ماهر : بصي هو أنا مش عارف ابدأ منين بس أنا شخص دغري ماليش في اللف والدوران بصراحة كدا أنا معجب بيكي من أول يوم شوفتكِ فيه أنا عارف إنك مستغربه إللي بقوله بس أنا من النوع إللي في قلبي على لساني
سلمي بدهشة : ب..بس..بس إحنا لسه معرفناش بعض
ماهر : عارف يا سلمي بس مع الوقت هنعرف بعض و أوعدكِ أني عمري ما هدايقك وهعملك بما يرضي الله وربنا شاهد على كلامي أنا من أول يوم شوفتكِ فيه و أنا حبيبتك معرفش أزاي و أمتي بس أول مره أحس بشعور غريب أول مره أحسه أتجاه حد و صدقيني مع مرور الوقت هسبتلك دا أنا مش عايز منك رد دلوقتي فكري براحتك
سلمي بخجل : حاضر هفكر
ماهر : قوليلي أنتي هتقعدي قد ايه هنا
سلمي : أنا راجعه مصر كمان يومين
ماهر : وأنا كمان
سلمي : هو إحنا ممكن نمشي
ماهر : أنتي زهقتي
سلمي : لأ خالص بس عشان الوقت أتأخر
ماهر : أتأخر ايه يا سلمي الساعه ٩ يا حجه
سلمي : حجه الله يباركلك يا أبني
ماهر بضحك : أبني طب يلا يا ماما
سلمي بضحك : يلا
ليذهبوا إلي الفندق ويذهب كل منهم إلي غرفته
سلمي : ها يا سلمي هتعملي ايه بس أنا حسيت أحساس أول مره أحسه في حياتي طريقه كلامه شكله كل حاجه في حلوه
القلب : بصراحة الواد كلامه يجنن انا دوبت
العقل : أنت على طول دايب يا عنيا
القلب : مش هرد عليك
سلمي : أنا هستخير ربنا واللي في الخير يعمله ربنا
____________
في اليوم التالي في منزل منى
منى : صباح الخير يا ماما
سهير : صباح النور يا قلب ماما مش رايحه الشغل
منى : لأ واخده أجازه عشان أقعد معاك يا جميل
سهير : طب ايه رأيك نعمل محشي
منى : أنا رجعت في رأى
لتضحك سهير على ما تفعله أبنتها
منى : أخدتي العلاج
سهير :اه يا حبيبتي أخدته
منى : خلص ولا لسه
سهير : لسه في يا حبيبتي
منى : طب روحي أقعدي لحد ما أحضر الفطار
لتذهب سهير للخارج وتبدأ منى في تجهيز الإفطار
منى : ماما فين علبه الجبنه
سهير بالخارج : هتلقيها على الترابيزه
منى : ايه العمش دا يارب
لتفتحها لتراها فارغه لترميها في سله المهملات ثم تكتشف علبه الدواء فارغه
لتخرج منى من المطبخ مسرعاً : ايه دا يا ماما
سهير :دا ...دا
لتغمغم منى مسرعاًبضيق : دا ايه يا ماما مش أنتي قولتي إن لسه العلاج مخلص
سهير بحزن : مش عايزه أتقل عليكي يا بنتي
منى : وأنا كنت اشتاكيت حرام عليكي يا أمي أنتي عارفه أني ماليش غيركِ
سهير : متزعليش يا حبيبتي أنا كويسه
لتقبل منى يد سهير: أنا هتصل بالصيدليه بس لمي يخلص تقولي
سهير بحنيه: حاضر
لتذهب منى وتأخذ هاتفها وتتصل بالصيدليه لطلب الدواء ثم تذهب إلى المطبخ لتكمل أحضار الإفطار
_____________
في منزل الدسوقي
حمزه : صباح الخير يا بابا
دسوقي بدهشه : صباح النور ايه دا غريبه
حمزه : ما غريبه إلا الشيطان يا حجيجه
دسوقي : ايه إللي مصحيك بدري
حمزه : مافيش أصل مش هروح المدرسه
دسوقي : والله يعني أنت مش رايح المدرسه فاتصحىَ بدري إنما لو رايح تصحىَ متأخر يارب صبرني على ما أبتلاني
حمزه بصدمه : انا أبتلاء يا حج الله يسمحك
دسوقي : هيسمحني عشان مخلف في الدنيا دي شخص زيك
حمزه : لاحظ أن كلامك جارح يا حج
دسوقي : لأ وأنت بتحس اوي
حمزه : لأ كدا كتير طب انا جعااااااان
دسوقي : دا إللي أنت فالح فيه روح نادي أختك
حمزه بصوت عالي : ديناااااا.....ااااه ايه يا حج
صاح بها حمزه متألم حين هوي دسوقي بكفه على رقبته من الخلف التفت له حمزه لينظر له دسوقي و يقول: وداني يا حيواااان
دينا : في ايه يا زفت
حمزه : لأ كدا كتشير عليا الحب دا والله شكراً شكراً
دسوقي : أمسك يا زفت
ليأخذ منه حمزه الصحون ويذهب بهم إلي الطاولة ثم يجلس كل منهم ويتناوله الإفطار
دينا : بابا
دسوقي : فكرت يا دينا
حمزه : و رأيك ايه
دسوقي بتعجب : دا أنت متحمس أكتر منها
حمزه : هاا أصل عايز أغير جو
دسوقي : موافق
دينا بفرح : بجد
لتقوم بضم والدها : ربنا يخليك لينا يا حج أنا هروح أكلم فرح
ثم تذهب إلى الغرفه وتتصل بفرح
_________
فرح : الو
دينا : بابا وافق
فرح : أحلفي
دينا : والله
فرح : طب يلا بقي دا خلاص الرحلة فضلها تلات أيام يدوب نحجز
دينا : خلاص نحجز انهارده
فرح : اشطا
لتبدأ دينا في أرتدأ ملابسها ثم تذهب إلى الجامعه
حمزه : بابا انا هقوم أجهز عشان عندي درس
دسوقي : طب يلا قوم
ثم يذهب حمزه إلي موعد درسه
____________
في منزل الألفي
ليرن هاتف ندي : الو
منه : ايه يا ندي مش هتيجي الدرس
ندي : لأ هاجي يا بنتي
منه : طب يلا عشان منتأخرش
ندي : طب أنا هلبس أهو
لتغلق ندي المكالمه وترتدي ملابسها ثم تذهب إلى الأسفل
ندي : ماما أنا رايحه الدرس
سناء : متتأخريش
لينزل عمر من غرفته : رايحه فين بدري
ندي : رايحه الدرس
عمر : طب يلا أوصلك سلام يا ماما
سناء : خلي بالكم من نفسكم
عمر وندي : حااضر
ليذهب عمر إلي الجامعه وتذهب ندي إلي درسها
___________
في الجامعه
عمر : مازن
مازن : نحم
عمر : نحم في ايه يلا مالك
مازن : قعت تقولي هتيجي هتيجي فاضل تلات أيام على الرحلة
عمر : أنا لسه متفأل يا متشأم
________
في مكان أخر
فرح : يلا يا دينا عشان نلحق
دينا : أطير يعني ولا أطير
فرح : لأ نجري
دينا : خدي يا مجنونه الجامعه كلها بتبص عليكي
________
عمر بأنتصار : بص وراك كدا
لينظر مازن خلفه ليري فرح وهي تجري و ورائها دينا
مازن بصدمه : دول هنا
عمر : مش قولتلك
مازن : وأنت ايه إللي عرفك أنهم جايين عشان الرحلة
عمر : ولا ولا أنا سايبلك المكان وقايم يخربيت غلستك
ليقوم عمر ويذهب إلي الكافتيريا
__________
دينا : أرتاحتي وفضحتينا
فرح : لسه عايزه أكمل فرحتي وأشرب مانجا
دينا : يلا يا مفضوحه
ثم يذهبوا إلي الكافتيريا لإحضار المشروب
فرح : بس أنا مبسوطه أنتي اقنعتي عمو أزاي
دينا : هقولك
لتقص عليها ما حدث
فرح بفخر : تربييييتي
دينا : تربيه نتنه
_______
في الجانب الآخر سمع عمر ما حدث ثم يجد فكرة ما
دينا : يلا يا فرح نروح نقعد
فرح : يلا
ليذهبوا إلي الطاولة ثم يخبط فيهما عمر لتقع المشروبات بأكملها على دينا بوووووم
دينا : ايه ده مش تفتح
عمر : أنا مكنتش قاصد أنا أسف
دينا بعصبيه : أسف ايه أنت مش شايف إللي عملته
عمر : وأنا قولت لحضرتك اسف
فرح : خلاص يا دينا حصل خير يلا نقعد و خدي المناديل الحمدلله مافيش حاجه كتير جت عليكي
لتأخذ دينا المناديل الورقية وتذهب إلى الطاولة ثم يجلب لهم عمر مشروبات أخري ويذهب بهم إلي الطاولة
عمر : أنا أسف جداً على إللي حصل
فرح : ولا يهمك
عمر بابتسامة : أتفضلي يا انسه دلق عصير المانجا خير أن شاء الله
فرح : دلق عصير المانجا خير يعني ايه ويعني ايه اصلا دلق القهوه خير
عمر : اقولك أنا
ثم يجلس ويقول لهم ما معني دلق القهوه خير : بصي يا ستي القصه دي تعود لأحد الأغنياء المشهورين كان الضيوف بتروح عنده كتير في القصر وكان في خادم اسمه خير
في مره كان جايب قهوه و أثناء تقدمها للضيوف اتكعبل فوقعت القهوه فا بيسأله صاحب القهوه ايه إللي حصل فاحكاله فقاله دلق القهوه خير بمعني أن خير هو إللي دلق القهوه ومن ساعتها أشتهرت وبتتقال
فرح و دينا : يااااه دي قصه عجيبه
عمر : فعلاً
دينا : انا اول مره أعرفها
عمر : اي خدعه بس يارب تكوني قبلتي أعتذاري
دينا : حصل خير
فرح : بس أنا مدايقه اووي
دينا : ليه
فرح : عشان الرحلة غاليه اوي و يومين بس مش كانوا يخلوها تلات أيام أحسن
عمر : ايه دا أنتم رايحين الرحلة
فرح : اه
عمر : هتبقي رحلة ممتعه أن شاء الله
دينا : طبعاً عشان كل واحد مع صحابه
عمر : هو أنتم في كليه ايه
فرح وديناا : هندسه
عمر : يا سبحان الله وانا كمان هندسه لأ خلاص أحنا من أنهارده أصدقاء ايه رأيكم
فرح : أكيد طبعاً
عمر : طب بعد أذنك و أشفكم في الرحلة
ثم يذهب عمر إلي صديقه مازن
دينا : ايه إللي عاملتي دا
فرح ببرائه : عاملت ايه
دينا : ازاي توافقي
فرح : ونبي سبيها كدا خليها تنشف شويه
لتضحك دينا : الله يخربيتك يلا بينا يا مجنونه
فرح : يلا
_________
مازن : ايه يا أبني اللي أخرك كدا
عمر بسعاده : مالكش دعوه
مازن : كدا يا صحبي
عمر : خلاص يا عم كلمتها وهيطلعه الرحلة
مازن بدهشه : كلمت مين وازاي و فين و أمتي
عمر : ايييييه كل دي أسئله أجاوب ازاي هقولك
ليقص عليه ما حدث
مازن : يا ابن اللذينه دا أنت دماغك سم
عمر : اي خدمه بس عليك تكلمها أنت يا حلو
مازن : نطلع أحنا بس وهكلمها
عمر : ربنا يستر .. يلا بينا يا عم
ليخرجوا من المكان بأكمله ثم يذهب كل منهم إلي منزله
_____________
منة : هو مال السنتر زحمه ليه
ندي : الله مش عارفه يختي احنا مالنا تعالي نحجز
داخل القاعة
حمزه : تفتكر هنستوعب من الناس دي كلها
كريم : اتمنىَ
حمزه : ربنا يستر
ثم يدخل أستاذ الماده ويبدأ في شرح الحصه
منة بصوت منخفض : ندي
ندي : ايه
منة : هو الواد دا بيبصلنا كدا ليه
لتنظر ندي على الفتي الذي ينظر لهم
منة : أنا خايفه نظراته مش طبيعيه
ندي : متركزيش عشان ما يركز اكتر وركزي في الحصه
لتمسك ندي بيد منة لتهدأ
____________
بعد مرور ساعتين
حمزه : انا فخور بنفس
كريم : أشمعنا
حمزه بثقه : عشان فهمت في كم الناس دي
كريم : بصراحه شرح أستاذ أحمد جاحد
