ماهر : الو
ندي : الحقني يا أبيه انا في القسم
ماهر بصدمه : ايه قسم أيه
ندي : قسم ....
ماهر : أنا جيلك حالاً
سلمي : في ايه يا أدهم
ليخرج ماهر من المطعم و يستقل السياره
لتذهب سلمي مسرعاً إلى الخارج : طب أستنيَ أنا جايه معاك
لتركب السياره ثم يتحرك ماهر ويذهب مسرعاً إلي القسم
العسكري : مين حضرتك
ماهر : انا
تغمغم سلمي مسرعاً : أحنا أخوات ندي الألفي إللي جوا
العسكري : طب ثواني ثم يدخل إلي مكتب الظابط للاستأذان بدخولهم
ماهر بتعجب : هو أنتي ليه قولتي أنكِ تبقي أخت ندي
سلمي : عشان أدخل معاك ندي أكيد في موقف محتاجه حد جنبها يطمنها
العسكري : أتفضلوا
ليدخل ماهر و ورائه سلمي
سلمي بصدمه : حمزه أنت بتعمل ايه هنا وايه إللي عمل فيك كدا
حمزه بدهشة : أنتي ايه اللي عرفكِ إني هنا
الظابط : حضرتكِ مين
سلمي : انا أخته
ماهر : ممكن اعرف أخواتنا بيعملوا ايه هنا
الظابط : خناقه
سلمي و ماهر : خناقه
ليقص عليهم الظابط ما حدث
استنوا استنوا رايحين فين تعالوا أقول لكم انتم كمان ايه السبب
Flash back
بعد إنتهاء الحصه غادرت ندي ومنة المركز وذهبوا إلي منزلهم و في منتصف الطريق
يونس : رايحين فين
ندي : وأنت مالك
يونس : طب ليه كدا يا قطه
منة : أنت عايز ايه
يونس : كل خير أيه رأيكم أوصلكم
ندي ومنة في نفس واحد : متشكرين
منة : يلا يا ندي
ليتحركوا ثم توقفهم يد يونس وتمسك بيد ندي
ندي بعصبيه : انت اتجننت ازاي تمسك أيدي اوعي
منة بصوت مرتفع : سيب ادايها
يونس بضحك : و لو مسبتهاش هتعملوا ايه يعني
ليقاطعهم دخول حمزه و كريم
حمزه : ايه يا شبح ما تسيب أيد البنت
يونس : وأنت مالك يلا يا بابا أتكل على الله
حمزه : لاء بابا في البيت في الشغل حاجه متخصنيش يا حيلتها سيب أيد البت يلا
ليترك يونس يد ندي : أديني سبتها بس أكيد ماما أحلي صح
ليظهر ملامح الغضب على وجه حمزه وبدون اي مقدمات
ليجد يونس لكمة قد أستقرت في وجه.
ثم يرد له يونس الصاع صاعين ليجتمع جميع من في المكان ويذهبون إلي أقرب قسم .
back
ماهر : طب يا فندم دول كانوا بيدافعه عن أختي
ندي : يا فندم الشاب دا على طول بيدايقني انا و صحبتي
الظابط : طب خلاص أحنا نعمل محضر صلح و عدم تعرض
يونس : بس انا مش هسيب حقي و مش همضي على التصالح
الظابط : خلاص يبقي تنزلوا الحجز
يونس بصدمه : حجز طب دا انا إللي مضروب
الظابط : و متنساش أنك أتعديت عليها و أعتديت على زميلك بألفاظ خارجة يعني الدوبل هااا قولت ايه تمضي ولا تنزل
يونس : لاء أمضي
ليمضي يونس و حمزه على المحضر
الظابط : أحب أقول لك أن لو فكرت تدايقها تاني هيبقي في تصرف تاني أنت ماضي على عدم تعرض فاهم اتفضلوا
يونس وهو ينظر إلى حمزه بتوعد : فاهم
ليخرجوا جميعاً خارج القسم
ماهر : انا عايز افهم طلما الزفت دا كان بيدايقك ليه مقولتليش أو قولتي لماما و عمر
منة : مكناش فاكرين أنها هتوصل للدرجه دي
سلمي : كان ممكن يا حمزه تتصرف من غير ضرب من أمتي يا حمزه بتتصرف كدا
حمزه بعصبيه : كنتي عايزاني اعمل ايه وهو بيجيب سيره أمي يا سلمي أطبطب عليه وبدون كلمة اخر يذهب مسرعاً
لتلحق به سلمي بخطوات سريعة وتمسك بيده: استنيَ يا حمزه رايح فين
ليبعد حمزه أيديها الذي تمسك بيده و يقول : اوعىِ يا سلمي ثم يذهب مسرعاً
ماهر : سبيه يا سلمي لوحده شويه
سلمي ببكاء : انا خايفه عليه اوي
كريم : متخافيش انا هبقي معاه
ثم يلحق بيه كريم
ماهر : يلا يا سلمي عشان أروحك و عشان اروح منة كمان هتلاقي اهلك قلقانين عليكي
_______________
في منزل الألفي
سناء : كنتي فين يا ندي
ماهر : ماما بعد اذنك ندي أطلعي خدي شاور و نامي
ندي : حاضر تصبحوا على خير
سناء : في ايه يا ماهر
ماهر : أهدي يا ماما
ليقص عليها ما حدث
سناء : يا حبيبتي يا بنتي كل دا حصل طب ازاي ما تقوليش على الواد قليل الربايه دا
ماهر : أحنا عاملنا محضر عدم تعرض و لو فكر بس يجي جنبها والله ما هحله
سناء : ربنا يخليك لينا يا ماهر يارب
ماهر : ممكن تحضرلي العشا عشان معرفتش أكل
سناء : حاضر يا قلب أمك
لتذهب سناء إلي المطبخ لإحضار الطعام
ماهر في الخارج يحاول الاتصال بسلمي
سلمي ببكاء : الو
ماهر : ايه يا سلمي حاولت اتصل بيكي أكتر من مره مش بتردي ليه في ايه يا سلمي بتعيطي ليه
سلمي : حمزه يا ماهر لسه مجاش لحد دلوقتي
ماهر : متخافيش يا سلمي هيروح فين هيرجع بس هو محتاج يقعد لوحده
لتسمع سلمي صوت المفتاح : ماهر شكله جيه
ماهر : طب سلام
ليغلق ماهر المكالمه
____________
دسوقي : كنت فين يا حمزه
حمزه بصوت مبحوح : ممكن يا بابا نتكلم بكره الصبح انا تعبان ثم يذهب إلي غرفته
سلمي : ممكن ادخل
لينظر لها حمزه : ما انتي داخلتي
سلمي : كنت فين يا حمزه
حمزه : عندها
سلمي بأستغراب : عند مين يا حمزه
حمزه و الدموع تملئ عيناه : عند ماما بفضفض معاها شويه كانت و حشاني
سلمي : طب ليه ما قولتليش سايبني قلقانه عليك
حمزه ببكاء : و حشتني يا سلمي وحشتني اوي اه صحيح ماشوفتهاش غير في الصور بس بس كان نفسي تبقي معايا جنبي حواليا وقت ما أتعب تطبطب عليا وقت ما أكون خايف تاخدني في حضنها و تخبيني عارفه وقت ما الحيوان دا جاب في سرتها لقيتها قدامي محستش بنفسي غير وانا بضربه و لو عليا كنت موته عارفه لمي كنت في أبتدائي كنتي انتي معايا و ديناو بابا بس لمي كنت بشوف أصحابي معاهم أمهاتهم و بيجروا عليهم أخر اليوم كان قلبي بيتقطع نفسي أشوفها و لو ثانيه
لتجذبه سلمي لأحضانها تطوقه بذراعيها و تمسح على رأسه بخفه وهي تبكي : أخص عليك يا حمزه كل دا حاسه لوحدك طب انا فين مش انا ماما و أختك لو مش هتتكلم معايا انا هتتكلم مع مين يا حبيبي ربنا يرحمها و يجمعنا بيها في الجنه يا روحي ..ثم تبعد حمزه عنها و تمسح دموعها لتحتضن وجهه بين يديها و تكمل كلامها ايه رأيك أغلس عليك و أنام معاك
حمزه : بجد
سلمي : ايوه طبعاً وسع شويه
لتقطع كلامهم دخول دينا بنعاس : هو أنا ممكن أنام معاكم
حمزه و سلمي بضحك : يلا تعالي ندافه ببعض
لينام حمزه و دينا في حضن سلمي و يذهبوا إلي النوم .
_________________
في اليوم التالي
يرن هاتف سناء : الو
سلوي : ازيك يا حبيبتي عامله ايه
سناء : الحمدلله يا سلوي انتي عامله ايه و نيره اخبارها ايه
سلوي : نيره زي الفل الاولاد عاملين ايه
سناء : الحمدلله كويسين
سلوي : البت نيره قالتلي أن ماهر في السعوديه
سناء : اه ما هو رجع
سلوي : بجد حمدالله على السلامه عقبال كدا ما تفرحي بيه يا حبيبتي
سناء : يارب وعقبال ما تفرحي انتي كمان بنيره
سلوي : البت كل ما يجلها عرسان ترفض تفضل تقول لاء أنا مافيش غير واحد بس إللي في بالي
سناء بأحراج : ربنا يعمل إللي في الخير
سلوي : شوفي البت عماله تزن عايزه التليفون
نيره : الو يا طنط عامله ايه
سناء : الحمدلله يا نيره
نيره : امال فين ماهر يا طنط
سناء : ماهر في المكتب يا حبيبتي
نيره : طب ممكن أكلمه
سناء : حاضر ثم تذهب إلي المكتب
ماهر : في حاجه يا ماما
سناء : خد كلم
ليأخذ ماهر الهاتف : مين ؟! الو
نيره : الو الو يا ماهر أنا نيره
ماهر بملل : ايوه يا نيره عامله ايه
نيره : بخير طول ما انت بخير يا ماهر
ماهر : شكراً ماما عيزاكي ليحدف لها الهاتف
سناء : ايه يا حبيبتي
نيره : انا عملالكم مفاجأة قريب
سناء : خير يا حبيبتي
نيره : هتبقي مفاجأة ازاي
سناء :عندك حق
نيره : مش هطول عليكي بقي سلميلي على ندي و عمر
سناء : حاضر
لتغلق سناءالمكالمه
ماهر : كدا يا ماما بتسلميني تسليم أهالي
سناء : يعني أكدب يا أبني
ماهر : لاء يا قمري
___________
سلوي : مفاجأة ايه يا حيله امك إللي عملاه
نيره : مفاجأة بقي
سلوي : ما تقولي يا بت
نيره : حاضر يا سوسو الله
____________
منى : يلا يا ماما عشان منتأخرش على معاد الدكتور
سهير بتعب : حاضر يا بنتي
منى : مالك يا ماما
سهير : مافيش يا حبيبتي يلا بينا
ليذهبوا إلي الدكتور
منى : خير يا دكتور
الدكتور : الاعراض اللي بتقول عليها مدام سهير دي قلقاني شويه بس هنعمل الاشعه دي وإن شاء الله خير
منى بقلق : طب حضرتك شاكك في ايه
الدكتور : ولا اي حاجه نشوف بس الاشعه ونتأكد
منى : خير يلا يا ماما بعد اذنك
سهير : اشعه ايه اللي اعملها يا بنتي هو رامي فلوس على الارض و خلاص
منى : ايه يا ماما إللي بتقولي دا انا اهم حاجه عندي اطمن عليكي
سهير : بقولك ايه يا منى
منى : ايه يا ست الكل
سهير : فاكر المكان إللي كنا بنروحه مع أبوكي الله يرحمه وأنتي صغير
منى : ياااااه اه فكره بس ايه اللي فكرك بيه دلوقتي
سهير بحنين : عايزه اروح هناك
منى : حاضر يا ست الكل بس الاول نروح تعمل الاشعه
سهير : برضه
منى : هااا قولنا ايه
سهير : خلاص حاضر جتك القرف
منى : الله يسمحك يا حجه
ليذهبوا إلي المستشفي لعمل الاشعه ثم يذهبوا إلي المكان الذي يتلاقه فيه الذكريات .
( الحب لا يموت ابداً بل قد تكون في رائحة أو مكان أو زمان او كلمه او موقف تحتاج فيه إلي سندك القديم )
____________
حسام : صباح الخير يا منيره يا قمر
منيره : صباح الفل يا حبيبي مش رايح الشغل
حسام : اجازه وهدلعك انهارده يا قمر
منيره : يا واد بطل دلعك فيا دا لحسن اتعود
حسام : لو مش هدلعك انتي عدلت مين يعني
منيره : إللي امها داعيلها
حسام : لمي تيجي بقي بس برضه هفضل ادلعك بقولك ايه
منيره : ايه يا ابن بطني
حسام : ايه رأيك نروح المكان اللي بتحبي
منيره : انهارده اجازتك يعني ترتاح تشوف ماهر اي حاجه
حسام : انا عايز اخرج معاكي
منيره : هتأكلني ام علي
حسام : من عنيا الاتنين
منيره : اروح اللبس بقي
ليرتدي حسام ملابسه ويأخذ منيره ويذهب بهم إلي المكان المفضل لهم .
_______________
في الجامعة
عمر : صباح الخير
فرح : صباح النور
عمر : عاملين ايه
دينا : الحمدلله
فرح : فين مازن مجاش يعني
مازن : في حد كان بيجيب في سيرتي
عمر : احنا لو كنا بنجيب في سيره ربع جنيه مكناش هنلاقيه
مازن : عشان انا اغلي من الربع جنيه يا معفن
عمر : لم نفسك بقي
ليسمع صوت دينا وهي بتضحك ..بتضحكي على ايه
دينا : اصلكم شبه توم و جيري اوي في نفسكم
مازن : عايزه ايه من صحاب مع بعض اكتر من ٣ سنين
فرح : دا بجد
مازن : ايوه احنا مع بعض من ثانوي
فرح : وانا و دينا كمان مع بعض بقالنا كتير
مازن : ربنا يديمكوا مع بعض دايماً
عمر بصوت منخفض : ما خلاص يا حنين
مازن : الله يكسفك
دينا : يلا يا فرح هنتأخر على المحاضره
مازن : خلينا احنا قاعدين كدا ناكل و نشرب كأننا في رحلة
___________
في المركز
ندي : حمزه
حمزه : نعم
ندي : اولا متشكره على إللي عاملتوا معايا امبارح
حمزه : لا شكر على واجب
ندي : انت عامل ايه دلوقتي
حمزه : الحمدلله بخير لو الواد دا دايقق في حاجه قوليلي
ندي : حاضر بعد اذنك
منة : مالك يا ندي
ندي : ماليش
منة : الواد حنين لو في حاجه قوليلي
ندي : عايزه ايه يا منة
منة : ولا حاجه ركزي
_____________
حسام : ايه رأيك يا ماما في ام علي
منيره : طعمها اتغير عن زمان
حسام : بس بتاعتك لا يعلي عليها مالك يا ماما سرحانه في ايه
منيره : سهير
حسام : سهير مين
لتذهب منيره إلي طاوله سهير
حسام : ماما رايحه فين يا ماما
سهير بصدمه : .....
⭐⭐⭐⭐⭐⭐⭐⭐
بقلمي
ندا محمد
