Golden Age: Semideus Specials

the first glimpse at forever, and after...

Cesia's POV

"Mas maganda siguro kung ito..." Tinuro ko ang beige color palette na inilahad ng interior designer sa'min.

Tinignan ko si Ria. "Gusto mo ng neutral, diba?"

"Yes," sagot naman niya. "I also want it spacious and airy."

"Lagyan nalang din natin ng kaunting maroon at royal purple sa furnitures?" suhestyon ko. "Para eleganteng tignan?"

Umiling siya. "But I don't want just elegant. I want simple and class."

"Oh." Tumango-tango ako. "Pastel furnitures? Light-colored?"

Magsasalita na sana si Ria nang biglang mag-ring yung phone niya.

"Chase-" aniya nang sagutin ito at sumenyas na aalis. "Excuse me."

Humarap ako sa interior designer. "Did you get everything?"

Inangat niya ang kanyang tingin mula sa malapad niyang notebook. "I have."

"Good." Nginitian ko siya. "Thank you."

Habang naghihintay kay Ria na bumalik, naglibot-libot ako sa silid na kinaroroonan namin. Nasa second floor kami ng palasyo na niregalo ni Trev kila Chase at Ria. Sobrang laki ng estate, at ang lawak ng garden at field na nakapalibot, kaya medyo secluded ito, dalawang kilometro ang layo mula sa pinakamalapit na village.

Naramdaman kong gumalaw ang phone ko sa loob ng aking bulsa kaya inilabas ko ito at tinignan kung sino ang tumatawag.

Napangiti ako, saka itinapat ito sa aking tenga. "Trev."

'How's Scotland?' tanong niya sa kabilang linya.

Dumako ako sa pinakamalaking bintana ng silid at dumungaw. "Ang ganda ng mga lugar dito..."

'Did Ria like the castle?'

"Sobra," sagot ko. "Tumawag nga agad ng interior designer pagkapasok namin, eh."

'That's good to know.'

Habang nakamasid sa tanawin, napakagat ako ng aking pang-ibabang labi at yumuko. "Trev..."

Matagal-tagal pa bago ko muling narinig ang boses niya. 

'Cesia.'

Humugot ako ng malalim na hininga. "Nasa'n ka?"

Narinig ko ang mahina niyang tawa. 'On the way to you, my love.'

"Mmm." Sabi ko na nga ba.

Darating din kasi si Chase mamaya at kinutuban akong hindi siya mag-iisa.

'I'll see you later.'

"Cesia!" tawag ni Ria sa'kin.

Kinawayan ko siya saka nagpaalam na kay Trev. "See you."

Kasama sina Ria at yung interior designer, pinasok namin ang bawat silid ng palasyo at pinag-usapan ang posibleng magiging hitsura nito. Patuloy ang pagbabato ko ng mga suhestyon kay Ria na napapatango at paminsan-minsa'y ipinapahayag din yung mga gusto niya. Nilista naman ng interior designer ang pinagsasabi namin habang tumatango-tango nang nakakunot ang noo, desididong tuparin ang lahat ng mga ito.

Pagabi na nang magpaalam ang interior designer sa'min. Hintayin nalang din daw namin ang ise-send niyang drafts ng layouts.

Hinatid namin siya sa labas ng palasyo, at sinundan ng tingin ang puting kotse niya na tumakbo papalayo sa'min.