ ﻭ ﻗﺎﻝ
- ﻣﺴﺘﻐﻠﻪ، ﻗﻮﻟﻲ
- ﺗﺠﺎﻭﺏ ﻋﻠﻰ ﺍﺳﺄﻟﺘﻲ ... ﻛﻠﻬﺎ ﻭ ﺑﺪﻭﻥ ﻛﺪﺏ
ﻗﻬﻘﻪ ﻭ ﻗﺎﻝ
- ﻳﺎ ﺳﻮﺳﻪ، ﻋﺸﺎﻥ ﻛﺪﺓ ﻋﺎﻳﺰﺍﻧﻲ ﺍﺑﻘﻰ ﺟﺪﻙ !
ﺿﺤﻜﺖ ﺑﺨﻔﺔ ﻭ ﻗﺎﻟﺖ
- ﻻ ﻃﺒﻌﺎ، ﺍﻧﺎ ﻋﺎﻳﺰﺍﻙ ﺗﻜﻮﻥ ﺟﺪﻱ
- ﻣﺶ ﻣﺼﺪﻗﻚ
ﻗﺎﻟﻬﺎ ﺑﻤﺰﺍﺡ، ﻓﻨﻬﻀﺖ ﻭ ﻗﺎﻟﺖ
- ﻋﺸﺎﻥ ﺗﺼﺪﻕ .. ﻫﺴﻴﺒﻚ ﻋﺸﺎﻥ ﺗﺮﺗﺎﺡ، ﺍﻫﻮ ﺍﻧﺎ ﺣﻔﻴﺪﻩ ﻣﻄﻴﻌﻪ
ﺇﺑﺘﺴﻢ ﻭ ﻗﺎﻝ
- ﻣﺎﺷﻲ، ﺣﺎﺳﺒﻲ ﻟﻴﺸﻔﻮﻙ ﺍﻟﺸﻴﻄﺎﻥ ﻭﺍﻧﺘﻲ ﺧﺎﺭﺟﻪ ﻣﻦ ﻫﻨﺎ
ﺍﻭﻣﺄﺕ ﺑﺮﺃﺳﻬﺎ ﻭ ﻗﺎﻟﺖ
- ﻣﺘﻘﻠﻘﺶ، ﺳﻼﻡ
ﻭ ﻣﻦ ﺛﻢ ﺇﺗﺠﻬﺖ ﻟﻠﺒﺎﺏ ﻭ ﻓﺘﺤﺘﻪ ﻭ ﺧﺮﺟﺖ ﻭ ﺍﻏﻠﻘﺖ ﺍﻟﺒﺎﺏ ﺑﻬﺪﻭﺀ ﻭ ﻣﻦ ﺛﻢ ﺗﻘﺪﻣﺖ ﻣﻦ ﺍﻟﺴﻠﻢ ﻭ ﻧﺰﻟﺖ ﺑﻀﻊ ﺧﻄﻮﺍﺕ ﻭ ﻣﻦ ﺛﻢ ﺗﻮﻗﻔﺖ ﻭ ﻫﻲ ﺗﺘﻨﻔﺲ ﺑﻌﻤﻖ ﻭ ﺗﺠﻠﺲ ﻋﻠﻰ ﺍﺣﺪﻯ ﺍﻟﺴﻼﻟﻢ ﻭ ﺷﺮﺩﺕ .
ﺍﺳﺘﻴﻘﻈﺖ ﻣﻦ ﺷﺮﻭﺩﻫﺎ ﻋﻠﻰ ﺻﻮﺕ ﺯﻫﺮﺓ ﺍﻟﺘﻲ ﻗﺎﻟﺖ ﺑﻘﻠﻖ
- ﺍﻧﺘﻲ ﻛﻮﻳﺴﻪ؟ ... ﻗﺎﻋﺪﻩ ﻫﻨﺎ ﻟﻴﺔ؟
ﻧﻘﻠﺖ ﻧﻈﺮﺍﺗﻬﺎ ﻟﺰﻫﺮﺓ ﺍﻟﺘﻲ ﻛﺎﻧﺖ ﺗﺤﻤﻞ ﺻﻴﻨﻴﺔ ﻭ ﻗﺎﻟﺖ
- ﻋﺎﺩﻱ
ﺍﻭﻣﺄﺕ ﺯﻫﺮﺓ ﺑﺮﺃﺳﻬﺎ ﻭ ﻗﺎﻟﺖ
- ﺍﻟﺪﻭﺍ .. ﻳﻠﻰ ﺧﺪﻳﻪ
ﻣﺪﺩﺕ ﺭﻳﺤﺎﻧﺔ ﺫﺭﺍﻋﻬﺎ ﻭ ﺍﺧﺬﺕ ﻛﻮﺏ ﺍﻟﻤﺎﺀ ﻭ ﻗﺮﺹ ﺍﻟﺪﻭﺍﺀ ﻭ ﺷﺮﺑﺘﻪ، ﻭ ﻗﺎﻟﺖ
- ﺷﻜﺮﺍ
ﺇﺑﺘﺴﻤﺖ ﺯﻫﺮﺓ ﻭ ﻋﺎﺩﺕ ﻟﻠﺨﻠﻒ ﺑﺒﻀﻊ ﺧﻄﻮﺍﺕ ﺑﻴﻨﻤﺎ ﻧﻬﻀﺖ ﺭﻳﺤﺎﻧﺔ ﻭ ﻗﺎﻟﺖ
- ﻓﻴﻦ ﺍﻟﺸﻴﻄﺎﻥ؟
- ﻓﻲ ﻣﻜﺘﺒﺔ
..........................................................
- ﻭﺻﻠﺖ ﻟﻠﺤﺪﻭﺩ؟
ﻗﺎﻟﺘﻬﺎ ﻋﺎﻳﺪﺓ ﻟﻠﻄﺮﻑ ﺍﻵﺧﺮ ﺍﻟﺬﻱ ﺗﺤﺪﺛﻪ ﻋﺒﺮ ﺍﻟﻬﺎﺗﻒ، ﻓﺮﺩ ﺍﻟﻄﺮﻑ ﺍﻵﺧﺮ ﻭ ﺍﻟﺬﻱ ﻛﺎﻥ ﺟﻼﻝ
- ﻋﺎﻳﺰﻩ ﺗﻌﺮﻓﻲ ﻟﻴﺔ؟
- ﻣﺶ ﺍﻧﺖ ﺍﺧﻮﻳﺎ .. ﻳﻌﻨﻲ ﻻﺯﻡ ﺍﻃﻤﻦ ﻋﻠﻴﻚ
ﻗﺎﻟﺘﻬﺎ ﻋﺎﻳﺪﺓ ﺑﺨﺒﺚ، ﻓﺮﺩ ﺟﻼﻝ ﺑﺘﻬﻜﻢ
- ﻋﺸﺎﻥ ﺗﻄﻤﻨﻲ ﻋﻠﻴﺎ ﻭ ﻻ ﻋﺸﺎﻥ ﺗﻮﺻﻠﻲ ﺍﻟﻤﻌﻠﻮﻣﺎﺕ ﻟﻠﺸﻴﻄﺎﻥ !
- ﺍﺧﺲ ﻋﻠﻴﻚ .. ﺑﺘﻘﻮﻝ ﻋﻠﻰ ﺍﺧﺘﻚ ﺍﻟﻮﺣﻴﺪﺓ ﻛﺪﺓ
- ﺍﻧﺎ ﻣﻌﻨﺪﻳﺶ ﺍﺧﻮﺍﺕ ... ﻣﺎﺗﻮﺍ
- ﻻﻩ ﻻﻩ .. ﻫﺘﻤﻮﺗﻨﻲ ﻭ ﺍﻧﺎ ﻟﺴﻪ ﻋﺎﻳﺸﻪ ... ﻟﻠﺪﺭﺟﺔ ﺩﻱ ﺑﺘﻜﺮﻫﻨﻲ
ﻗﺎﻟﺘﻬﺎ ﺑﺤﺰﻥ ﻣﺼﺘﻨﻊ، ﻓﻘﺎﻝ ﺑﻨﻔﺎﺫ ﺻﺒﺮ
- ﻋﺎﻳﺰﻩ ﺍﻳﺔ ﻳﺎ ﻋﺎﻳﺪﺓ .... ﺍﻧﺠﺰﻱ
- ﻋﺮﻓﺖ ﺍﻧﻚ ﻋﺎﻳﺰ ﻭﺭﻕ ﺍﻟﻘﺼﺮ .. ﻋﺎﻳﺰ ﺍﻟﻮﺭﻕ ﻟﻴﺔ ؟
- ﻋﺮﻓﺘﻲ ﻣﻨﻴﻦ؟
ﻗﺎﻟﻬﺎ ﺑﺤﺪﺓ، ﻓﻘﻬﻘﻬﺖ ﻭ ﻗﺎﻟﺖ ﺑﺘﺒﺎﻫﻲ
- ﻛﻞ ﺻﻐﻴﺮﺓ ﻭ ﻛﺒﻴﺮﺓ ﺑﺘﺤﺼﻞ ﺑﻌﺮﻓﻬﺎ ﻣﻦ ﻣﺼﺎﺩﺭﻱ ﺍﻟﺨﺎﺻﺔ، ﻫﺎ .... ﺍﻧﺖ ﻣﺮﺩﺗﺶ ﻋﻠﻰ ﺳﺆﺍﻟﻲ
- ﺍﻧﺘﻲ ﻋﺎﺭﻓﻪ ﺟﻮﺍﺑﻲ
- ﺍﻣﻤﻢ .. ﺑﺲ ﺍﻧﺎ ﻣﺶ ﻫﺴﻤﺤﻠﻚ ﺗﺎﺧﺪ ﺍﻟﻘﺼﺮ ﺩﺓ ﻳﺎ ﺍﺧﻮﻳﺎ
- ﻧﻌﻢ !
- ﺍﻧﺖ ﻋﺎﺭﻑ ﺍﻧﻲ ﺑﺨﻄﻂ ﻋﺸﺎﻥ ﺍﺗﺠﻮﺯ ﺍﻟﺸﻴﻄﺎﻥ .. ﻭ ﺍﻟﻘﺼﺮ ﺩﺓ ﻫﻴﺒﻘﻰ ﺑﺘﺎﻋﻲ ﻷﻧﻲ ﻫﺒﻘﻰ ﻣﺮﺍﺗﻪ ﻭ ....
- ﺍﻧﺘﻲ ﺧﻴﺎﻟﻚ ﻭﺍﺳﻊ
ﻗﺎﻃﻌﻬﺎ ﺟﻼﻝ ﺑﺘﻬﻜﻢ ﻭ ﺍﻛﻤﻞ
- ﻋﻤﺮ ﻣﺎ ﺍﻟﺸﻴﻄﺎﻥ ﻓﻜﺮ ﻓﻴﻜﻲ ﻭ ﻻ ﻋﻤﺮﻩ ﻫﻴﺘﺠﻮﺯﻙ ﻋﺸﺎﻥ ﻫﻮ ﻋﺎﺭﻑ ﺩﻣﺎﻏﻚ ﻭ ﻋﺎﺭﻑ ﺍﻧﺘﻲ ﻋﺎﻳﺰﻩ ﺗﻮﺻﻠﻲ ﻷﻳﺔ
ﺍﻏﺎﻇﻬﺎ ﻗﻮﻟﻪ ﻭ ﺍﺷﻌﺮﻫﺎ ﺑﺎﻟﻐﻀﺐ ﻓﻘﺎﻟﺖ ﺑﺤﺰﻡ
- ﺍﺳﺘﻨﻰ ﻋﻠﻴﺎ .. ﺍﻧﺎ ﻫﺘﺠﻮﺯﻩ ﻭ ﺍﺻﺒﺮ ﻭ ﺷﻮﻑ
- ﻫﺴﺘﻨﻰ ﻭ ﺍﺷﻮﻑ
ﻗﺎﻟﻬﺎ ﺑﺒﺮﻭﺩ ﻗﺒﻞ ﺍﻥ ﻳﻐﻠﻖ ﺍﻟﺨﻂ، ﺑﻴﻨﻤﺎ ﻫﻲ ﺍﻟﻘﺖ ﺑﺎﻟﻬﺎﺗﻒ ﻋﻠﻰ ﺍﻟﺴﺮﻳﺮ ﺑﻐﻀﺐ ﻭ ﻫﻲ ﺗﺘﻤﺘﻢ
- ﻫﺘﺸﻮﻑ ﻳﺎ ﺟﻼﻝ ... ﻫﺘﺸﻮﻑ
..........................................................
ﻃﺮﻗﺖ ﺭﻳﺤﺎﻧﺔ ﺑﻘﺒﻀﺘﻬﺎ ﻋﻠﻰ ﺑﺎﺏ ﻣﻜﺘﺒﻪ ﻭ ﻣﻦ ﺛﻢ ﺩﺧﻠﺖ ﺑﻌﺪ ﺳﻤﺎﻉ ﺍﺫﻧﻪ ﻟﺪﺧﻮﻟﻬﺎ، ﺗﻘﺪﻣﺖ ﻣﻨﻪ ﺑﺒﻄﺊ ﻭ ﻫﻲ ﺗﺸﻌﺮ ﺑﺎﻹﺭﺗﺒﺎﻙ ﻭ ﺍﻟﺘﺮﺩﺩ، ﺭﻓﻊ ﻧﻈﺮﺍﺗﻪ ﻟﻬﺎ ﻭ ﺗﺎﺑﻌﻬﺎ ﺣﺘﻰ ﺟﻠﺴﺖ ﻋﻠﻰ ﺍﻟﻤﻘﻌﺪ ﺍﻟﻤﻘﺎﺑﻞ ﻟﻤﻜﺘﺒﻪ، ﻇﻠﺖ ﺻﺎﻣﺘﻪ ﻭ ﻫﻲ ﺗﺒﺤﺚ ﻋﻦ ﺑﺪﺍﻳﺔ ﻟﺤﺪﻳﺜﻬﺎ ﻭ ﻟﻜﻨﻬﺎ ﻟﻢ ﺗﺠﺪ .
- ﻟﻮ ﻫﺘﻘﻮﻟﻲ ﺣﺎﺟﺔ ﻗﻮﻟﻲ ﻟﻮ ﻣﺶ ﻫﺘﻘﻮﻟﻲ ﺍﺧﺮﺟﻲ
ﻗﺎﻟﻬﺎ ﺑﺠﻤﻮﺩ ﻭ ﻫﻮ ﻳﻌﻴﺪ ﺍﻧﻈﺎﺭﻩ ﺍﻟﺒﺎﺭﺩﺓ ﺇﻟﻰ ﺍﻟﻜﺘﺎﺏ ﺍﻟﺬﻱ ﻳﻤﺴﻜﻪ ﺑﻴﻦ ﻳﺪﻳﻪ، ﻓﺮﻓﻌﺖ ﻧﻈﺮﺍﺗﻬﺎ ﻟﻪ ﻭ ﻗﺎﻟﺖ ﺑﺘﻠﻌﺜﻢ
- ﻫﻮ ﺍﻧﺎ ... ﻛﻨﺖ ﻋﺎﻳﺰﻩ ... ﺍﻃﻠﺐ .. ﻗﺼﺪﻱ ﺍﺳﺄﻟﻚ ﻋﻦ ﺣﺎﺟﺔ
ﻇﻞ ﺻﺎﻣﺘﺎ، ﻓﺄﺭﺗﺒﻜﺖ ﺍﻛﺜﺮ ﻓﺸﺎﺑﻜﺖ ﺍﻧﺎﻣﻠﻬﺎ ﺑﺒﻌﻀﻬﻢ ﺑﺘﻮﺗﺮ ﻭ ﻫﻲ ﺗﻘﻮﻝ ﺑﺠﺰﻉ
- ﺍﻧﺎ ﻋﺎﺭﻓﻪ ﺍﻥ ﺍﻟﺴﺆﺍﻝ ﻣﻴﺨﺼﻨﻴﺶ ﻭ ﻣﻠﻴﺶ ﺍﺳﺄﻝ ﻓﻴﻪ ﺑﺲ ﻫﻮ ﺳﺆﺍﻝ ﻣﺤﻴﺮﻧﻲ، ﺍﻟﻤﻬﻢ ..
- ﺍﻳﻮﺓ .. ﺍﻟﻤﻬﻢ
ﻗﺎﻟﻬﺎ ﺑﻨﻔﺎﺫ ﺻﺒﺮ ﻭ ﻫﻮ ﻳﺮﻓﻊ ﻧﻈﺮﺍﺗﻪ ﻟﻬﺎ، ﻓﺄﺑﺘﻠﻌﺖ ﺭﻳﻘﻬﺎ ﺑﺼﻌﻮﺑﺔ ﻭ ﻗﺒﻞ ﺍﻥ ﺗﺨﺮﺝ ﺣﺮﻭﻓﻬﺎ ﺍﻟﺘﻔﺘﺖ ﻟﻠﺒﺎﺏ ﺑﻌﺪ ﺍﻥ ﺳﻤﻌﺖ ﻃﺮﻗﺎﺕ ﺍﺣﺪﻫﻢ ﻋﻠﻴﻪ
- ﺍﺩﺧﻞ
ﻗﺎﻟﻬﺎ ﺍﻟﺸﻴﻄﺎﻥ ﺍﻣﺮﺍ، ﻓﺪﺧﻠﺖ ﻋﺎﻳﺪﺓ ﻭ ﺗﻮﻗﻔﺖ ﻋﻨﺪﻣﺎ ﺭﺃﺕ ﺭﻳﺤﺎﻧﺔ ﻣﻌﻪ، ﻓﺸﻌﺮﺕ ﺑﺎﻟﻀﻴﻖ ﻭ ﻟﻜﻨﻬﺎ ﻟﻢ ﺗﻈﻬﺮ ﺿﻴﻘﻬﺎ ﺣﻴﺚ ﺗﻘﺪﻣﺖ ﻭ ﺟﻠﺴﺖ ﻋﻠﻰ ﺍﻟﻤﻘﻌﺪ ﺍﻟﻤﻘﺎﺑﻞ ﻝ ﺭﻳﺤﺎﻧﺔ ﻭ ﻭﺿﻌﺖ ﻗﺪﻡ ﻋﻠﻰ ﺁﺧﺮﻯ
- ﺟﻴﺘﻲ ﻟﻴﺔ؟
ﻗﺎﻟﻬﺎ ﺍﻟﺸﻴﻄﺎﻥ ﺑﺠﻤﻮﺩ، ﻓﺈﺑﺘﺴﻤﺖ ﻋﺎﻳﺪﺓ ﻭ ﻫﻲ ﺗﻨﻘﻞ ﻧﻈﺮﺍﺗﻬﺎ ﻟﻪ ﻭ ﺗﻘﻮﻝ ﺑﺪﻟﻊ ﻣﺼﺘﻨﻊ
- ﻛﻨﺖ ﺟﺎﻳﻪ ﺍﻃﻤﻦ ﻋﻠﻴﻚ ﻭ ﺍﺷﻮﻓﻚ، ﺍﺻﻠﻚ ﻭﺣﺸﺘﻨﻲ
- ﻋﺎﻳﺪﺓ
ﻗﺎﻟﻬﺎ ﺑﺼﺮﺍﻣﺔ ﻭ ﻫﻮ ﻳﻀﻊ ﺍﻟﻜﺘﺎﺏ ﻋﻠﻰ ﻣﻜﺘﺒﻪ، ﻓﺈﺗﺴﻌﺖ ﺇﺑﺘﺴﺎﻣﺘﻬﺎ ﻭ ﻗﺎﻟﺖ ﺑﻮﻗﺎﺣﻪ ﻣﻤﺰﻭﺟﺔ ﺑﺎﻟﺪﻟﻊ
- ﻳﺎ ﻋﻴﻮﻥ ﻋﺎﻳﺪﺓ
ﻧﻈﺮﺕ ﻟﻬﺎ ﺭﻳﺤﺎﻧﺔ ﺑﺈﺳﺘﺤﻘﺎﺭ ﻷﺳﻠﻮﺑﻬﺎ ﺍﻟﻮﻗﺢ، ﺑﻴﻨﻤﺎ ﻛﻮﺭ ﺍﻟﺸﻴﻄﺎﻥ ﻗﺒﻀﺘﻪ ﺑﻨﻔﺎﺫ ﺻﺒﺮ ﻭ ﻗﺎﻝ
- ﻋﺎﻳﺪﺓ .. ﻗﻮﻟﻲ ﻋﺎﻳﺰﻩ ﺍﻳﺔ، ﻣﺶ ﻓﺎﺿﻴﻠﻚ
- ﻳﻌﻨﻲ ﻣﺶ ﻓﺎﺿﻴﻠﻲ ﻭ ﻓﺎﺿﻠﻬﺎ !
ﻗﺎﻟﺘﻬﺎ ﺑﺤﺰﻥ ﻣﺼﺘﻨﻊ، ﻓﺘﺤﻮﻟﺖ ﻧﻈﺮﺍﺗﻪ ﻟﻠﺤﺪﺓ ﻭ ﺍﺗﻰ ﺍﻥ ﻳﻨﻬﺾ ﻓﺴﺒﻘﺘﻪ ﻋﺎﻳﺪﺓ ﺑﻘﻮﻟﻬﺎ ﻭ ﻫﻲ ﺗﻀﺤﻚ
- ﺧﻼﺹ ﻫﻘﻮﻝ .. ﺑﺲ ﻣﺘﺘﻌﺒﺶ ﻧﻔﺴﻚ ﻭ ﺗﻘﻮﻣﻠﻲ
ﺭﻣﻘﻬﺎ ﺑﻐﻀﺐ ﻓﻘﺎﻟﺖ ﻭ ﻫﻲ ﺗﻨﻈﺮ ﻟﺮﻳﺤﺎﻧﺔ
- ﻋﺎﻳﺰﻩ ﻧﺘﻜﻠﻢ ﻟﻮﺣﺪﻧﺎ .. ﺍﻃﻠﻌﻲ ﺑﺮﺓ
ﻧﻈﺮﺕ ﻟﻬﺎ ﺭﻳﺤﺎﻧﺔ ﺑﺈﺣﺮﺍﺝ ﻭ ﻣﻦ ﺛﻢ ﻧﻘﻠﺖ ﻧﻈﺮﺍﺗﻬﺎ ﻟﻪ ﻭ ﻧﻬﻀﺖ ﻭ ﻗﺒﻞ ﺍﻥ ﺗﺨﻄﻮﺍ ﺧﻄﻮﺓ ﻭﺍﺣﺪﺓ ﻗﺎﻝ ﺍﻟﺸﻴﻄﺎﻥ ﺑﺠﻤﻮﺩ
- ﺍﻗﻌﺪﻱ
ﻧﻈﺮﺕ ﻟﻪ ﺭﻳﺤﺎﻧﺔ ﺑﺒﻼﻫﻪ ﻭ ﻇﻠﺖ ﻭﺍﻗﻔﻪ، ﻓﺄﻋﺎﺩ ﻣﺎ ﻗﺎﻝ ﺑﺤﺪﺓ
- ﻗﻠﺖ ﺍﻗﻌﺪﻱ، ﻣﺶ ﺳﺎﻣﻌﻪ !
ﺟﻠﺴﺖ ﻭ ﻫﻲ ﺗﻨﻈﺮ ﻟﻪ ﺑﺠﺰﻉ، ﺑﻴﻨﻤﺎ ﻧﻈﺮﺕ ﻟﻪ ﻋﺎﻳﺪﺓ ﺑﻐﻴﻆ ﻭ ﻗﺎﻟﺖ ﺑﺒﺮﻭﺩ ﻣﺼﺘﻨﻊ
- ﺧﻼﺹ، ﻋﺎﻳﺰﻫﺎ ﺗﺴﻤﻊ ﺍﻟﻠﻲ ﻫﻘﻮﻟﻪ .. ﺑﺮﺍﺣﺘﻚ
ﻭ ﺻﻤﺘﺖ ﻟﺒﺮﻫﻪ ﻗﺒﻞ ﺍﻥ ﺗﻘﻮﻝ
- ﻣﺶ ﻋﺎﻳﺰ ﺗﺤﻘﻖ ﺍﻣﻨﻴﺔ ﺍﻣﻚ ﺑﻘﻰ ﻭ ﺗﺘﺠﻮﺯ ... ﺍﺻﻞ ﺍﻧﺎ ﻋﻨﺪﻱ ﻭﺍﺣﺪﺓ ﻫﺘﻌﺠﺒﻚ
ﻧﻈﺮ ﻟﻬﺎ ﺑﺒﺮﻭﺩ ﻭ ﻗﺎﻝ ﺑﺠﻤﻮﺩ
- ﺑﺘﺘﺨﻄﻲ ﺣﺪﻭﺩﻙ
- ﻣﻔﻴﺶ ﺣﺪﻭﺩ ﺑﻴﻦ ﺍﻷﺧﻮﺍﺕ
- ﺍﺧﻮﺍﺕ !
ﻗﺎﻟﻬﺎ ﺑﺘﻬﻜﻢ، ﻓﺼﻤﺘﺖ ﻋﺎﻳﺪﺓ ﻟﺒﺮﻫﻪ ﻗﺒﻞ ﺍﻥ ﺗﻘﻮﻝ ﺑﺠﺪﻳﺔ
- ﺑﺺ ... ﺑﺪﻭﻥ ﻟﻒ ﻭ ﺩﻭﺭﺍﻥ، ﺍﻧﺖ ﻋﺎﺭﻑ ﺍﻧﻲ ﺑﺤﺒﻚ ﻭ ﻋﺎﻳﺰﻩ ﺍﺗﺠﻮﺯﻙ ﻭ ...
ﺍﺗﺴﻌﺖ ﻣﻘﻠﺘﻲ ﺭﻳﺤﺎﻧﺔ ﻓﻲ ﺫﻫﻮﻝ ﻣﻤﺎ ﻗﺎﻟﺘﻪ ﻋﺎﻳﺪﺓ، ﺑﻴﻨﻤﺎ ﻗﺎﻃﻌﻬﺎ ﺍﻟﺸﻴﻄﺎﻥ ﻋﻨﺪﻣﺎ ﻗﻬﻘﻪ ﺑﺴﺨﺮﻳﺔ ﻭ ﻫﻮ ﻳﻘﻮﻝ
- ﻣﺶ ﻛﻨﺎ ﺍﺧﻮﺍﺕ ﻣﻦ ﺩﻗﻴﻘﺔ !
- ﺍﻧﺖ ﻋﺎﺭﻑ ﺍﻥ ﺍﻧﺎ ﻭ ﺍﻧﺖ ﻣﺶ ﺍﺧﻮﺍﺕ ﺇﻻ ﺍﺳﻤﺎ، ﻷﻧﻲ ﺍﻧﺎ ﺍﺗﻮﻟﺪﺕ ﻣﻦ ﺍﻡ ﻭ ﺍﺏ ﻏﻴﺮ ﺍﻣﻚ ﻭ ﺍﺑﻮﻙ
- ﻣﺶ ﺣﺎﺳﻪ ﺑﺎﻹﺣﺮﺍﺝ ﻣﻦ ﻧﻔﺴﻚ ! .. ﻣﺶ ﻣﻜﺴﻮﻓﻪ !
- ﻻ ﻣﺶ ﺣﺎﺳﺔ ﺑﺄﻱ ﺍﺣﺮﺍﺝ ﺍﻭ ﻛﺴﻮﻑ ﻋﺸﺎﻥ ...
ﻗﺎﻃﻌﻬﺎ
- ﻋﺸﺎﻥ ﺍﻟﻔﻠﻮﺱ ﻭ ﺍﻟﺜﺮﻭﺓ ﻫﺘﻌﻤﻠﻲ ﺍﻱ ﺣﺎﺟﺔ
- ﻻ ... ﻋﺸﺎﻥ ﺑﺤﺒﻚ
- ﻋﻠﻴﺎ ﻳﺎ ﻋﺎﻳﺪﺓ، ﺩﺓ ﺍﻧﺘﻲ ﺑﻨﺖ ﺑﻬﺠﺖ ﺑﻴﻪ
- ﺑﻨﺖ ﺑﻬﺠﺖ ﻓﻲ ﺍﻟﺪﻡ ﺑﺲ ﺗﺮﺑﻴﻪ ﺍﻣﻚ
ﺍﻇﻠﻤﺖ ﻋﻴﻨﻴﻪ ﻓﺠﺄﺓ ﻭ ﻻﺣﻈﺖ ﺭﻳﺤﺎﻧﺔ ﺫﻟﻚ، ﺑﻴﻨﻤﺎ ﺍﻛﻤﻠﺖ ﻋﺎﻳﺪﺓ ﺑﻄﺮﻳﻘﺔ ﻣﺴﺘﻔﺰﺓ
- ﻓﺒﺎﻟﺘﺎﻟﻲ ﺍﻧﺎ ﻃﺎﻟﻌﺔ ﺑﺠﺤﺔ ﻭﻣﺶ ﺑﺘﻜﺴﻒ ﺯﻱ ﺍﻣﻚ ﻓﻬﻲ ﺍﻟﻠﻲ ﻣﺮﺑﻴﺎﻧﻲ، ﻭ ﺯﻱ ﻣﺎ ﺑﻴﻘﻮﻝ ﺍﻟﻤﺜﻞ ﺍﻗﻠﺐ ﺍﻟﻘﺪﺭﺓ ﻋﻠﻰ ﻓﻤﻬﺎ ﺗﻄﻠﻊ ﺍﻟﺒﻨﺖ ﻷﻣﻬﺎ
- ﻋﺎﻳﺪﺓ
ﻧﺎﺩﻫﺎ ﺑﻬﺪﻭﺀ ﻣﺨﻴﻒ، ﺑﻴﻨﻤﺎ ﺍﻛﻤﻠﺖ ﻋﺎﻳﺪﺓ ﺑﻼ ﻣﺒﺎﻻﺓ
- ﻓﺎﻟﻸﺳﻒ ﺍﻧﺎ ﻃﺎﻟﻌﺔ ﻷﻣﻚ ﻓﻲ ﻃﺒﺎﻋﻬﺎ ﺍﻟﺴﻴﺌﺔ ﻛﻠﻬﺎ، ﺍﺻﻼ ﻣﻌﺘﻘﺪﺵ ﺍﻥ ﻓﻲ ﺍﻱ ﺻﻔﺔ ﺣﻠﻮﺓ ﻓﻴﻬﺎ
- ﻋﺎﻳﺪﺓ، ﺣﺎﺳﺒﻲ ﻋﻠﻰ ﻛﻼﻣﻚ
ﻗﺎﻟﻬﺎ ﺑﺤﺪﺓ ﻭ ﻫﻮ ﻳﻜﻮﺭ ﻗﺒﻀﺘﻪ ﺑﺒﻄﺊ ﻭ ﺍﻟﻐﻀﺐ ﺑﺪﺃ ﻳﺘﻤﻠﻜﻪ، ﻓﺈﺭﺗﺴﻤﺖ ﺇﺑﺘﺴﺎﻣﺔ ﺟﺎﻧﺒﻴﺔ ﻣﺘﺴﻠﻴﺔ ﻋﻠﻰ ﻭﺟﻪ ﻋﺎﻳﺪﺓ ﻭ ﻫﻲ ﺗﻘﻮﻝ ﺑﺒﺮﺍﺋﺔ ﻣﺼﺘﻨﻌﺔ
- ﻣﺎﻟﻚ ؟ ... ﻫﻮ ﺍﻧﺎ ﺑﻘﻮﻝ ﺣﺎﺟﺔ ﻏﻠﻂ ﺍﻭ ﺑﺘﺒﻠﻰ ﻋﻠﻴﻬﺎ ﻣﺜﻼ !
ﻭ ﻣﻦ ﺛﻢ ﻧﻈﺮﺕ ﺍﻣﺎﻣﻬﺎ ﺑﺒﺮﻭﺩ ﻭ ﺍﻛﻤﻠﺖ ﺑﻄﺮﻳﻘﺘﻬﺎ ﺍﻟﻤﺴﺘﻔﺰﺓ
- ﻭ ﺍﺻﻼ ﺍﻧﺖ ﻋﺎﺭﻑ ﺍﻥ ﻛﻼﻣﻲ ﺻﺢ، ﻭ ﻻ ﻋﺎﻳﺰﻧﻲ ﺍﻓﻜﺮﻙ ﺑﺎﻟﻤﺎﺿﻲ ﺍﻟﻠﻲ ﻣﻀﻰ !
- ﺑﺮﺓ ﻳﺎ ﻋﺎﻳﺪﺓ
ﻗﺎﻟﻬﺎ ﺑﻬﺪﻭﺀ ﻏﺎﺿﺐ، ﻓﻲ ﺣﻴﻦ ﻛﺎﻧﺖ ﺭﻳﺤﺎﻧﺔ ﺗﺘﺎﺑﻌﺔ ﺑﻨﻈﺮﺍﺗﻬﺎ ﺍﻟﻤﺘﺮﻗﺒﺔ ﻟﺘﻌﺎﺑﻴﺮ ﻭﺟﻬﻪ ﻭ ﻧﻈﺮﺍﺗﻪ ﺍﻟﻐﺮﻳﺒﺔ ﺍﻟﺬﻱ ﻳﺤﺎﻭﻝ ﺃﺧﻔﺎﺋﻬﺎ ﺧﻠﻒ ﻧﻈﺮﺍﺗﻪ ﺍﻟﺤﺎﺩﺓ ﺍﻟﻐﺎﺿﺒﺔ، ﺍﻧﺘﻔﻀﺖ ﺑﻔﺰﻉ ﻋﻨﺪﻣﺎ ﻫﺘﻒ ﺑﻐﻀﺐ ﺟﺎﻣﺢ
- ﺍﻃﻠﻌﻲ ﺑﺮﺓ ﻳﺎ ﻋﺎﻳﺪﺓ
ﺷﻌﺮﺕ ﻋﺎﻳﺪﺓ ﺑﺎﻟﺨﻮﻑ ﻭ ﻧﻬﻀﺖ ﻭ ﻏﺎﺩﺭﺕ ﺳﺮﻳﻌﺎ، ﺑﻴﻨﻤﺎ ﻇﻠﺖ ﺭﻳﺤﺎﻧﺔ ﺟﺎﻟﺴﺔ ﻓﻲ ﻣﻜﺎﻧﻬﺎ ﻭ ﻫﻲ ﻣﺨﻔﻀﺔ ﺍﻟﺮﺃﺱ .
- ﺭﻳﺤﺎﻧﺔ
ﻗﺎﻟﻬﺎ ﻣﻦ ﺑﻴﻦ ﺗﻨﻔﺴﻪ ﺍﻟﺨﺸﻦ، ﻓﺮﻓﻌﺖ ﻧﻈﺮﺍﺗﻬﺎ ﻟﻪ ﺑﺒﻄﺊ ﻓﻲ ﺣﻴﻦ ﺗﺴﺎﺭﻋﺖ ﺩﻗﺎﺕ ﻗﻠﺒﻬﺎ ﻭ ﺗﻤﻠﻜﻬﺎ ﺫﻟﻚ ﺍﻟﺸﻌﻮﺭ ﻣﺮﺓ ﺁﺧﺮﻯ .
- ﺍﻃﻠﻌﻲ ﺑﺮﺓ
- ﻧﻌﻢ !
ﻗﺎﻟﺘﻬﺎ ﺑﺒﻼﻫﻪ، ﻓﻀﺮﺏ ﺍﻟﻤﻜﺘﺐ ﺑﻘﺒﻀﺘﻪ ﻭ ﻫﻮ ﻳﻘﻮﻝ ﺑﻐﻀﺐ
- ﺑﻘﻮﻝ ﺍﻃﻠﻌﻲ ﺑﺮﺓ
ﻧﻬﻀﺖ ﺑﺴﺮﻋﺔ ﻭ ﻫﻲ ﺗﺸﻌﺮ ﺑﺎﻟﺨﻮﻑ ﻭ ﺇﺗﺠﻬﺖ ﻟﻠﺒﺎﺏ ﺑﺨﻄﻮﺍﺕ ﺳﺮﻳﻌﺔ ﻭ ﻭﺿﻌﺖ ﻛﻔﻬﺎ ﺍﻟﻤﺮﺗﺠﻒ ﻋﻠﻰ ﻗﺒﻀﺔ ﺍﻟﺒﺎﺏ ﻭ ﺑﺮﻣﺘﻬﺎ ﻭﺧﺮﺟﺖ ﻭ ﺍﻏﻠﻘﺖ ﺍﻟﺒﺎﺏ ﺑﻬﺪﻭﺀ ﻭ ﻭﻗﻔﺖ ﺍﻣﺎﻡ ﺑﺎﺏ ﻣﻜﺘﺒﻪ، ﻓﺴﻤﻌﺖ ﺻﻮﺕ ﺇﺭﺗﻄﺎﻡ ﺯﺟﺎﺝ ﻋﻠﻰ ﺍﻷﺭﺽ .. ﻓﺘﺮﺍﺟﻌﺖ ﻟﻠﺨﻠﻒ ﺑﺪﻫﺸﺔ ﻭ ﺻﻌﺪﺕ ﺍﻟﺴﻼﻟﻢ ﺑﺴﺮﻋﺔ .
ﻛﺎﻥ ﺻﺪﺭﻩ ﻳﻌﻠﻮ ﻭ ﻳﻬﺒﻂ ﻣﻦ ﺳﺮﻋﺔ ﺗﻨﻔﺴﻪ ﺍﻟﺨﺸﻦ، ﻭ ﻋﻴﻨﺎﻩ ﻣﻈﻠﻤﺔ ﻛﺴﻮﺍﺩ ﺍﻟﻠﻴﻞ ﻭ ﻛﻠﻤﺎﺕ ﻋﺎﻳﺪﺓ ﺍﻟﺴﻴﺌﺔ ﻋﻦ ﻭﺍﻟﺪﺗﻪ ﺗﺘﺮﺩﺩ ﻓﻲ ﺍﺫﻧﻪ .. ﻓﻬﻮ ﻻ ﻳﺘﺤﻤﻞ ﺳﻤﺎﻉ ﺍﻱ ﻛﻠﻤﺔ ﻋﻨﻬﺎ ﻟﺬﻟﻚ ﻫﻮ ﻏﺎﺿﺐ، ﺍﻣﺴﻚ ﺑﺴﻴﺠﺎﺭﺗﻪ ﺍﻟﻔﺎﺧﺮﺓ ﻭ ﺍﺷﻌﻠﻬﺎ ﻭ ﻭﺿﻌﻬﺎ ﺑﻴﻦ ﺷﻔﺘﻴﻪ ﻭ ﻣﻦ ﺛﻢ ﺍﺑﻌﺪﻫﺎ ﻭ ﻧﻔﺚ ﺩﺧﺎﻧﻬﺎ ﺑﻐﻀﺐ .
..........................................................
ﺑﺪﺃ ﺍﻟﻠﻴﻞ ﻳﺴﺪﻝ ﺳﺘﺎﺋﺮﻩ
ﻣﺴﺘﻠﻘﻴﻪ ﻋﻠﻰ ﺍﻟﺴﺮﻳﺮ ﻭ ﻫﻲ ﺗﻨﻈﺮ ﻟﻠﻬﺎﻭﻳﺔ ﻭ ﻛﺎﻧﺖ ﺷﺎﺭﺩﻩ ... ﺣﻴﺚ ﻛﺎﻧﺖ ﺗﻔﻜﺮ ﻓﻲ ﺍﻣﻮﺭ ﻋﺪﺓ ﻭ ﻣﻨﻬﻢ " ﺍﻟﺸﻴﻄﺎﻥ ﻭ ﻋﺎﻳﺪﺓ "، ﻛﻴﻒ ﻟﻌﺎﻳﺪﺓ ﺍﻥ ﺗﺤﺐ ﺷﻘﻴﻘﻬﺎ !، ﺗﺬﻛﺮﺕ ﻛﻠﻤﺎﺕ ﻋﺎﻳﺪﺓ ** ﺍﻧﺖ ﻋﺎﺭﻑ ﺍﻥ ﺍﻧﺎ ﻭ ﺍﻧﺖ ﻣﺶ ﺍﺧﻮﺍﺕ ﺇﻻ ﺍﺳﻤﺎ، ﻷﻧﻲ ﺍﻧﺎ ﺍﺗﻮﻟﺪﺕ ﻣﻦ ﺍﻡ ﻭ ﺍﺏ ﻏﻴﺮ ﺍﻣﻚ ﻭ ﺍﺑﻮﻙ **، ﺍﻋﺎﺩﺕ ﺗﻜﺮﺍﺭ ﻫﺬﺓ ﺍﻟﻜﻠﻤﺎﺕ ﺣﺘﻰ ﻓﻬﻤﺖ ﻣﺎ ﻋﻼﻗﺘﻬﻢ ﺑﺒﻌﺾ، ﻓﺄﻋﺪﻟﺖ ﺇﻟﻰ ﻭﺿﻊ ﺍﻟﺠﻠﻮﺱ ﻭ ﻫﻲ ﺗﺤﺪﺙ ﻧﻔﺴﻬﺎ ﺑﺼﻮﺕ ﻣﺴﻤﻮﻉ
- ﻳﻌﻨﻲ ﺍﻟﻠﻲ ﻓﻬﻤﺘﻪ ﺍﻥ ﺍﻟﺸﻴﻄﺎﻥ ﻭ ﻋﺎﻳﺪﺓ ﻣﺶ ﺍﺧﻮﺍﺕ، ﻭ ﻟﻤﺎ ﻗﺎﻟﺖ ﺍﻧﻬﺎ ﺟﺖ ﻣﻦ ﺍﻡ ﻭ ﺍﺏ ﻏﻴﺮ ﺍﻣﻪ ﻭﺍﺑﻮﻩ ﻳﻌﻨﻲ ﻣﻔﻴﺶ ﻏﻴﺮ ﺣﺎﺟﺘﻴﻦ، ﻳﺎ ﺍﻣﺎ ﺍﻣﻪ ﺍﺗﺠﻮﺯﺕ ﺍﺑﻮﻫﺎ ﺍﻭ ﺍﺑﻮﻩ ﺍﺗﺠﻮﺯ ﺍﻣﻬﺎ ﻭ ﺑﻘﻮﺍ ﺍﺧﻮﺍﺕ ﺑﺎﻷﺳﻢ ﺑﺲ
ﻭ ﻣﻦ ﺛﻢ ﺻﻤﺘﺖ ﻟﺒﺮﻫﻪ ﻭ ﻫﻲ ﺗﺘﻌﻤﻖ ﻓﻲ ﺍﻟﺘﻔﻜﻴﺮ
- ﻫﻲ ﻗﺎﻟﺖ ﺍﻥ ﺍﻣﻪ ﺭﺑﺘﻪ ... ﻭ ﺩﺓ ﻣﻌﻨﺎﻩ ﺍﻥ ﺍﻡ ﺍﻟﺸﻴﻄﺎﻥ ﺍﺗﺠﻮﺯﺕ ﺍﺑﻮ ﻋﺎﻳﺪﺓ، ﻓﺒﺎﻟﺘﺎﻟﻲ ﺍﻣﻪ ﺭﺑﺘﻬﺎ
ﺗﻨﻬﺪﺕ ﺑﻀﻴﻖ ﻭ ﻫﻲ ﺗﺤﻚ ﺟﺒﻴﻨﻬﺎ ﻭ ﺗﻜﻤﻞ
- ﺑﺲ ﻫﻲ ﻟﻴﺔ ﻗﺎﻟﺖ ﻋﻠﻴﻬﺎ ﺍﻟﻜﻼﻡ ﺩﺓ؟، ﺍﻛﻴﺪ ﻓﻲ ﺳﺒﺐ
ﻋﺎﺩﺕ ﺑﺮﺃﺳﻬﺎ ﻟﻮﺳﺎﺩﺗﻬﺎ ﻭ ﺻﻤﺘﺖ ﻟﺪﻗﺎﺋﻖ ﻗﺒﻞ ﺍﻥ ﺗﻀﻴﻖ ﻋﻴﻨﻴﻬﺎ ﻗﻠﻴﻼ ﻭ ﺗﻘﻮﻝ ﺑﺘﺴﺎﺅﻝ
- ﺍﻣﻤﻢ ﻫﻮ ﻣﻤﻜﻦ ﺗﻜﻮﻥ ﺣﺎﻟﺔ ﺍﻟﺸﻴﻄﺎﻥ ﺍﻟﻠﻲ ﻋﻠﻴﻬﺎ ﺩﻟﻮﻗﺘﻲ ﺑﺴﺒﺐ ﺍﻣﻪ ؟ !
ﻫﺰﺕ ﺭﺃﺳﻬﺎ ﺑﻌﻨﻒ ﻭ ﻫﻲ ﺗﺘﺄﻓﻒ
- ﻭ ﺍﻧﺎ ﺍﻳﺔ ﺩﺧﻠﻲ .. ﻣﺶ ﻻﺯﻡ ﺍﻋﺮﻑ ﺍﻟﺴﺒﺐ ﻭﺭﺍ ﺍﻱ ﺣﺎﺟﺔ ﺑﺘﺤﺼﻞ ﺍﻭ ﺣﺼﻠﺖ، ﺍﻧﺎ ﻫﻬﺮﺏ ﻣﻦ ﻫﻨﺎ ﻭ ﻣﺶ ﻫﺮﺟﻊ ﻓﻤﺶ ﻫﺴﺘﻔﺎﺩ ﻟﻮ ﻋﺮﻓﺖ
ﻭ ﺑﻌﺪ ﺍﻥ ﺍﻧﻬﺖ ﺟﻤﻠﺘﻬﺎ ﺍﻋﺘﺪﻟﺖ ﻭ ﻗﺎﻟﺖ ﺑﺂﺳﻰ
- ﺑﺲ ﺍﻟﻤﺸﻜﻠﺔ ... ﻋﻨﺪﻱ ﻓﻀﻮﻝ ﺍﻋﺮﻑ
ﻣﺴﺤﺖ ﻭﺟﻬﻬﺎ ﺑﻌﻨﻒ ﻭ ﻫﻲ ﺗﻨﻬﺾ ﻭ ﺗﺘﺠﻪ ﻟﻠﺤﻤﺎﻡ ﻭ ﻗﺒﻞ ﺍﻥ ﺗﺼﻞ ﻟﻸﺧﻴﺮ ﺗﻮﻗﻔﺖ ﻭ ﺳﺄﻟﺖ ﻧﻔﺴﻬﺎ ﺑﺤﻴﺮﺓ
- ﻃﺐ ﻫﻮ ﺟﻼﻝ ﺟﻪ ﻣﻨﻴﻦ؟
..........................................................
ﺍﻣﺴﻚ ﺟﻼﻝ ﺑﻬﺎﺗﻔﻪ ﻭ ﻧﻈﺮ ﻟﻸﺳﻢ ﺍﻟﺬﻱ ﻳﺘﺼﻞ ﺑﻪ ﻭ ﻋﻠﻰ ﻭﺟﻬﻪ ﺇﺑﺘﺴﺎﻣﺔ ﺧﺒﻴﺜﺔ ﻭ ﻗﺎﻝ
- ﻛﻨﺖ ﻣﺴﺘﻨﻲ ﺍﺗﺼﺎﻟﻚ
ﻭ ﻣﻦ ﺛﻢ ﻭﺿﻊ ﺍﻟﻬﺎﺗﻒ ﻋﻠﻰ ﺍﺫﻧﻪ ﻭ ﻗﺎﻝ
- ﻋﺰ ﺍﻟﺪﻳﻦ ﺑﻴﻪ ﺑﻴﺘﺼﻞ ﺑﻨﻔﺴﻪ، ﻭﺍﺣﺸﻨﻲ ﻳﺎ ﺧﺎﻝ
- ﻓﻴﻦ ﺍﻟﻮﺭﻕ ﻳﺎ ﺟﻼﻝ
ﻗﺎﻟﻬﺎ ﻋﺰ ﺍﻟﺪﻳﻦ ﺑﺤﺪﺓ ﺑﻌﺪ ﺍﻥ ﺗﺠﺎﻫﻞ ﻗﻮﻝ ﺟﻼﻝ، ﻓﺮﺩ ﺍﻷﺧﻴﺮ ﺑﻌﺪﻡ ﻓﻬﻢ ﻣﺼﺘﻨﻊ
- ﻭﺭﻕ ﺍﻳﺔ ﻳﺎ ﺧﺎﻝ؟
- ﺍﻟﻮﺭﻕ ﺍﻟﻠﻲ ﺧﻠﻴﺖ ﺍﺑﻨﻲ ﻳﺴﺮﻗﻪ
- ﺍﻧﺖ ﻗﻮﻟﺖ .. ﺃﺑﻨﻚ ﺍﻟﻠﻲ ﺳﺮﻕ، ﻓﺄﺳﺌﻠﻪ ﻭﺩﺍﻩ ﻓﻴﻦ
- ﺍﻟﻮﺭﻕ ﻣﻌﺎﻙ ﻳﺎ ﺟﻼﻝ، ﻭ ﺍﻧﺎ ﻋﺎﺭﻑ
- ﺍﻧﺖ ﺑﺘﻈﻠﻤﻨﻲ
- ﻣﺶ ﺑﻈﻠﻤﻚ، ﺍﻟﻮﺭﻕ ﻣﻌﺎﻙ ﻷﻥ ﺍﻳﻤﻦ ﺳﺮﻗﻪ ﻣﻦ ﻋﻨﺪﻱ ﻭ ﺍﺩﻫﻮﻟﻚ
- ﻃﺐ ﺍﻟﻤﻄﻠﻮﺏ؟
- ﺭﺟﻊ ﺍﻟﻮﺭﻕ
- ﺍﻣﻤﻢ ﻭ ﺍﻟﻤﻘﺎﺑﻞ
- ﺍﻟﻤﻘﺎﺑﻞ !
- ﺍﻳﻮﺓ
- ﺍﻟﻮﺭﻕ ﺩﺓ ﻣﻴﺨﺼﻜﺶ ﻳﺎ ﺟﻼﻝ، ﺭﺟﻌﻪ
- ﻣﺎ ﺍﻧﺎ ﻋﺎﺭﻑ ﺍﻧﻪ ﻣﻴﺨﺼﻨﻴﺶ، ﻓﻌﺸﺎﻥ ﻛﺪﺓ ﺍﺧﺪﺗﻪ، ﻭﻟﻮ ﻋﺎﻳﺰﻩ ... ﺃﻧﺖ ﻋﺎﺭﻑ ﺑﻘﻰ
- ﻋﺎﻳﺰ ﻛﺎﻡ ﻳﺎ ﺟﻼﻝ
- ﻣﺶ ﻋﺎﻳﺰ ﻓﻠﻮﺱ
- ﻧﻌﻢ !
- ﻋﺎﻳﺰ ﺍﻟﻌﻘﺪ
- ﻧﻌﻢ !
ﻗﺎﻟﻬﺎ ﻋﺰ ﺍﻟﺪﻳﻦ ﺑﺼﺪﻣﺔ ﻭ ﻫﻮ ﻳﺴﻌﻞ، ﺑﻴﻨﻤﺎ ﺍﻛﻤﻞ
- ﺍﻱ ﻋﻘﺪ ؟
- ﺑﺘﺎﻉ ﻓﻴﺮﻭﺯ ﻫﺎﻧﻢ .. ﺍﻟﻠﻪ ﻳﺮﺣﻤﻬﺎ
- ﻣﺶ ﻣﻌﺎﻳﺎ
- ﻣﺎ ﺍﻧﺎ ﻋﺎﺭﻑ ﺍﻧﻪ ﻣﺶ ﻣﻌﺎﻙ، ﺑﺲ ﻫﺘﻘﺪﺭ ﺗﻄﻠﺒﻪ ﻣﻦ ﺍﻟﺸﻴﻄﺎﻥ
- ﻣﺴﺘﺤﻴﻞ ﺍﻃﻠﺒﻪ
- ﺧﻼﺹ، ﻗﻮﻝ ﺳﻼﻡ ﻋﻠﻰ ﻭﺭﻕ ﺻﻔﻘﺘﻚ ﺍﻟﻠﻲ ﺣﻄﻴﺖ ﻓﻴﻬﺎ ﻛﻞ ﻓﻠﻮﺳﻚ ﻭ ﺛﺮﻭﺗﻚ
ﻭ ﻓﻮﺭ ﺍﻧﺘﻬﺎﺋﻪ ﻣﻦ ﻗﻮﻝ ﺟﻤﻠﺘﻪ ﺍﻏﻠﻖ ﺍﻟﺨﻂ ﻭ ﻧﻈﺮ ﻣﻦ ﺧﻠﻒ ﺯﺟﺎﺝ ﺍﻟﺸﺮﻓﺔ ﺑﺈﻧﺘﺼﺎﺭ ﻭ ﻗﺎﻝ
- ﻭ ﻣﻦ ﻫﻨﺎ ... ﻫﻨﺒﺪﺃ ﺍﻟﻠﻌﺐ ﺻﺢ
ﻭ ﻣﻦ ﺛﻢ ﺍﻟﺘﻔﺖ ﻭ ﺇﺗﺠﻪ ﻟﻸﺭﻳﻜﺔ ﻭ ﺟﻠﺲ، ﻓﺄﻋﻠﻦ ﻫﺎﺗﻔﻪ ﻋﻦ ﻭﺻﻮﻝ ﺭﺳﺎﻟﺔ، ﻓﻔﺘﺤﻬﺎ ﻭ ﻗﺮﺃﻫﺎ ﻓﺘﺤﻮﻟﺖ ﻣﻼﻣﺢ ﻭﺟﻬﻪ ﻟﻠﻐﻀﺐ
..........................................................
ﺧﺮﺟﺖ ﺭﻳﺤﺎﻧﺔ ﻣﻦ ﺍﻟﺤﻤﺎﻡ ﻋﻠﻰ ﺍﺛﺮ ﺳﻤﺎﻋﻬﺎ ﻟﻀﺠﺔ ﻛﺒﻴﺮﺓ ﻓﻲ ﺍﻟﺨﺎﺭﺝ، ﻓﺘﻘﺪﻣﺖ ﻣﻦ ﺍﻟﺒﺎﺏ ﻭ ﻓﺘﺤﺘﻪ ﻭ ﺧﺮﺟﺖ ﻭ ﺗﻮﻗﻔﺖ ﻟﺒﺮﻫﻪ ﻭ ﻣﻦ ﺛﻢ ﺗﻘﺪﻣﺖ ﻭ ﺇﺗﺠﻬﺖ ﻟﻠﺴﻠﻢ ﻓﻲ ﺣﻴﻦ ﻛﺎﻧﺖ ﻋﺎﻳﺪﺓ ﺗﻨﺰﻝ، ﻓﺄﻭﻗﻔﺘﻬﺎ ﺭﻳﺤﺎﻧﺔ ﻭ ﺳﺄﻟﺘﻬﺎ
- ﻫﻲ ﺍﻳﺔ ﺍﻟﺪﻭﺷﺔ ﺍﻟﻠﻲ ﺗﺤﺖ ﺩﻱ ؟
ﻧﻈﺮﺕ ﻟﻬﺎ ﻋﺎﻳﺪﺓ ﺑﺒﺮﻭﺩ ﻭ ﻗﺎﻟﺖ
- ﻣﻌﺮﻓﺶ، ﺍﻧﺎ ﻫﻨﺰﻝ ﻭ ﺍﺷﻮﻑ
ﻭ ﻣﻦ ﺛﻢ ﺗﺮﻛﺘﻬﺎ ﻭ ﻧﺰﻟﺖ ﻓﺘﺒﻌﺘﻬﺎ ﺭﻳﺤﺎﻧﺔ ﻭ ﻫﻲ ﺗﺸﻌﺮ ﺑﺎﻟﻘﻠﻖ .
- ﻓﻲ ﺍﻳﺔ؟
ﻗﺎﻟﺘﻬﺎ ﻋﺎﻳﺪﺓ ﻭ ﻫﻲ ﺗﻨﻈﺮ ﻟﺬﻟﻚ ﺍﻟﺮﺟﻞ ﺍﻟﺬﻱ ﻳﺮﻛﻊ ﻋﻠﻰ ﺍﻷﺭﺽ ﺍﻣﺎﻡ ﺍﻟﺸﻴﻄﺎﻥ ﻭ ﻳﺒﺪﻭ ﺍﻧﻪ ﻧﺎﻝ ﺍﻟﻜﺜﻴﺮ ﻣﻦ ﺍﻟﻀﺮﺏ، ﻓﻲ ﺣﻴﻦ ﺭﻓﻊ ﺍﻟﺸﻴﻄﺎﻥ ﻧﻈﺮﺍﺗﻪ ﺍﻟﺤﺎﺩﺓ ﻟﻨﺎﺣﻴﺘﻬﺎ ﻭ ﻣﻦ ﺛﻢ ﺍﻋﺎﺩﻫﺎ ﻟﻠﺮﺟﻞ ﻭ ﻗﺎﻝ ﺑﻐﻀﺐ
- ﻭ ﻷﺧﺮ ﻣﺮﺓ ﻫﺴﺄﻟﻚ .. ﻣﻴﻦ ﺍﻟﻠﻲ ﺑﺎﻋﺘﻚ ﻛﺠﺎﺳﻮﺱ ﻟﻬﻨﺎ، ﻗﻮﻝ
ﻧﻈﺮ ﻟﻪ ﺍﻟﺮﺟﻞ ﺑﺨﻮﻑ ﻭ ﻟﻢ ﻳﺮﺩ، ﻓﺘﻨﻔﺲ ﺍﻟﺸﻴﻄﺎﻥ ﺑﺨﺸﻮﻧﺔ ﻭ ﻣﻦ ﺛﻢ ﻗﺎﻝ ﺑﻬﺪﻭﺀ ﻏﺎﺿﺐ
- ﺷﻜﻠﻚ ﻣﺶ ﺧﺎﻳﻒ ﻭ ﺣﺎﺑﺐ ﺗﻤﻮﺕ، ﻣﺎﺷﻲ
ﻓﺘﻘﺪﻡ ﺍﻟﺤﺎﺭﺱ ﻭ ﻣﺪ ﻛﻔﻪ ﺍﻟﻤﻤﺴﻚ ﺑﺎﻟﻤﺴﺪﺱ ﻟﺴﻴﺪﻩ، ﻓﺄﺧﺬﻩ ﺍﻟﺸﻴﻄﺎﻥ ﻭ ﻭﺿﻊ ﺳﺒﺎﻃﺔ ﺍﻟﻤﺴﺪﺱ ﻋﻠﻰ ﺭﺃﺱ ﺍﻟﺮﺟﻞ، ﻓﺒﻜﻰ ﺍﻟﺮﺟﻞ ﻭ ﻫﻮ ﻳﺘﺮﺟﺎﻩ ﺑﻘﻮﻟﻪ
- ﻻ ... ﻻ ﻳﺎ ﺳﻴﺪﻧﺎ، ﻣﺘﻤﻮﺗﻨﻴﺶ، ﺍﻧﺎ ﻋﻨﺪﻱ ﻋﻴﺎﻝ ﻭ ﻋﺎﻳﺰ ﺍﺭﺑﻴﻬﻢ، ﺍﺑﻮﺱ ﺍﻳﺪﻙ
ﻭ ﺍﻣﺴﻚ ﺍﻟﺮﺟﻞ ﺑﻴﺪﻩ ﻭ ﺍﺻﺒﺢ ﻳﻘﺒﻠﻬﺎ ﻓﺪﻓﻌﻪ ﺍﻟﺸﻴﻄﺎﻥ ﺑﻘﻮﺓ ﻓﻮﻗﻊ ﺍﻟﺮﺟﻞ ﻋﻠﻰ ﺍﻷﺭﺽ ﺑﻴﻨﻤﺎ ﻗﺎﻝ ﺍﻟﺸﻴﻄﺎﻥ
- ﺍﺧﺮ ﻓﺮﺻﺔ، ﻫﺘﻘﻮﻝ ﻭ ﻻ
ﻇﻞ ﺍﻟﺮﺟﻞ ﺻﺎﻣﺘﺎ، ﻓﺈﺑﺘﺴﻢ ﺍﻟﺸﻴﻄﺎﻥ ﺇﺑﺘﺴﺎﻣﺔ ﺟﺎﻧﺒﻴﺔ ﻭ ﻗﺎﻝ
- ﺑﺮﺍﺣﺘﻚ .. ﺃﻧﺖ ﺍﻟﻠﻲ ﺍﺧﺘﺮﺕ ﻣﺼﻴﺮﻙ
ﻭ ﺑﻌﺪ ﺍﻥ ﺍﻧﻬﻰ ﺟﻤﻠﺘﻪ ﺳﺤﺐ ﺍﻟﻤﻄﺮﻗﺔ ﺑﺄﺻﺒﻌﻪ ﻟﻠﺨﻠﻒ ﻓﺄﺻﺒﺢ ﺍﻟﻤﺴﺪﺱ ﺟﺎﻫﺰ ﻟﻺﻃﻼﻕ .
ﻛﺎﻧﺖ ﺭﻳﺤﺎﻧﺔ ﺗﺘﺎﺑﻊ ﻣﺎ ﻳﺤﺪﺙ ﻭ ﻫﻲ ﺗﺸﻌﺮ ﺑﺎﻟﺸﻔﻘﺔ ﻋﻠﻰ ﺍﻟﺮﺟﻞ، ﻓﺘﻘﺪﻣﺖ ﻣﻦ ﺍﻟﺸﻴﻄﺎﻥ ﻭ ﻭﻗﻔﺖ ﺍﻣﺎﻣﻪ ﻗﺒﻞ ﺍﻥ ﻳﻀﻐﻂ ﻋﻠﻰ ﺍﻟﺰﻧﺎﺩ، ﻓﻨﻈﺮ ﻟﻬﺎ ﺑﻘﺴﻮﺓ ﺑﻴﻨﻤﺎ ﻗﺎﻟﺖ ﻫﻲ ﺑﺸﺠﺎﻋﺔ ﻟﻢ ﺗﺪﺭﻙ ﻣﻦ ﺍﻳﻦ ﺍﺗﺖ ﺑﻬﺎ
- ﻣﺘﻘﺘﻠﻬﻮﺵ .. ﺣﺮﺍﻡ
- ﺍﺑﻌﺪﻱ
- ﺣﺮﺍﻡ ﻳﺎ ﺑﻴﺠﺎﺩ ﺗﻘﺘﻠﻪ، ﻫﻮ ﻣﺄﺟﺮﻣﺶ
- ﻗﻠﺖ ﺍﺑﻌﺪﻱ
ﺻﺮﺥ ﺑﻬﺎ، ﻓﻘﺎﻟﺖ ﺑﻌﻨﺎﺩ
- ﻣﺶ ﻫﺒﻌﺪ ... ﺣﺮﺍﻡ ﺗﻤﻮﺕ ﺍﻟﻨﺎﺱ
- ﺩﺓ ﺧﺎﻳﻦ، ﻭ ﺍﻟﺨﺎﻳﻦ ﻧﻬﺎﻳﺘﻪ ﺍﻟﻘﺘﻞ ﺑﺎﻟﻨﺴﺒﺔ ﻟﻴﺎ
ﺍﺭﺗﺠﻒ ﺟﺴﺪﻫﺎ ﻟﻜﻠﻤﺎﺗﻪ ﻭ ﺷﻌﺮﺕ ﺑﺒﻌﺾ ﻣﻦ ﺍﻟﺨﻮﻑ ﻭﻟﻜﻨﻬﺎ ﺗﺨﻠﺼﺖ ﻣﻦ ﺷﻌﻮﺭﻫﺎ ﺍﻷﺧﻴﺮ ﻭ ﻗﺎﻟﺖ ﺑﺮﺟﺎﺀ
- ﺳﺎﻣﺤﻪ، ﺳﺎﻣﺤﻪ ﻋﺸﺎﻥ ﻋﻴﺎﻟﻪ، ﺣﺮﺍﻡ ﻳﻜﺒﺮﻭﺍ ﻣﻦ ﻏﻴﺮ ﺍﺑﻮﻫﻢ
ﺇﺑﺘﺴﻢ ﺍﻟﺸﻴﻄﺎﻥ ﺑﺘﻬﻜﻢ ﻭ ﻗﺎﻝ
- ﺍﺳﺎﻣﺤﻪ ! ... ﻣﻔﻴﺶ ﺣﺎﺟﺔ ﺍﺳﻤﻬﺎ ﻣﺴﺎﻣﺤﺔ ﻋﻨﺪﻱ
- ﺧﻼﺹ ... ﺍﻗﺘﻠﻨﻲ ﻗﺒﻠﻪ
ﻗﺎﻟﺘﻬﺎ ﺑﺤﺰﻡ، ﻓﻨﻈﺮ ﻟﻬﺎ ﺑﺒﺮﻭﺩ ﻭ ﻗﺎﻝ
- ﻫﻘﺘﻠﻚ ﻗﺒﻠﻪ
ﻭ ﻭﺿﻊ ﺍﺻﺒﻌﻪ ﻋﻠﻰ ﺍﻟﺰﻧﺎﺩ، ﻓﺄﻏﻤﻀﺖ ﻋﻴﻨﻴﻬﺎ ﺑﺨﻮﻑ
- ﺧﻼﺹ ... ﻫﻘﻮﻝ ﻛﻞ ﺣﺎﺟﺔ
ﻗﺎﻟﻬﺎ ﺍﻟﺮﺟﻞ ﻗﺒﻞ ﺍﻥ ﻳﻀﻐﻂ ﺍﻟﺸﻴﻄﺎﻥ ﻋﻠﻰ ﺯﻧﺎﺩ ﺍﻟﻤﺴﺪﺱ، ﻓﻨﻈﺮ ﻟﻪ ﺍﻟﺸﻴﻄﺎﻥ ﺑﻴﻨﻤﺎ ﺍﻛﻤﻞ ﺍﻟﺮﺟﻞ ﺑﺘﺮﺩﺩ
- ﺍﻟﺴﻴﺪ ﺟﻼﻝ .. ﻫﻮ ﺍﻟﻠﻲ ﺑﺎﻋﺘﻨﻲ، ﻭ ﻣﺶ ﻟﻮﺣﺪﻱ
ﻓﺘﺤﺖ ﺭﻳﺤﺎﻧﺔ ﻋﻴﻨﻴﻬﺎ ﺑﺴﺮﻋﺔ ﻭ ﺍﻟﺘﻔﺘﺖ ﻭ ﻧﻈﺮﺕ ﻟﻠﺮﺟﻞ، ﺑﻴﻨﻤﺎ ﻗﺎﻝ ﺍﻟﺸﻴﻄﺎﻥ
- ﻣﺶ ﻟﻮﺣﺪﻙ !
ﻧﻈﺮ ﺍﻟﺮﺟﻞ ﻟﺮﻳﺤﺎﻧﺔ ﺑﻄﺮﻳﻘﺔ ﻏﺮﻳﺒﺔ ﻭ ﺻﻤﺖ، ﻓﻘﺎﻝ ﺍﻟﺸﻴﻄﺎﻥ
- ﻛﻤﻞ
ﻓﻨﻈﺮﺕ ﺭﻳﺤﺎﻧﺔ ﻟﻠﺮﺟﻞ ﺑﺮﺟﺎﺀ ﻭ ﺧﻮﻑ ﻗﺒﻞ ﺍﻥ ﻳﻨﻘﻞ ﺍﻟﺮﺟﻞ ﻧﻈﺮﺍﺗﻪ ﻟﻠﺸﻴﻄﺎﻥ .