سلمى : في ايه يا منى مالك
منى : ماما يا سلمى تعبانه اوي ومش عارفه اعمل ايه
سلمى : طب أهدي أنا جيالك
لتذهب سلمى إلي والدها لتغمغم بقلق : بابا
دسوقي : في ايه يا سلمى مالك
سلمى : بابا والدة منى تعبانه ممكن اخد حمزه و أروح لها
دسوقي : طبعاً يا بنتي ربنا يطمنها عليها
ليقوم حمزه بارتداء ثيابه ليذهبوا الي منى
________________
(في منزل منى
منى ببكاء : ماما ردي عليا
لتطرق سلمى الباب لتفتح لها منى
لترتمي منى في أحضان سلمى لتهتف من بين شفتيها ببكاء : الحقيني يا سلمى
سلمى : في ايه مالها طنط
لتأخذ منى سلمى وحمزه إلي غرفه والدتها
حمزه : إحنا لازم ناخدها المستشفي حالاً
ليذهبوا جميعاً مسرعاً إلي المشفى
_____________
في مشفى ما
حسام : السلام عليكم
منيره : وعليكم السلام
حسام : ايه يا ماما عامله ايه
منيره : الحمدلله يا حبيبي انت عامل ايه
حسام : والله تعبان اوي
منيره : ربنا يعينك ويحميك يا أبني
حسام : يارب يا حبيبتي ادعيلي
لتطرق الممرضه باب الغرفة
حسام : أدخل
الممرضه : دكتور حسام في حالة بره
حسام : معلش يا ماما أنا هقفل دلوقتي عشان عندي شغل
منيره : ماشي يا حبيبي خلي بالك من نفسك
لتغلق منيره الهاتف ليأمر حسام الممرضه بدخول الحالة
لتدخل منى ومعها سلمى وحمزه
حسام بصدمه : ايه دا في ايه
منى ببكاء : ما. ..ما..ماما تعبانه اوي
حسام : طب أهدي مافيش حاجه خير إن شاء الله بس كل دول مينفعش يبقوا في الأوضه
حمزه : طب أنا هطلع بره
ليكشف حسام على والده منى لينتهي من الكشف
منى بقلق : طمني أرجوك
حسام : أهدي مافيش حاجه دي غيبوبه سكر
مني بحزن : أكيد مأخدتش العلاج بتاعها
حسام : هي هتبقي كويسه بس تاخد العلاج بتاعها بأنتظام
شكرت منى حسام ثم أخذت والدتها و سلمى ثم غادروا الغرفة
سلمى : أهدي يا حبيبتي الحمدلله أنها بقت كويسه
منى بحزن : الحمدلله
ليذهبوا جميعاً الي منزل منى
سلمى و حمزه : ألف سلامه على حضرتك يا طنط
سهير بأبتسامه متعبه : الله يسلمكم تعبتكم معايا
حمزه : ولا تعب ولا حاجه يا طنط أهم حاجه أن حضرتك بخير
سلمى : مافيش تعب يا طنط ربنا يطمنا على حضرتك دايماً نستأذن إحنا بقي عشان اتأخرنا
ليذهبوا الي منزلهم
منى : ينفع إللي عاملتي فيا دا
سهير : متزعليش يا منى أنا بقيت كويسه الحمدلله
منى : ربنا يخليكي ليا يا ست الكل
لتضمها منى وتقبل رأسها ليذهبوا إلي النوم
_______________
في منزل سلمى
دسوقى : ايه يا بنتي طمنيني
سلمى : الحمدلله يا بابا كانت غيبوبه سكري
دسوقي : لا إله إلا الله طب هي عامله ايه دلوقتي
سلمى : الحمدلله بقت كويسه
دسوقي : الحمدلله انا هقوم أصلي ركعتين
حمزه : طب انا هنام عشان عندي مدرسه بكره تصبحوا على خير
سلمى : وانا كمان هنام عشان أحضر ورق السفر
دسوقي : وأنتم من أهل الخير
ليذهب كل منهم الي غرفته
________________
في منزل ماهر
كانت تجلس سناء و بجوارها ندي علي الأريكة أمام التلفاز
ليدخل ماهر المنزل
ماهر : السلام عليكم
سناء و ندي : وعليكم السلام
ماهر : ايه إللي مصحيكم لحد دلوقتي
ندي : قاعدين بنتفرج على فيلم
ماهر بتعجب : فين عمر
سناء : ما أنت عارف عمر بينام بدري
ماهر : طيب انام أنا كمان بقي عشان عندي رحلة بكره
سناء : ماشي يا حبيبي تصبح على خير
ندي : تصبح على خير يا أبيه
ماهر : وانتم من اهل الخير ثم صعد إلى غرفته
سناء : عاملتي اي في الماده اللي عايزه تاخدي فيها
ندي : هتفق مع assistant المستر
سناء : ربنا معاكي يلا بقي عشان ننام
ندي : يلا يا حبيبتي
_______________
بعد مرور عدة أسابيع تدور أحداث بين الأبطال
قامت سلمى بتجهيز الأوراق المطلوبة لتحضر نفسها إلي السفر
ماهر أقام برحلة طيران إلي بلد ما
عمر يظل ينظر إلي دينا ولا يحدث أي جديد
منى تتابع والدتها لكي تأخذ الدواء بالتزام
____________
موعد السفر
دسوقي بحزن : هتوحشيني اوي يا سلمى
سلمى : وأنت كمان هتوحشني يا بابا
ليحتضن دسوقي سلمى
ليغمغم كل من دينا وحمزه بحزن : خلي بالك من نفسك يا سلمى
سلمى : حاضر هكلمكم كل شويه أنا لازم أمشي عشان متأخرش
حمزه: أنا هوصلك
سلمى : مافيش داعي يا حمزه خليك أنت
دسوقي : لأ طبعاً مش كفايه مش عايزاني اوصلك
سلمى : إللي حضرتك تشوفوا يا بابا
لتستقل سلمى وحمزه السيارة متجهين إلي المطار
________________
(بعد مرور عدة ساعات
على الساده الركاب ربط الأحزمة لإقلاع الطائره حفظاً على سلامتكم
سلمى بتوتر : ايه دا بقي أنا شكلي طلع عندي فوابيا الطياران إللي بيقولوا عليها ولا ايه يارب استرها يارب
لتبدأ الطياره با الإقلاع .
💙💙💙💙💙💙💙
بقلمي
ندا محمد
