في الأسكندرية و بالتحديد في منزل منى
سهير : منى اصحي يا بنتي هتتأخري على الشغل
منى بنعاس : حاضر يا ماما
لتقوم منى من على الفراش و تذهب إلى المرحاض لتأخذ حماماً دافئ لتقضي فرضها ثم تذهب إلى المطبخ
منى : صباح الخير يا ماما
سهير : صباح النور يا قلب ماما
منى بحزن : سلمي وحشتني اوي يا ماما أول مره تبعد عني
سهير : ربنا يرجعها بسلامه يا حبيبتي
منى : يارب يا ماما أنا بفكر اكلمها
سهير : طب روحي كلميها لحد ما أحضر الفطار
منى : ماشي يا ماما
لتذهب منى وتأخذ هاتفها لتتصل بسلمي
_______________
في السعوديه و بالتحديد في غرفه سلمي
ليرن هاتف سلمي
سلمي : الو
منى : سلمي وحشاني اوي
سلمي : وأنتي كمان يا منى وحشاني
منى : مفتقداكي أوي يا سلمي
سلمي : والله وأنا كمان بس إن شاء الله مش هطول
منى : ياريت يا سلمي
سلمي : طمنيني على طنط عامله ايه
منى : الحمدلله بخير بتسلم عليكي أوي
سلمي : سلميلي عليها كتير
منى : حاضر يا حبيبتي أهم حاجه خلي بالك من نفسك كويس
سلمي بضحك : حاضر يا منى أنتي بتحسسيني إنك أمي
منى : لو مش هخاف عليكي يا سلمي امال هخاف على مين أنتي أختي يا بت مش صحبتي
سلمي : ربنا يخليكي ليا يا منى أنا هقفل بقي عشان اكمل الشغل
منى : ماشي سلام
لتغلق منى المكالمه وتذهب إلى والدتها لتساعدها في إحضار إلا فطار
سهير : ايه كلمتي سلمي
منى : اه كلمتها وبتسلم عليكي
سهير : الله يسلمها هي عامله ايه
منى : الحمدلله بخير
سهير : طب يلا عشان نفطر
ثم يبدأوا في تناول الإفطار وتذهب منى إلي عاملها
________________
في منزل حسام
حسام : صباح الخير يا منيره يا قمر
منيره : صباح الفل يا قلب منيره صاحي متأخر يعني أول مره
حسام : جسمي وجعني عايز يرتاح شويه
منيره : طب ما تأجز انهارده يا حسام
حسام : مينفعش يا ماما و الناس التعبانه دي ايه ذنبها
منيره : ربنا يقويك يا أبني ويطمني عليك و يرزقك ببنت الحلال
حسام: نفسك تجوزيني يا منيره عايزه ترتاحي مني صح
منيره : لاء نفسي أفرح بيك وأشيل عيالك
حسام : إن شاء الله يا ماما أنا رايح الشغل عشان متأخرش
ليذهب حسام إلي المستشفي
____________
في منزل الألفي
سناء : ندي يلا أصحي عشان متتأخريش على مدرستك
ندي بنعاس : مش قادره يا ماما تعبانه
سناء : بطلي دلع يا ندي قومي يلا
ندي : صدقيني يا ماما تعبانه
سناء بعصبيه : براحتك يا ندي هي مصلحتي ولا مصلحتي
لتخرج سناء من الغرفه
ندي : يووووه بقي هو الواحد مش عارف ينام خالص يارب أمتي أخلص السنه دي عشان اناااام
لتذهب ندي إلي المرحاض و ترتدي ملابس المدرسه الخاص بها ثم تنزل للأسفل لتذهب إلي المطبخ
سناء : صحي النوم مش كنتي تعبانه من شويه
ندي : يا ماما عايزه انام
سناء : لما توصلي لهدفك هترتاحي يا ندي مافيش حد هيخاف على مصلحتك أكتر منك النجاح طعمة حلو يا ندي فهمتيني يا بنتي
ندي : فهماكي يا ماما
لتحتضن ندي سناء وتقبل رأسها
سناء : طب يلا روحي صحي عمر
ندي : حاضر يا حبيبتي
لتذهب إلي خارج المطبخ ثم ترجع إلي الوراء وتقول : ربنا يخليكي لينا يا ست الكل
ثم تذهب إلى غرفه عمر
سناء : ربنا يوفقك يا ندي أنتي وعمر و يهديك يا ماهر و يرزقق ببنت الحلال
_____________
في غرفه عمر
ندي : عمر يلا أصحيَ
عمر : حاضر يا ندي
ندي : متتأخرش
ليقوم عمر من على الفراش ليذهب إلى المرحاض ليأخذ حماماً ثم يخرج و يبدأ في ارتداء بنطلون جينز و سويت شيرت أبيض اللون . لينزل إلي الأسفل
ليبدأ كل منهم في تناول الطعام وبعدها يذهبوا إلي أعمالهم
________________
في الجامعه و بالتحديد في المدرج
مازن : صباح الخير
عمر : صباح الفل
مازن : جاهز للمحاضرات
عمر : زي كل يوم بس ربنا يستر دكتور محمد ميجيش انهاردة مش طلباه
مازن : ياريت كنت جبت في سيرت ربع جنيه مخروم حتي
عمر : ركز ركز
ليبدأ الدكتور في بدأ المحاضره
_______________
في مكان أخر في الجامعه
دينا : بحب محاضره الدكتوره آلاء اوي
فرح : والله ما عارفه بتحبي فيها ايه
دينا : ما هو لو الأستاذه بتركز في المحاضره كنتي فهمتي
فرح بأستهزاء : كان الحمار نفع نفسه
دينا : اولاً احترامي نفسك يا بقره ثانياً الحمدلله انا بفهم منها
فرح : عندك حق أنا فاشله أنا داخلت الهندسه بدعاء أمي يا جماعه قولت مليون مره ودوني على بيت حبيبي أحسن
لتضحك دينا على ما تفعله صديقتها
دينا : طب يلا نروح الحمدلله مافيش محاضرات كتير انهارده
فرح : يلا
ليذهب كل منهم إلي منزله
_______________
في مكان أخر في الجامعه
مازن : مالك يا عمر سرحان في ايه
عمر : بدور عليها
مازن بتعجب : على مين يا عمر
عمر : عليها يا مازن الله
مازن : اوعيَ تقول على البنت اللي شوفتها في الكافتيريا
عمر : ايوه
مازن : طب يلا يا عمر يلا نروح الله يهديك
ليخرجوا من المكان بأكمله ليذهبوا إلي منزلهم
_______________
في منزل الدسوقي
دسوقي : حمدالله على السلامه يا دينا
دينا : الله يسلمك يا بابا امال فين حمزه
دسوقي : لسه مجاش
ليقاطعهم دخول حمزه
حمزه : اي الروائح الحلوه دي يا حج
دسوقي : بتحس دايماً ببطنك يا حمزه
ليضحك حمزه : بصراحة أكلك مافيش منه مقاومة يا حج
دينا : طب ممكن يلا عشان همووت وأكل
ليجلسوا على طاولة الطعام
دسوقي بحزن : القعده دي ناقصه سلمي وحشتني
دينا : وانا كمان يا بابا
حمزه : هي وحشتني انا كمان بس دا شغلها يا بابا
دسوقي : ربنا يرجعها بسلامه
دينا وحمزه : يارب
_______________
في السعوديه و بالتحديد في المطعم
ماهر : اه صح وأنا جيلك كلمت الواد حسام
زياد : وحشني الواد دا و وحشني هزاره
ماهر : استنيَ أتصل بيه
ليبدأ ماهر بمكالمه حسام
حسام بصوت أنوثي : لحقت وحشتك يا حبيبي
زياد بضحك : يا أبني لم نفسك هتفضل زى ما انت مش هتعقل
حسام : زيااااد ابو الزيد عامل ايه يا جدع وحشني
زياد : وأنت كمان يلا وحشني أخبارك ايه طمني
حسام : الحمدلله ماشي الحال أهم حاجة ايه أخبار الجواز
زياد بضحك : دا أحلي حاجه الجواز
حسام : لا ما هو باين على صوتك يا جدع
ماهر : افتح المايك
ليفتح زياد مايك التليفون
ماهر : ولا بطل صداع مصدعني في مصر و بره مصر
حسام : اخص عليك يا أبو الصحاب
زياد : وحشني هزارك يلا والله
حسام : طب ايه مش ناوي تنزل بقي ونشوف خلقتك
زياد : قريب إن شاء الله
حسام : ماشي يا عم
ماهر : يلا طرقنا بقي
حسام : انا كدا كدا كنت هقفل عشان عندي شغل
زياد : ربنا يعينك ياسطا
حسام : حبيبي يا ابو الزيد يلا سلام
ماهر و زياد : سلام
لينهوا المكالمه
زياد : مقولتش صحيح هتقعد قد ايه
ماهر : لاء قاعد شويه حلوين قاعد على قلبك
زياد بضحك : ماشي يا عم منور انا هشرب قهوه تشرب
ماهر : أشرب
ثم يطلبوا فنجانين من مشروب القهوه 😋😹
______________
بعد مرور ساعات
زياد : قولي بقي هتعمل ايه
ماهر : مافيش هلف شويه كدا أشوف الدنيا هنا
زياد بضحك: ماشي ياعم اتمنالك سهره سعيده
ماهر : وأنت
زياد : هروح الشركة وبعدها أروح البيت
ماهر : ماشي يلا بينا
ليذهب زياد إلي الشركة
_____________
في مكتب سلمي
سلمي : الحمدلله فاضل حاجات بسيطه أكمل بكره لحسن الوقت أتأخر
لتخرج سلمي من الشركة لتذهب إلي الفندق وتذهب إلى الغرفه
سلمي : أخيراً ايه التعب دا بس دا أنا عاملت إنجاز الحمدلله فاضل شغل بسيط أدخل بقي أخد دش وانام .
_____________
في غرفه ماهر
ماهر بألم: ايه الجمال دا بس أنا افتريت لدرجه إني مش قادر اقف على رجلي اااااه يا رجلي أنا هموت وانام ثم يرمي نفسه على الفراش ويذهب إلي نوم عميق .
___________________________
في اليوم التالي لتستيقظ سلمي من نومها لتقوم سلمي بأداء فرضها ثم ترتدي بنطلون جينز و تيشيرت أسود اللون وترفع شعرها على شكل زيل حصان ثم تذهب إلى الشركة وتبدأ في عملها
________________
بعد عده ساعات
سلمي : أخيراً خلصت أنا تعبت أوي
ليرن الهاتف الذي بجانبها لتجيب
سلمي : الو
زياد : سلمي تعاليلي ثواني
سلمي : حاضر يا فندم
لتذهب سلمي إلي مكتب زياد لتطرق الباب بخفه
زياد : أدخل
سلمي : خير يا فندم في حاجه
زياد بأبتسامه : متقلقيش يا سلمي مالك أنا كنت هسألك عاملتي ايه في الشغل
سلمي : أنا كنت هاجي لحضرتك عشان أبلغك إني خلصت
زياد بتعجب : بجد بسرعه دي
سلمي : أنا كنت لازم أنجز الوقت عشان الغلطات دي كانت عامله مشكله كبيره
زياد : طب طلما خلصتي بقي ممكن تقبلي مني إني اعزمك على الغداء
سلمي بإستغراب : ليه
زياد : أعتبريها مكافأة إنك أنجزتي وقت
سلمي بأبتسامه : اممم موافقة
زياد : تمام أوي اتفضلي
ليذهبوا إلي المطعم
________________
في الفندق و بالتحديد في غرفه ماهر
ماهر : أما أغلس على الواد زياد
ليأخذ ماهر الهاتف ويتصل بزياد ليجيب زياد
ماهر : أنت فين
زياد : بتغدا
ماهر : منغيري أخص عليك يا صحبي
زياد بضحك : لا لا هبعتلك العنوان لحسن تفضحني
ماهر بضحك : ايوووه أضبط كدا سلام
ليرسل زياد له عنوان المطعم ليرتدي ماهر ملابسه ويذهب إلى عنوان المطعم .
🌺🌺🌺🌺🌺🌺🌺
بقلمي
ندا محمد
اتمني تكون الرواية عجباكم ..
و ادعموني بالتصويت و تعليق ❤️🌺
