دينا بصدمه : ايه
عمر : بحبك
و بدون كلمه أخري ذهب دينا خارج الجامعة وخلفها فرح
مازن : عجبك الفضايح اللي عملتها دي يا أستاذ فضحتنا يلا نمشي عشان شكلنا بقي وحش اوي
ليرفع عمر كتفيه لأعلي ببرائه : هو انا عاملت
مازن : لاء خالص شرتنا بس يلا يا عم يلا
____________
فرح : مالك يا دينا
دينا : مالي يعني عجبك إللي هو عمله دا دا فضحني
فرح : لاء طبعاً مش عجبني بس هو أكيد عمل كدا عشان شافك واقفه مع عدنان
دينا بعصبيه : و ايه يعني واحده و واقفه مع زميله يعني هو مش بيقف مع صحابه و كمان هو شافني واقفه معاه فين دا في وسط الجامعه
فرح : طب أهدي يا دينا حصل خير
دينا : خير ايه بقي انا مش عارفه هروح الجامعه ازاي بسبب اللي حصل دا
فرح : متزعليش يا دينا يلا عشان تروحي
ليذهب كل منهم إلي منزله
___________
سلمي : ايه دا اول مره تيجي بدري كدا
دينا : خلصت محاضرات بدري
سلمي : طب كويس يلا تعاليِ روقي معايا
دينا : ليه
سلمي : هو ايه اللي ليه يا معفنه نروق عادي
دينا : و هنروق بكره عشان ابو نسب إللي جاي بكره
سلمي : طبعاً ليكي حق تقولي كدا ما الهانم مش بتشيل قشه في البيت
دينا : خلاص خلاص هغير هدومي و أجيلك و كمان عشان تحكيلي عرفتوا بعض ازاي
سلمي : يلا يا مصلحجيه
دينا : هو فين بابا و حمزه
سلمي : راح يقعد مع عمو عبده شويه و حمزه شويه و هيجي من المدرسه
دينا: ماشي
ثم تذهب إلي غرفته لتبديل الملابس بملابس البيت ثم تخرج لتساعد سلمي في ترتيب المنزل .
___________
كريم : مالك يا حمزه
حمزه : ما فيش مصدع شويه
كريم : طب أجبلك مسكن
حمزه : لأ شويه و هنروح
ليرن جرس المدرسه لانتهاء اليوم الدراسي
كريم : الحمدلله الجرس ضرب يلا نروح
حمزه : يلا
كريم : بقولك ايه هتيجي الدرس بكره
حمزه : لأ عشان بكره في عريس جي لسلمي أختي
كريم : ربنا يتمم لها على خير
حمزه : يارب
_____________
في منزل منى
يرن هاتف منى لتجيب: ايه يا زفته
سلمي : عندي ليكي خبر
منى : ايه
سلمي : ماهر جي بكره
منى : بجد ازاي
لتقص عليها سلمي ما حدث
منى : بقي كدا دا كله يحصل و متقوليش
سلمي : ماانا بقولك اهو
منى : ماشي ماشي لمي اشوفك بكره يا عروسه
سلمي : عارفه لو اتاخرتي هنفخك
منى : انا من صباحيه ربنا هتلاقيني عندك
سلمي : لمي نشوف هتروحي الشركه
منى : كنت عايزه اخد اجازه بس هروح عشان ابقي معاكي بكره يا جميل
سلمي : ماشي يا چيمي سلام
لتنهي سلمي المكالمه
منى : ماما ماما
سهير : في ايه يا منى
منى : أنا رايحه الشركه
سهير : مش قولتي هتخدي اجازه
منى : اصل سلمي جيلها بكره عريس فلازم ابقي معاها
سهير : ربنا يتمم لها على خير و يفرحني بيكي يا بنتي
منى : انا مش هسيبك يا قمر انت يلا سلام لتذهب منى إلي عمليها
سهير بألم : ربنا يطمني عليكي يا بنتي ااااه لاء أنا لازم اروح لدكتور أكيد الاشعه ظهرت ربنا يسترها
لترتدي ملابسها و تذهب إلي العيادة
_____________
في العيادة
سهير : خير يا دكتور
دكتور : كان نفسي اطمنك يا حجه بس للأسف الاشعه مش مطمنه القلب في حاله خطر و لازم عماليه
سهير : عمليه طب دي تكلف كام
دكتور : يعني في حدود ١٢٠ الف بس هنحاول نقلل شويه في المبلغ بس لازم في أسرع وقت كل يوم بيفوت القلب بيضعف اكتر
سهير : طب نسبه النجاح العمليه كان في الميه
دكتور : هو النجاح ضعيف بس احنا هنعمل ما في جهدنا
سهير : لله الأمر من قبل و من بعد بعد اذنك
دكتور : اتفضلي
لتخرج سهير من المكان و تذهب إلي المنزل و تبدل ملابسها و ترتدي العباءة المخصصة للصلاة و تصلي ركعتين لله لتدعي ربها في السجود ببكاء و تقول : اللهم اغفر لي ذنبي كله دقه و جله و أوله و اخره و علانيته و سره يارب يارب انت إللي عالم انا مش عايزه حاجه من الدنيا دي غير رضاك عني و ترزق منى بنتي بزوج صالح يارب اللهم صل وسلم وبارك على سيدنا محمد
لتنهي صلاتها و تجلس على الأريكة و تمسك الهاتف الخاص بها وتتصل بمنيره
______________
منيره : الو
سهير : ازيك يا منيره
منيره : سهير عامله ايه يا حبيبتي
سهير : الحمدلله نحمد ربنا
منيره : مال صوتك يا سهير
لتقص عليها سهير ما حدث
منيره بصدمه : لا إله إلا الله طب أهدي يا حبيبتي أنا هقول لحسام اكيد عارف دكاتره كويسين
سهير : لاء يا منيره اوعيِ تقولي لحد انا مش عايزه اعرف حد
منيره : يعني ايه يا سهير مش هتقولي لبنتك
سهير : دي تروح فيها يا منيره انا بس عايزه اطلب منك طلب
منيره : اؤمري يا حبيبتي
سهير : عيزاكي تخلي بالك من منى لو جرالي حاجه ملهاش حد يا منيره عمليها زي بنتك
منيره و الدموع تملئ عينيها : متقوليش كدا يا سهير هتبقي كويسه و هتفرحي بيها و هتربي عيالها كمان
سهير بابتسامة : إن شاء الله اسيبك انا اكيد مشغوله
لتغلق سهير المكالمه
منيره ببكاء : يا حبيبتي يا سهير يارب اشفيها
حسام بهرع : مالك يا ماما في ايه
منيره : طنطك سهير
حسام : مالها
لتقص عليها ما حدث لسهير
حسام بحزن : لا إله إلا الله يا ماما الطب كل يوم بيطور اكيد في حل انا هاخد الأشعة و هودي لدكتور زميلي
منيره : يارب يا أبني
حسام : أنتي عارف عنوانها
منيره : اه هي سكنه في ....
حسام : خلاص دا في طريقي هروح اخد منها الأشعة و خير إن شاء الله عايزه حاجه
منيره : خلي بالك من نفسك
حسام : عيوني
ليذهب إلي عنوان منزل سهير
___________
في منزل سهير يرن جرس الباب
لتفتح سهير الباب : حسام
حسام : ازيك يا طنط
سهير : خير يا حسام
حسام : طب ادخل
سهير : اعذرني يا أبني اتفضل
ليدخل حسام و يجلس على الأريكة : ماما حكتلي على كل حاجه متقلقيش انا بس طالب من حضرتك تديني الاشعة و انا هعرضها على دكتور كويس
سهير : هتعبك معايا يا أبني
حسام : ولا تعب ولا حاجه إن شاء الله تقومي لينا بالف سلامة
لتعطي سهير الأشعة : بس انا مش عايزه
ليقاطعه حسام : عارف منى مش هتعرف
ليقطع كلامهم دخول منى : دكتور حسام بتعمل ايه هنا
سهير : عيب كدا يا منى
حسام : عادي يا طنط
منى : انتي تعبانه يا ماما
حسام : هو كل اللي بيدخل عندكم يبقي في حد عيان في ايه ياماا بطمن على طنط
سهير : معلش يا أبني اصل منى بتقلق عليا اوي
حسام : عادي ولا يهمك ربنا يخليهالك
منى : طب ايه رايكم نشرب منجاه
حسام : لأ شكراً
منى : يبقي تفاح بعد اذنكم لتذهب إلي المطبخ
حسام : طنط هي بنتك مجنونه
لتضحك سهير على ما يقوله حسام : أصلها مش بتحب يكون حد عندنا و ميشربش ولا يأكل حاجه
حسام : هو احنا فينا من الاكل لا أنا اخلع
منى : رايح فين يا دكتور دا احنا هنروقوق خد العصير
حسام : انتي مالك اتحولتي لريا و سكينه ليه حاضر هشرب
ليضحكوا جميعاً و بعد مرور نصف ساعة ذهب حسام إلي المشفي و معه الأشعة
حسام : هاا يا احمد
احمد : مافيش حل غير العملية بأسرع وقت يا حسام كل يوم القلب بيسوء
حسام :مافيش حل تاني
احمد : للأسف مافيش
حسام : طب نجاح العملية كام في الميه
احمد : النجاح ضعيف يا حسام
حسام : ربنا يستر
_______________
في اليوم التالي في منزل الألفي
سناء : صباح الخير يا عريس
ماهر : صباح الفل يا سوسو
ندي : المفروض يا أبيه تكون اول واحد صاحي مش اخر واحد يصحي في البيت
ماهر : بس يا لمضه
سناء : طب يلا قوم عشان تفطر و كمان عشان نجهز نفسنا المعاد الساعه ٧ يلا
ماهر : حاضر يا ست الناس ادعيلي
سناء : بدعيلك دايما يا حبيبي
لينهض ماهر من على الفراش و يذهب إلى المرحاض
ثم يرن جرس الباب و تذهب ندي لتفتح للطارق : أنتي
نيره : ايه انتي دي يا ندي مش تقولي اتفضلي
سناء : مين يا ندي
نيره : دا انا يا طنط
سناء : نيره اتفضلي يا حبيبتي ايه المفاجأة دي
نيره : جميله صح
ندي بسخرية : اه حلوه اوي
سناء : طبعاً يا نيره
ليقطع كلامهم عمر : صباح الخير
الجميع : صباح النور
عمر : ايه دا نيره هانم هنا فين طنط سلوي
نيره : انت عارف بقي مش بتحب تسيب القاهرة خالص
عمر بداخله : طبعاً عشان تعرف تنمنم على خلق الله
لينزل ماهر إلي الأسفل : ازيك يا نيره
نيره بدلع : الحمدلله يا ماهر و حشني اوي قصدي كلكم و حشني اوي
ماهر بجديه : الحمدلله ماما أنا هروح عند الحلاق يلا يا عمر
سناء: مش هتفطر
ماهر : هفطر بره يلا يا عمر
عمر : حاضر ...ليهمس عمر في أذن ندي ونبي خلي اليوم يعدي على خير لما نيجي نبقي نعمل خطه ٢٨
ندي بحماس : اشطا يا صاحبي
ماهر بصوت مرتفع : يلا يا عمررر
ليفر عمر خارج المنزل
سناء : تعالي يا نيره نقعد بدل ما احنا واقفين كدا
ليذهبوا و يجلسوا في غرفه المعيشه
ندي : ماما أنا هذاكر كلمتين و أجهز اللبس قبل المعاد
سناء : ماشي
نيره : معاد ايه
سناء : عقبالك يا حبيبتي انهارده رايحين مع ماهر نتقدم لبنت قمر اسمها سلمي
نيره بعصبيه : ماهر ماهر هيتجوز ازاي وانا
سناء : أهدي يا نيره كل شىء قسمه ونصيب إن شاء الله ربنا يرزقك بحد احسن
نيره : حد احسن ماشي
سناء : متزعليش نفسك يا بنتي
نيره بابتسامه خبيثه : هو أنا ممكن اجي معاكم
سناء : اكيد طبعاً أنا هروح المطبخ أحضر الغدا
لتذهب سناء إلي المطبخ
نيره بحقد: لمي نشوف بقي مين السنيورة إللي هتخدها يا ماهر و تسبني انا
_____________
في منزل الدسوقي
سلمي : يلا يا دينا اتلحلحي شويه بقي عايزين نلحق نخلص
دينا بتعب : أطير يعني يا سولوم ما أنا بعمل اهو أنتي شيفاني فرافيرو
حمزه : ايه دا العروسه نفسها بتروق
سلمي : تعالىَ روق معانا
حمزه : انا مالي يا لمبي ماليش في الشغل دا
دسوقي : ايوه صح حمزه مالوش في شغل البيت
حمزه : حبيبي يا حج دايماً نصرني
دسوقي : تعالىَ معايا نحضر الغدا
حمزه : ليه يا حج مش بتكمل لحد الاخر مطبخ ايه انا مش بعرف اقلي بيضه
دسوقي : بطل غلبا تعالىَ ليأخذه و يذهب به إلي المطبخ
حمزه : يا حج براحه انت بتجرجرني زي الخروف لييه
_____________
بعد مرور عده ساعات و اصبحت الساعه السادسه مساء
في منزل الألفي
ليرتدي ماهر بدله سوداء اللون و حزاء أسود اللون و يضع العطر المفضل له ثم ينزل الي الأسفل
ندي : اش اش اش ايه الجمال دا يا بختك يااللي في بالي
عمر بتصفير عالي : ايه يا چيمي الجمال دا
ماهر : طالع زي الملكه إللي جايه هناك دي
سناء : ربنا يحميك من العين يا حبيبي
نيره : انا جحزت
عمر باستغراب : جهزتي
نيره : مالك مستغرب ليه انا جايه ماكم لازم اشوف اختيار ماهر
ماهر : هو انتي جايه تقيميها ولا ايه يا نيره
نيره ببرائه : لاء طبعاً يا ماهر مش قصدي
ماهر بحده : ولا قصدك ولا مش قصدك يلا عشان منتأخرش
ليذهبوا جميعاً خارج المنزل ليفتح ماهر باب السياره لسناء ثم يجلس بجوارها و بالخلف عمر و ندي و نيره ليحرك ماهر السياره متجهين إلى منزل سلمي .
___________
دينا : يلا يا بابا زمانهم على وصول
دسوقي : انا خلصت اختك جهزت
دينا : هدخل أشوفها
لتذهب دينا إلي غرفه اختها وترها مثل الملاك ترتدي فستان رقيق سماوي اللون و شعرها المفرود بضفائر بسيطه
سلمي : ايه رأيك
دينا : ايه الجمال دا قمر
ليسمعوا جرس الباب
دينا : اكيد جم
سلمي : هتلاقيها منى
لتذهب دينا لفتح الباب
منى : فين العروسه
دينا : جوا دي هتنفخك
منى : ربنا يستر لتذهب إليها
سلمي : ما لسه بدري
منى : كنت بجهز الله بس ايه الحلاوه والطعامه دي
سلمي : بجد
ليقطع كلامهم دخول حمزه و دسوقي
دسوقي : ايه الجمال دا بسم الله مشاء الله
حمزه : هي فين اختي اكيد البريئه دي مش سلمي
سلمي : بس يا حيوان
حمزه : انا كدا أتأكد بس ايه الجمال دا
ليقطع كلامهم رن جرس الباب
سلمي : حمزه افتح الباب بسرعه
حمزه : حاضر حاضر براحه
ليذهب و يفتح الباب للضيوف
حمزه : اتفضلوا
سناء : شكراً يا أبني
دسوقي : اهلاً و سهلاً نورتونا
سناء : البيت منور بأهله يا حج
ماهر : أهلاً بحضرتكِ يا عمي
دسوقي : اتفضل يا أبني و أقف ليه
عمر بسخرية : عليه طار
ماهر بهمس : اصبر عليا
ليضحك دسوقي : انت اسمك ايه بقي
عمر : اسمي عمر يا عمو
لتثبت دينا مكانها عندما سمعت صوته : دا بجد هو هو بيعمل ايه هنا ده
منى : انتي واقفه هنا بتعملي ايه
دينا : ها مافيش
ندي : اومال فين العروسه
دسوقي : حمزه قوم نادي أختك
ليذهب حمزه إلي غرفه سلمي
سلمي : شفت ماهر
حمزه : يعني العريس مش هيجي و هيجيب علته دا قمر يا بت بتعرفي تقعي واقفه
سلمي : احترم نفسك
حمزه : طب يلا بابا عايزك
منى : تعالىِ نروح المطبخ الاول نحضر العصير و تطلعي بيهم
ليخرجوا جميعاً من الغرفه ليجدوا دينا و اقفه هناك
حمزه : هي دينا واقفه كدا ليه
منى : مش عارفه
حمزه : دينا دينا
دينا : ايه يا حمزه
حمزه : مش هتسلمي على الضيوف
دينا : ايه اه اه حاضر
لتذهب إلي الخارج
دينا : السلام عليكم
الجميع : وعليكم السلام ورحمه الله وبركاته
عمر بصدمة و بهمس : دينا
دسوقي : دينا بنتي
سناء : ربنا يحميها من العين ويبارك فيها
نيره : اومال فين العروسه هي مش عايزه تشوفنا ولا ايه
دسوقي : لأ طبعاً
ليقطع كلامهم زغروطه منى بينما تدخل سلمي و معها المشروبات
سناء : بسم الله مشاء الله ايه الجمال دا
سلمي : شكراً يا طنط اتفضلي
لتأخذ سناء كوب العصير و تبدأ سلمي في توزيع المشروبات
نيره باستحقار: شكراً مش بشرب عصير
سلمي بابتسامة : تحبي اجبلك حاجه تانيه
لتدير نيره بوجهها : شكراً
سناء : تعالي تعاليِ يا سلمي اقعدي جنبي
ماهر : عمي انا يشرفني اني اناسب حضرتك و اطلب أيد بنتك سلمي
دسوقي : احنا إللي لينا الشرف يا ابني
نيره بداخلها : طبعاً ما بنتك و اقعه و اقفه بس مش هطول بقي يسبني انا و يخدك انتي ماشي
سناء : طب ايه نقرأ الفاتحة
دسوقي : مش نتفق الاول
سناء : الشقه جاهزه ناقص فيها العروسه القمر دي
دسوقي : ايوه انا بجهز سلمي و دينا من صغرهم بس احنا نقص لينا حاجات بسيطه في التجهيز
ماهر : طب حلو وانا مش عايز حضرتك تشيل فوق طاقتك
دسوقي : لو مش انا اللي هيجهز البكريه اومال مين اللي هيجهزها
سناء : ربنا يخليك ليهم يا حج يعني شهرين ينفعوا
دسوقي بصدمه : شهرين مش قليل
ماهر : الشقه ناقص فيها حاجات بسيطه اوي يعني هنلحق
دسوقي : على بركه الله
سناء : نقرأ الفاتحة
دسوقي : نقرأ
ليرفع جميع الموجودين يديه و يبدأو في قرأ سورة الفاتحة ماعده نيره
ليملئ المكان بصوت الزغاريط
سناء : ايه رايكم نجيب الشبكه بكره
دسوقي : معنديش مانع
سناء : الف مبروك يا بنتي
سلمي : الله يبارك فيكي
ليهمس ماهر ل سلمي : الف مبروك
سلمي بخجل : الله يبارك فيك
ليبارك جميع من في المكان لهم
💃💃💃💃💃💃💃💃😹
بقلمي
Nada Mohamed 🔥
اتمنى تكون الرواية نالت اعجابكم
و اتمنى تدعموني بصوت و تعليق ❤️🌺
