The Deal With A Demon King

Part 25

“ ဘယ်တော့လဲ…”

“ အဲ့တာက… သေချာမသိသေးဘူး”

ယွင်းရန်ကမျက်မှောင်ကြုတ်နေဆဲပင်။ နျူးက ယွင်းရန်၏အမူအရာကိုမြင်တော့ သးတကယ်မနေတတ် မထိုင်တတ်ဖြစ်လာသလိူ ခံစားလိုက်ရသည်။ ရုတ်တရက် ထိုသူကိုကြည့်ရင်း သူပါ ဝမ်းနည်းလာသလိုပင်။ ထိုမိစ္ဆာဘုရင်အကြောင်းကို သေချာတော့ သူမသိပေမဲ့ ထင်သလောက်မဆိုးသွမ်းသလို သူ့အပေါ်လည်းဂရုစိုက်သည်ဟု ခံစားရသည်။ ထို့အပြင် ထိုသူနှင့်ရှိနေစဥ်အချိန်တွေကပင် သူ့ကိုဘယ်သောအခါကမျှမခံစားဖူးသည့် ခံစားချက်မျိုးကိုပါ ခံစားရစေသည်။ ထိုခံစားချက်ကို နျူးသေချာမသိပေမဲ့လို့ ထိုအရာက သူ့ကိုပျော်ရွှင်စေသလိုခံစားရ၏။ သို့သော်လည်း သူ ကောင်းကင်ဘုံကထွက်လာတာကြာနေသည့်အပြင် ဤတခေါက်က ကောင်းကင်မင်းကြီးနှင့်အတူလာတာမို့ သူဒီမှာအကြာကြီး နေလို့မဖြစ်။ နောင်တချိန် လောင်ရဲ့အလုပ်ရှုပ်နေခဲ့ပြီး သူ့ကိုဂရုမစိုက်နိုင်သည့်အချိန်နှင့်ကိုက်နေခဲ့ပါက သူဒီကို ထပ်လာကိုလာဖြစ်အုန်းမှာ သေချာပါသည်။

နျူးက ယွင်းရန်ကိုကြည့်ကာ သူ၏မျက်ဝန်းများပိတ်သွားသည်အထိ ရယ်ပြလိုက်ရင်း

“ မကြာခင်ပေါ့…”

ထိုအခါမှ ယွင်းရန်က သူ၏မျက်ဝန်းများကိုအသာမှိတ်ကာ ပြန်ဖွင့်လိုက်ပြီး နျူးကိုကြည့်သည်။

“ ငါမင်းကို လိုက်ပို့ပေးမယ်။ “

“ အွန်း…”

…………………

“ နျူး……!!!”

မက်မွန်တောထဲမှ အသံကျယ်ကြီးတစ်ခုက ကောင်းကင်ဘုံတစ်ခုလုံးသည်ပင် ဖိန့်ဖိန့်တုန်သွားလောက်သည်ဟု ခံစားလိုက်ရပေသည်။ နောက်ဆုံးတော့ နျူးက မက်မွန်တောထဲတွင်မရှိသည်မှာအတော်ကြာနေပြီဖြစ်သည်ကို လောင်ရဲ့တွေ့ရှိသွားလေပြီ။ နျူးမှာ သူ၏ခြေလှမ်းများကို ခပ်ဖွဖွနင်းနေရာမှ ရုတ်တရက်တုန်တတ်သွားကာ ရပ်တန့်လိုက်သည်။ သူ့ပုခုံးပေါ်တွင် မျက်လုံးခြောက်လုံးစလုံးကိုအသုံးပြုကာ သူ့အားပြူးကြောင်ကြောင်ဖြင့်ကြည့်နေပါသော ကျိကျိအား သူခေါင်းကိုစောင်းကာကြည့်လိုက်ရင်း