بعد الانتهاء من المباركة ذهب ماهر و عائلتة إلي المنزل
ندي : بس العروسه زي القمر يا ماهر
ابتسمت نيره تغمم ساخراً : قمر ايه ايه اللي قمر فيها دي زي اي بنت ملقتش غير دي يا ماهر بقي تنزل للمستوي دا
ماهر بعصبية : نيرررره احترمي نفسك مش كفايه المعاملة إللي اتعملتي بيها هناك دي و لعلمك سلمي دي أحسن من اي حد و انا إللي هتجوزها مش انتي
نيره : ماشي يا ماهر .. تصبحوا على خير لتتجه إلي الغرفه
سناء : مدايقش نفسك يا ماهر نيره بنت عمك مش قصدها متنساش أنها بتحبك
ماهر : انتوا السبب في دا بابا و عمي الله يرحمهم انتوا إللي فضلته تقولوا نيره لماهر عشمتوها فيا و عمركم ما شفتوا المستقبل شايل ايه لينا ربنا يرحمهم و بدون كلمه اخر ذهب مسرعاً إلي غرفته
عمر : متزعليش يا ماما اصل إللي عملته نيره انهارده مش قليل
سناء : عارفه يا أبني ماهر عنده حق إحنا إللي علقنها بي منغير ما نشوف مستقبلهم إللي جي ايه أكبر غلطه عملناها هي دي
ندي : إللي حصل حصل يا ماما يلا يا حبيبتي روحي نامي عشان بكره ننزل بدري عشان نشوف الشبكة
سناء : يلا يا ندي
ليذهب كل منهم إلي غرفته
عمر في الأسفل يمسك هاتفه و يرسل رسالة عبر الواتس أب لدينا و يكتب فيها .... دينا أنا مش عارف اقولك أسف بأنهي وش بس صدقيني انا بحبك و لما شوفتكِ و اقفه مع إللي اسمه عدنان دا معرفش أيه إللي حصلي أنا أسف ..و على فكره كان شكلك قمر أوي
ثم يرسل الرسالة لها و يذهب إلى غرفته
__________
في غرفه دينا
ليضيء الهاتف معلناً عن وصول رسالة
لتمسك دينا الهاتف و تقرأ ما المكتوب
ثم تلقي الهاتف على الفراش و تقول : أنت خليت شكلي وحش اوي في الجامعة يا عمر أنا اتشديت ليك في الأول بس دلوقتي مش عارفه افكر .
____________
في غرفه سلمي
سلمي : هتفضل ساكت كتير و انا إللي بتكلم
ماهر : بحب اسمع صوتكِ
سلمي : طب ممكن ننام بقي عشان بكره في يوم حلو و طويل
ماهر : سلمي متزعليش من إللي عملته نيره انهارده حقق عليا
سلمي : مين قالك اني ادايقت مافيش حاجه يا ماهر يلا تصبح على خير
ماهر : وانتي من اهل بيتي يا مملكتي
سلمي بتعجب : مملكتك ؟!
ماهر : ايوه مملكتي و أحلي مملكه امتلاكتها في حياتي إللي بلاقي فيها نفسي و ببقي مطمن و انا معاها بحبك يا سلمي
سلمي بخجل : ايه الكلام الحلو دا كله
ماهر : و في اكتر من كدا بس صدقيني دا مش كلام دا إللي قلبي حسه
سلمي : ....
ماهر : سلمي انتي نمتي
سلمي : لأ معاك اهو
ماهر : هو انا هفضل احب في نفسي كدا كتير
سلمي بخجل : احم احم
ماهر : احم .. طيب اعمل ايه بس يارب بحبها
سلمي : تصبح على خير
ماهر : و انتي من أهل الخير
____________
في اليوم التالي في منزل ماهر
يرن جرس الباب لتذهب ندي لتفتح للطارق : حوسحوس تعالىَ
ليدخل حسام : حوسحوس ايه الإسم دا
ندي : خلاص ولا تزعل نفسك يا سونه
حسام : لأ لأ خلينا في حوسحوس أحسن فين اخوكي
ندي : في الاوضه
سناء : صباح الخير يا حسام
حسام : صباح النور يا طنط انا هطلع اصحى الأستاذ دا
سناء : ماشي يا حبيبي
ليتجه حسام إلي غرفه ماهر
ندي : أنا هروح المدرسة يا ماما و هرجع بدري مترحوش تجيبوا الشبكه من غيري
سناء : ماشي ... غريبه هو عمر نايم لحد دلوقتي
_______________
في غرفه ماهر
ليتحرك حسام بخطوات بطيئة و يذهب إلي جانب اذن ماهر و بصوت مرتفع : مااااااهر الحق البيت بيولع
ماهر بفزع : ااااايه في ايه الموبايل فين و الشبشب
حسام بضحك : إللي بتعمله في الناس شوفت طلع عليك ازاي
ماهر بغضب : انت حيوان يلا طب لو كان جرالي حاجه هتفرح
حسام : لأ طبعاً بس انت مفكرتش في الست الغلبانه إللي تحت و فكرت في التليفون و الشبشب طب هتعمل ايه بالشبشب
ماهر : يعني أمشي حافي
حسام : لأ ازاي تتحرق
ليمسك ماهر بالخداديه و يحدفها بوجه حسام
حسام بألم :ااه بقي كدا يا صحبيه جتك القرف قولي عملت ايه أمبارح
ماهر : الحمدلله قرينا الفتحه و هننزل نجيب الشبكة انهارده و الفرح بعد شهرين
حسام : الف مبروك يا صاحبي .. طب هتعمل ايه في شغلك
ماهر : هقدم على إجازة طبعاً .. إنما قولي مالك
حسام : بصراحة كدا مش لاقي غيرك أقوله ... اصل أمي طلع عندها صديقه من أيام الجامعة فأتقابلنا من فتره و ماما عرفت انها عندها القلب بس في حالة خطر و العملية غاليه اوي و هي مش عايزه تعرف بنتها و انا حاولت اساعدها بس للأسف نسبه النجاح العملية قليل اوي و مش عارف اعمل ايه
ماهر : لا إله إلا الله ربنا يشفيها يارب من عنده
حسام : يارب ... يلا قوم أجهز عشان انا جي معاك و عازم نفسي عندكم علي الغدا
ماهر : ايه البجاحه دي
حسام : تربيتك
ماهر : يا عم انا مش بعرف اربي متسمعش كلامي بعد أذنك
حسام بضحك : حاضر يلا قوم
لينهض ماهر من علي الفراش متوجهاً إلي المرحاض
___________
في غرفه عمر
سناء : عمر عمر
عمر بنعاس : اممم... ايه يا ماما
سناء : ايه يا ماما قوم يا عين أمك مش هتروح الجامعة
عمر : معنديش محاضرات
سناء : طب قوم عشان تفطر
عمر : لأ مش عايز .. انا عايز انام شويه
سناء : على راحتك
لتخرج سناء من غرفته متوجهة إلي المطبخ لإحضار الإفطار
نيره : صباح الخير يا طنط
سناء : صباح النور يا حبيبتي
نيره : أمال فين ماهر
سناء : في الاوضه و معاه حسام صحبه يلا خدي الاطباق دي عشان اروح اندهلهم
نيره : لأ خليكي أنتي انا هندهلهم و بالمره عشان اعتزرله على إللي عملته امبارح
سناء : ماشي يا حبيبتي .. نيره متزعليش دا كل شيء قسمه ونصيب
نيره : عارفه يا طنط ربنا يسعدهم
لتتجه نيره إلي غرفه ماهر و تطرق الباب
ماهر : ادخل
نيره : صباح الخير
حسام و ماهر : صباح النور
نيره : يلا الفطار جهز
ماهر : حاضر نزلين
نيره : ماهر أنا اسفه على إللي عملته أمبارح انا عارفه أن كل شىء قسمه ونصيب و إن احنا كنا صغيرين و ربنا هو إللي عالم باللي متشال احسن لينا
ماهر بابتسامة : و نعمه بالله و انتي هتفضلي اختي يا نيره
نيره : طب يلا بقي
حسام : اه والله لحسن انا بطني بتهوهو مش بتصوصو
ليضحك ماهر : طب يلا يا دكتور
ليذهبوا جميعاً إلي المائده ليتناوله الإفطار
_______________________
في منزل الدسوقي و بالتحديد في غرفه سلمي
حمزه : سلمي يا سلمي يا بنتي قومي بقى
سلمي بنعاس : عاايز ايه سبني
لتفتح دينا باب الغرفة و تقول : هي لسه مصحيتش
حمزه : زي ما انتي شايفه
دينا : سلمي يلا قومي عشان تجهزي
سلمي : أجهز ليه
حمزه : يارب ارحمنا دي واحده عندها زهايمر
دينا : يا بنتي قومي عشان نجيب الشبكة
سلمي بفزع : شبكة .. شبكة شبكتي ينهار أزرق انتم سيبني نايمه دا كله لتفر مسرعاً من الفراش متوجهة إلي المرحاض
حمزه : والله انا مغلطش لما قولت انكم عيله لوكل انا طالع بره اتفرج على Harry potter
دينا : خدني معاك
ليخرجوا من الغرفه و يذهبوا إلي غرفه المعيشه ليجلسوا على الأريكة أمام التلفزيون يشاهدون هذا الفيلم
دينا : ما تقوم تعمل فشار
حمزه : قومي انتي انا بتفرج
دينا : يعني انا بلعب
حمزه : طب خلاص لما يجي إعلان نلعب ملك و كتابه و نشوف مين هيقوم
دينا : اتفقنا
دسوقي : صحيتوا اختكم
حمزه و دينا : اااه
دسوقي : حمير يارب مخلف حمير
دينا : الله يسمحك يا حج
حمزه بتعجب : سلمي انتي لبسه ليه
سلمي : مش هننزل نجيب الشبكة
دسوقي : يابنتي لسه فاضل ساعتين
سلمي : لسه ساعتين ... خلاص هقعد استنى الساعتين دول
دسوقي بقله حيله : لا إله إلا الله حتى يارب البكريه إللي قولت عليها عقله طلع خلفتي كلها عقلها لاسع
ليقطع حديثهم صوت رن جرس الباب
دسوقي : قوم يا حيوان شوف مين
حمزه : هو مافيش غير الداده سعديه في البيت
دينا بضحك : ايمن قولت داده
حمزه : شوفت يا حج أنا ساكت احترام ليك
دسوقي : قوم يا زفت انت عقبال ما تقوم يكون إللي على الباب خلل
حمزه : أحسن دا حتى المخلل الطفسه دينا خلصته ... ما براحه يا إللي على الباب هو احنا قاعدين وراه ثم يفتح الباب
منى : ااااااايه كل دا عشان تفتح
حمزه : لا إله إلا الله ما تعملي إقامتك هنا يا بنتي
منى : حاضر من عنيا فسح كدا الله ... صباح الخير يا عمو
دسوقي : صباح النور يا بنتي
منى : ايه يا سلمي لابسه ليه كدا
سلمي : يعني قولت اللبس عشان منتأخرش
منى : يا بت يا مستعجل انت
سلمي : بت لمى نفسك بابا
دسوقي : بابا انتي خليتي فيها بابا الله يكسفك
ليضحك جميع من في المنزل
____________
في مدرسة ندي
منة : مبروك يا نودي
ندي : الله يبارك فيكي يا قلبي
منة : ندى انا عايزه اقولك حاجه
ندى : ايه قولي
منة : اصل .. اصل كريم معجب بيا
ندي : بجد هو قالك
منة : ايوه امال بخترف .. قالي بعد موضوع القسم بكام يوم لما كنا في الدرس و حضرتكِ مكنتيش موجوده
ندى : و مقولتليش ليه
منة : خفت بقي تفضلي تقولي لأ ما انا عارفه البيست بتعمل ايه
ندى : ماشي يا خفه مردوده و رديتي و قولتي ايه منة : متخفش صحبك جامد قولت له أن إحنا في سنه مهمة و مش وقت الكلام دا و اخدنا قرار أننا نركز في السنه دي و بعد كدا نشوف هنعمل ايه
ندى : طب كويس يلا نمشي بقي عشان الحقهم
منة : يلا
ليذهب كل منهم إلي منزله
_______________
بعد مرور ساعتين
ماهر : يلا يا ماما
حسام بصوت منخفض: بقولك ايه هي نيره هتيجي معانا
ماهر : اه
حسام بداخله : ربنا يسترها و يعدي اليوم على خير
سناء : انا جهزت اهو
ندي و عمر : و احنا كمان يلا بينا
نيره ببرئه : و انا كمان جهزت ممكن اجي معاكم ولا هبقي تقيله
سناء : لأ طبعاً ايه إللي بتقولى دا يلا يا حبيبتي
لتهمس ندي لعمر : سهنه اووي
عمر : عادتها ولا هتشتريها
ندي : على رأيك
حسام : هتفضله تنمنمه على خلق الله كدا كتير يلا
ليذهب ماهر إلي سيارته و تركب معه سناء بجواره و ندي بالاريكة الخلفيه
و في سيارت حسام و بجواره عمر و خلفهم نيره ليتحركوا بالسيارات متواجهين إلي منزل سلمي
___________________
حمزه : يلا يا بابا ماهر وصل تحت
سلمي : يلا يا بابا يا منى يا دينا يلا
دسوقي : يلا يا بنتي فضحتينا
ليخرجوا جميعاً من المنزل و ذهبوا جميعاً إلي محل الصائغ لإحضار الشبكة
__________________
حسام : منى عامله ايه
منى : الحمدلله يا دكتور
حسام : إسمي حسام على فكره طنط عامله ايه
منى : الحمدلله كويسه
حسام : هو انتي تقربي ايه للعروسه
منى : زاي ما تقول كدا صحبتها بس في الحقيقة هي اكتر من صديقه وانت
حسام : نفس الكلام
منى : مممم ماشي
_____________
في الجانب الآخر
عمر : دينا
دينا : ايه يا عمر ناوي تعملي مشاكل مع مين كمان مش كفايه في الجامعة
عمر : مشاكل ليه بس دينا أنا بجد بحبك
دينا : .....
عمر : سكتة ليه
دينا : مش عارفه اقول حاجه
عمر : طب أساعدك ... هل انتي حاسه بنفس الاحساس إللي انا حاسس بيه
دينا : مش هقدر أرد عليك دلوقتي لما افكر هرد عليك
عمر : وانا مستني رد على احر من الجمر
________________
في مكان أخر
سناء : ها يا بنتي ايه رأيك في الخاتم دا
سلمي : حلو
ماهر : سلمي لو مش عجبك قولي
سلمي : بالعكس دا حلو اوي
و في الجانب الآخر أعين تراقبهم بكل حقد
_______________
بعد الانتهاء من تنقيه الشبكة ذهب الجميع إلي منزله
في غرفه سلمي
ماهر : عجبتك الشبكة
سلمي : اووي
ماهر : كلها شهرين و تبقي في بيتي
سلمي : بأذن الله
ماهر : طب ايه مافيش كلمه حلوه
سلمي : تصبح على خير يا ماهر لتغلق الهاتف و تذهب إلي النوم
ماهر : الو الو ... وانتي من أهله
___________________
بعد مرور شهرين و هو يوم الزفاف
في منزل ماهر
لترقع سناء بزغروطه عاليه
ماهر بفزع : ايه يا ماما دا على الصبح
سناء : قوم يا عريس
ماهر : عريس ايه بعد الخضه دي
سناء بضحك : طب يلا قوم
ليقطع حديثهم صوت ندي : مبروك يا أبيه يا عريس يا قمر
ماهر : الله يبارك فيكم ممكن تسبوني انام شويه
ليقطع كلامهم دخول عمر و يقول : انا سمعت نوم نوم مين يا ابو نوم قوم يا حج في حد هيتجوز انهارده
ماهر : حاضر قايم اهو ليقوم من على الفراش ثم يذهب إلي المرحاض ليأخذ حماماً ساخن و بعدها يذهب هو و أخاه عمر إلي صالون الحلاقة في الأسفل
ندي : ماما أنا هتصل ب سلمي عشان نروح البيوتي سنتر
سناء : ماشي يا حبيبتي
لتأخذ ندي الهاتف و تتصل ب سلمي لتجيب : ايوه يا نودي
ندي : ايه يا عروسه يلا اجهزي انتي و منى عشان نروح البيوتي سنتر نجهز
سلمي : حاضر يا حبيبتي
لتغلق معاها المكالمه ثم اتصل ندي بصديقتها منة لتذهب معهم إلي صالون التجميل
______________
مجهول ١ : اسمع إللي بقولك عليه و هتاخد إللي أنت عايزه و زيادة كمان
مجهول ٢ : تمام بس هعرف ازاي إللي مقصود
مجهول ١ : هبعتلك المكان و صوره الشخص و الباقي عليك
مجهول ٢ : مفهوم
________________
بعد مرور من الوقت
حسام : اش اش ايه الحلاوة
عمر : عقبالنا يارب
حسام : يارب يا أخويا
ماهر : بطلوا نق خلو اليوم يعدي على خير
عمر : طب يلا نروح نجيب العروسه
ليذهبوا إلي صالون التجميل لإحضار العروس
دسوقي : ماهر انا عايز اقولك كلمتين
ماهر : اتفضل يا عمي
دسوقي : ماهر ... سلمي بنتي اول فرحتي من ساعت ما ولدتها توفت و هي بقت كل حاجه في البيت الام و الاخت عمرها ما اشتكت شلها في عينك يا أبني و حافظ عليها
ماهر : متقولش كدا يا عمي سلمي في عيني
ندي : يلا يا جماعه ماهر تحت
ليخرجوا جميعاً خارج صالون التجميل
لترقع منى و سناء و دينا بزغاريط عاليه
ماهر : بسم الله مشاء الله ايه الجمال ده
سلمي بخجل : شكراً
حمزه و هو يوجه الكلام ل ندي : هو انتي مش بتزغرطي ليه
ندي : ايه الإحراج دا مش بعرف
حمزه : فاشل يا حازم
ليتحركوا إلي السيارات المزينة بالازهار و يذهبوا إلي قاعه الفرح
_______________
بعد عده ساعات
يفتح ماهر باب السياره ثم تخرج منها سلمي لتقول : شكراً
ليدخل الجميع إلي القاعه و تملأ المكان بصوت الموسيقى
حيث بدأت سلمي بالمشي البطئ بينما يمسك بيديها ماهر و يدخلان على اغنية ( طلي بالابيض )
بعد دخولهم بدأو في الرقص السولو بمفردهم
حيث كانت تضع سلمي يداها على كتفين ماهر و يضع ماهر يداه على خصرها و يقول : بعد ساعات هيجي المأذون و نسمع الكلمه اللي نفسي اسمعها من يوم ما شوفتك
سلمي : خلاص بقي يا ماهر متكسفنيش
بعد قليل من الوقت جاء الشيخ ( المأذون ) لإتمام مراسم الزواج
الشيخ : بارك الله لكما وبارك عليكما وجمع بينكما في خير
و تعالت هنا أصوات الزغاريط المحمله ب الفرح
ليضم ماهر سلمي إلي أحضانه و يقول : أخيراً يا سلمي أخيراً انا كنت مستني اليوم دا بفارغ الصبر كنت مستني اليوم إللي تبقي فيه حلالي بحبك يا سلمي
سلمي بكسوف : و .. وانا كمان
ماهر بمكر : و انتي ايه
سلمي : بحبك
ماهر : يا لهوي دي طلعت حلوه حلاوه
لتضحك سلمي وبعدها أقاموا الجميع باالرقص (السولو)
ولكن ليت الفرح يدوم
حيث يصدر اصوات الصراخ التي تملئ المكان .......
🔥🔥🔥🔥🔥🔥🔥🔥
حبيت اشعلالها شويه 😁
تفتكروا ايه إللي حصل ياريت تقولوا في التعليقات
بقلمي
ندا محمد ✨
قدرة تعبي يا جماعة ياريت تتفاعلوا فرحوني 💙💐
