عمر : بص يا سيدي في رحلة طالعه دهب يومين
ليقاطعه مازن : وأنت اي إللي يأكدلك أنهم هيطلعوا
عمر بأستهزاء : أنا كملت كلامي
مازن : لاء
عمر : طب ممكن أكمل
مازن : أتفضل
عمر : هيطلعوا
مازن : اي إللي مأكدلك
عمر : تراهن
مازن : أراهن بس على اي
عمر : لما يجي وقتها
مازن : اتفقنا
_______________
على صعيد أخر
فرح : دينا دينا دينا
دينا : اااااااااايه أنا قاعده جنبك أهو
فرح : طب خلاص وحدي الله
دينا : لا إله إلا الله خير
فرح : في رحلة طالعه دهب يومين ايه رأيك
دينا : أنا نفسي أطلعها بس بابا
فرح : أقنعي دا يومين يا دينا نخرج من ملل المذاكره دا
دينا : على رأيك هحاول
فرح بحماس : اشطااا
________________
في المدرسة و بالتحديد في مدرسة حمزه
كريم: حمزه
حمزه : نعم
كريم: درس الفيزياء هيبدأ بكره هتيجي ولا اي
حمزه : إن شاء الله يا كريم
كريم : تمام نروح سوا بقي
حمزه : خلاص تمام هو الساعه كام صح
كريم : الساعه ٢ونص
حمزه : على الله
ليذهب إلى المنزل
______________
في السعوديه و بالتحديد في الشركة
زياد : ماهر أنت بتعمل اي هنا
ماهر : في ايه يا عم جاي أشوفك
زياد : لاء فيك الخير
ماهر : بتتريق طب أمشي
زياد : لاء لاء تمشي ايه خليك تشرب اي
ماهر : قهوه
ليطلب زياد فنجان قهوة
زياد : ماهر
ماهر : نعم
زياد : مجيتك لي هنا مش طبيعيه في ايه
ماهر : يا دي النيله يا أبني جاي أشوفك
ليقاطعهم خبط الباب
زياد : أدخل
سلمي : أستاذ زياد في مشكله في الكمبيوتر ومش عارفه اتعامل معاها
ماهر : هو أنا شفاف ولا ايه
سلمي : أهلاً بحضرتك بعد اذنكم لتذهب سلمي إلي مكتبها
ماهر بداخله : ايه الإحراج دا
زياد بنظره خبيثه : قولتلي بقي جاي عشاني .
___________________
سلمي بتعب : يارب بقي يصلحوا الجهاز دا عايزه أخلص عشان أروح
ماجد : سلمي مهندس الكمبيوتر وصل أتفضل يا بشمهندس
سلمي : ماشي ثم تقوم من مكتبها لتشعر بدوار
ماجد : سلمي انتي كويسه
سلمي : اه كويس... ثم فقدت وعيها
ماجد : ساميه نادي للأستاذ زياد بسرعه
لتذهب ساميه إلي مكتب زياد لتطرق الباب
زياد : أدخل
ساميه : استاذ زياد سلمي أغمى عليها
ماهر : ايه
ليخرجوا مسرعاً إلى مكتب سلمي
ماهر : إحنا لازم نروح لي أقرب مستشفى
ليحملها ماهر ويذهب بها إلي أقرب مستشفى
____________________
بعد مرور عدة دقائق ليخرج الدكتور
ماهر بقلق : في ايه مالها يا دكتور
دكتور : مافيش داعي للقلق شويه إرهاق بس
ماهر و زياد : الحمدلله
دكتور : إحنا معلقين ليها محاليل أول ما تخلص تروح بس أهم حاجة أنها تأكل كويس وما تتغطش على نفسها
_____________
بعد مرور ساعات لتخرج سلمي من المشفى
سلمي : انا متشكره جداً واسفه تعبتكم معايا
ماهر : ولا تعب ولا حاجه اهم حاجه انكِ كويسه
سلمي : متشكره
زياد : سلمي روحي دلوقتي أنتي محتاجه راحه ومتجيش بكره
سلمي : لاء أنا هبقي كويسه إن شاء الله بس مش هاخد أجازه
زياد : إللي تحبي
ماهر : يلا عشان أوصلك
_______________
بعد مرور ساعتين لتصل سياره ماهر إلي الفندق
سلمي : أنا عارفه إني تعبتك معايا
ماهر : ولا تعب ولا حاجه أهم حاجه سلامتك
سلمي : متشكره لتنزل من السياره
ماهر بقلق : أنتي كويسه
سلمي : الحمدلله احسن أنا هطلع أنام شويه
ماهر : يستحسن
لتصعد سلمي إلي غرفتها لتذهب إلي النوم
________________
في المساء با لتحديد منزل الألفي
ندي : ماما
سناء : نعم يا ندي
ندي : الدرس إللي قولتلك عليه هيبداء
سناء : طيب يا حبيبتي روحي
ندي : هو بكره
سناء : ماشي يا ماما روحي
ندي : ماشي تصبحي على خير
سناء : وأنتي من اهل الخير
_____________
بعد دقائق
ليدخل عمر المنزل
سناء : ايه إللي أخرك يا عمر
عمر : معلش يا ماما كنت مع مازن
سناء : طب ما قولتليش ليه كدا تسبني قلقانه
عمر : أنا أسف يا ست الكل ليقبل يداها
سناء : ماشي يا عمر
عمر : اه صحيح يا ماما في حاجه عايز اقولها
سناء : قول
عمر : في رحلة طالعه دهب يومين
سناء : عايز تروح يعني
عمر : ممكن يا ست الكل
سناء : بس بشرط
عمر : أمري يا قلبي
سناء : تخلي بالك من نفسك
عمر : حاضر يا حبيبتي أنا طالع انام
سناء : تصبح على خير
عمر : وأنتي من اهل الخير
ليذهب عمر إلي غرفته
سناء بالأسفل : طب أنا اعمل ايه دلوقتي انام ولا أقعد اتفرج على التلفزيون ؟ أقعد أحسن اتفرج على حب لللإيحار أشوف عمر هيعمل اي مع ديما
________________
في السعوديه و بالتحديد غرفه ماهر
ماهر : ياتره هي عامله ايه دلوقتي
العقل : في ايه يا ماهر أنت اول مره تبقي كدا
القلب : أيوه فعلا بس خطفتني من أول نظره
ماهر : طب أروح أشوفها
العقل : أنت مجنون الوقت أتأخر وكمان ليه
ماهر : أطمن عليها يا أخي
العقل : وأنت مالك
القلب : أنت إللي مالك
ماهر : بس الصباح رباح ليذهب إلى النوم
_____________
في غرفه سلمي
استيقظ سلمي من نومها المتعب قامت بغسل وجهها بالماء
سلمي : أنا مكلمتش بابا أنهارده هتلاقي مدايق
لتأخذ الهاتف الخاص بها لتقوم بالاتصال بوالدها
____________
في منزل الدسوقي
ليرن هاتف دسوقي ليجيب : السلام عليكم
سلمي : وعليكم السلام يا حبيبي
دسوقي بأشتياق : وحشاني اوي يا سلمي
سلمي بحزن : وأنت كمان يا بابا
دسوقي : مالك يا سلمي
سلمي : مافيش يا حبيبي بس انت وحشني وأخواتي كمان
دسوقي : متأكدة يا بنتي
سلمي : لو في حاجه هقولك يا حبيبي
دسوقي :طب هتيجي أمتي يا سلمي
سلمي : قريب يا حبيبي هانت ناقص شويه حاجات بسيطه
دسوقي : تيجي بسلامه يا قلب أبوكي
سلمي : أنا قولت أكلمك قبل ما انام
دسوقي : ماشي يا حبيبتي تصبحي على خير
سلمي : وأنت من أهل الخير يا قلب حبيبتك
لتغلق سلمي المكالمه وتذهب إلى النوم
دسوقي : ربنا يطمن قلبي عليكي يا بنتي
ليقوم بقصاء ركعتين لله ثم يذهب إلي النوم .
___________________
في اليوم التالي و بالتحديد في السعوديه
استيقظ ماهر من نومه ارتدي ثيابه
ماهر و هو ينظر إلى المرأة : أنا لازم أكلمها
القلب : صح لازم تكلمها وتقولها إللي حاسس بيه
العقل : نينيني أعمل إللي أنت عايزه بس متجيش تندم
القلب : يعني أنت مش مرتاح ليها
العقل : ....
القلب : سكت يعني
العقل : بس هي مش شبهي
القلب : جربت تفهمها
العقل : لأ
القلب : سمعنا سكاتك بقي
ماهر : صح انا عمري ما هعرف هي شبهي ولا لاء غير لمي أقرب منها ليخرج من الغرفه
ماهر : سلمي صباح الخير
سلمي : صباح النور
ماهر : عامله ايه دلوقتي
سلمي : الحمدلله أحسن من امبارح
ماهر : طب الحمدلله
سلمي بأبتسامه : بعد اذنك
ماهر : سلمي ممكن أطلب منك طلب
سلمي بتعجب : مني أنا خير
ماهر : تقبلي نتعشا سوا انهارده
سلمي : انا اس..
ليقاطع كلامها ماهر : أنا مش محتاج رد دلوقتي فكري وجاوبي عليا ليعطيها رقم التليفون الخاص به
سلمي : بعد أذنك لتذهب إلي الشركة
ماهر : يارب توافق .
🌹🌹🌹🌹🌹🌹🌹
بقلمي
ندا محمد✨
كل عام وأنتم بخير و إن شاء الله تبقي سنه مليئه بالخير و السعادة و تحقيق الأمنيات ❤️🎄
