<Unicode>


လင်း တောင်ဆေးရုံပေါ်မှာ၁ပါတ်ရှိသွားပြီ။စိတ်ချရတဲ့အနေအထားမှာမို့ လင်းအနားမှာ special nurseငှားထားပြီး ၂၄နာရီစောင့်ကြည့်ခိုင်းထားသည်။ ဒါပေမယ့် အလှည့်ကြဆီရောက်လာနေစမြဲမို့ လင်းအတွက်လည်းအားကိုးရသည်လေ။"အစ်ကို ကျွန်မကိုဆေးရုံအုပ်ကြီးက ခေါ်ထားလို့ခနသွားလိုက်အုံးမယ်နော်"
"ဪ ဟုတ်ပြီ သွားပါဗျ ကျွန်တော့်ကိုမပူနဲ့ရပါတယ်"
"ဟုတ်ကဲ့ရှင့် ကျေးဇူးပါ"
Nurseမလေး ကလင်းအားနှုတ်ဆက်ပြီးအခန်းထဲကနေထွက်သွားသည်။ဘာရယ်မဟုတ်ပေမယ့် သူစိမ်းမိန်းကလေးတစ်ယောက်က ကိုယ့်အနားမှာအချိန်ပြည့်ရှိနေတော့လည်း လင်းအတွက်အနေခက်စေသည်။
လေပူတွေတစ်ချက်ထုတ်လွှတ်ပြီး ကုတင်ကိုမှီကာ အပျင်းပြေစေဖို့ ရှေးခေတ်ပေးခဲ့တဲ့ စာအုပ်တွေကိုဖတ်ကြည့်နေလိုက်သည်။ဘုရားတရားသမားလေးဆိုတော့ ပေးခဲ့တဲ့စာအုပ်တွေက ဘာသာရေးတရားတွေဆိုတာ မလွှဲဧကန်ပင်။တစ်သက်နဲ့တစ်ကိုယ် ဒါမျိုးတွေမဖတ်ဖူးတဲ့သူမို့ ပျင်းနေပေမယ့်လည်း ဆက်ဖတ်နေလိုက်သည်။
"ဒေါက်!ဒေါက်!"
အခန်းတံခါးခေါက်သံကြောင့် ဘယ်သူလဲဆိုကာ ဝင်လာမယ့်ဘက်ကိုလှမ်းကြည့်မိလိုက်သည်။
ပထမဆုံးမြင်လိုက်ရတာ ကတ္တီပါဖိနပ်အနက်ရောင်လေးနဲ့ ခြေဖမိုးဖြူဖြူလေး။"နှိုးနေတာလား"
"ဟမ်"
အသံချိုချိုလေးနဲ့ အပြုံးချိုချိုလေးက ဒေါက်တာလေးတစ်ယောက်တဲ့လား။ အလယ်ကွဲဆံပင်လေးကို သေချာပုံသွင်းထားပြီး ဝတ်ထားတဲ့ ရှပ်အင်္ကျီနက်ပြာလေးရယ် ပုဆိုးကွက်စိပ်အနက်ရောက်လေးရယ်နဲ့က အပေါ်ကထပ်ဝတ်ထားရဲ့ ဂျူတီကုတ်အဖြူရောင်လေးကသိပ်လိုက်ဖတ်လှသည်။
မြင်လိုက်တာနဲ့ ဥပတိရုပ်သန့်နေကာ မနောဖြူတဲ့ဒေါက်တာတစ်ယောက်ဆိုတာ ပြုံးနေတဲ့အပြုံးလေးကသက်သေပင်ဖြစ်သည်။ကိုယ့်ထက်ငယ့်မယ့်ပုံလေးပေမယ့် ဝတ်စားထားတာလေးက သိပ်ကိုကျက်သရေရှိလှသည်မို့ လင်း မှာ သူရှေ့ကဒေါက်တာလေးကို အချိန်ကြာတဲ့ထိငေးကြည့်မိနေသည်။
KAMU SEDANG MEMBACA
I will always be here for you.(Completed)
Romansaတစ်ခါတလေ အချစ်ကသိပ်ဆန်းကြယ်တယ် ကိုယ်မထင်မှတ်ထားတာတွေဘဲဖြစ်လာတတ်တယ်...