#الحضن_الدافي
الحلقة :: 1 ::
أنا اسمي ورد عمري 8 سنوات .. نحب ماما وبابا وخوي الصغير اسمه زين عمره 4 سنوات .. نقرا صف الثاني ابتدائي .. ابلاتي يحبوني هلبااا وانا نحبهم هلباااا .. شاطرة ومهتمة بدروسي وواجباتي ماعمريش غبت ولا تأخرت .. ماما تنوض فيا بكري وتحطلي في فطوري كورن فليكس وكاكاو ..بابا يتعب باش يوفرلنا كل شي نبوووه .. لان ماكانش عنده فلوووس هلبا زي بو صحباتي .. ويوصلني كل يوم .. آآآه نسيت ماما اسمها ايناس وماتخدمش ديما معانا وماتقصرش معانا بكل ..وبابا اسمه جواد وعندنا حوش الحمد لله .. وماما قالتلي في بيبي جاينا في الطريق <3
ماما: ورد .. زين .. نوضو حبيباتي هي الفطور وااتي :)
زين: ماما .. صباح الخير
ماما: حبيبي شن تحب تفطر ؟؟
زين: كورن فليكس ^_^
ورد: ماااااااااامااااااا
ماما: خيرك اسم لله ؟؟
ورد: المية سخووونة حرقتني :(
ماما: حي حبيبتي وريني ترا وينها؟؟
ورد: بنتوضا ونصلي جت مية سخونة حرقتلي وجهي .. هآآآ شوفي :(
ماما: ياناري ع بنيتي .. خلااااص وهادي بوسة امممموآآآه
زين: توا بحة ددي ههههه
ورد: ههههههه
ـــــــــــــــــــــــــــــــــ
الساعة 12 .. جي وقت المدرسة .. لبستني ماما شنطتي وحطتلي فطوري وطلعت لقيت بابا يراجي فيا :)
ورد: صباح الخير بابي :)
بابا: صباح الورد .. شني فطرتي !!
ورد: ايه الحمد لله
بابا: واجباتك وكل شيك تمام !!
ورد: ايه ماما شافتلي حاجاتي :)
بابا: باهي سلم بابا ماديريش المشاكل باهي ..واللي يكلمك فوتيه ماتسمعيلاش بكل .. باش ديما يقولو ورد جواد احلا بنية <3
ورد: حااااضر
بابا: هي وين بوسة بابا وانزلي :)
ورد: امممممموآآآآه :)
ــــــــــــــــــــــــــــ
عندي صاحبة وحدة اسمها جنى .. نحبها هلبااااا ومرات ماما تخليني نمشيلها لحوشهم نلعب معاها .. خشينا للفصل مع بعض . وهدا أول يوم تجي جنى للمدرسة <3
ورد: علاش ماجيتيش .. لينا اسبوع نقرو :\
جنى: كنت مسافرة :)
ورد: وين مسافرة ؟؟
جنى: آمممم قولي انتي وين هههههه
ورد: آمممم نعرفش :(
جنى: لفرنسا <3
ورد: سعدودكم :(
جنى: انتي وين مشيتي في العطلة ؟؟
ورد: ماسافرناش :(
جنى: آها عادي عادي .. حي شوفي أبلة مها بتقرينا <3
ورد: نحبها ابلتي هادي :)
جنى: تشبه لأمك هلبااا ولاه !!
ورد: عينك .. ماما مافيش زيها -_-
جنى: ههههه
مها: هي حبيبااااتي .. طلعو كراساتكم واكتبولي الحروف كلها :)
جنى: آوووووف هلباااا :(
مها: يللي تكمل الاولة بنعطيها حلوة :)
ورد: ههههه بنكمل قبلك ياجنى واصلة في حرفك توا هههههه
جنى: لا انا قبل :)
ــــــــــــــــــــــــــــــــــــ
رن الجرس المروااااح ::
جنى: ورد ورد
ورد: نعم ؟؟
جنى: هاكي :)
ورد: شني هادي ؟؟
جنى: توا بابا جي بيروح بيا جابلي هديتك من فرنسا
ورد: هههههه صحيتي <3
جنى: سلمك .. نتلاقو غدوا سلام
ورد: سلام :)
ـــــــــــــــــــــــ
المرة هادي ماجاش بابا روح بيا .. جي ولد عمي الكبير .. واسمه قصي
ورد: قصي .. جاي بتروح بيا ؟؟
قصي: ايه .. اركبي :)
ورد: وين بابا ؟؟
قصي: بابا مشي هوا وماما مانعرفش وين
ورد: آآآآه بيجينا بيبي
قصي: -_-
ورد: الحمد لله واخيرآآآ
قصي: كليتي حاجة ؟؟
ورد: ايه روح بيا طوووول
قصي: امالا عرض ياعليك فروخ والله -_-
ورد: انت ماتحبش الصغار علاش ماجاش إلياس روح بيا احسن منك
قصي: الله !!.. البنات مافيكم غير طولة اللسان حتى قاعد مافقصتي من الدحية وهكي !!
ورد: نبي وردة قصي محلاها شوف
قصي: تي انتي اسمك ورد وتبي وردة .. خودي شوي من اسمك وريحيني من دوتك
ورد: آووووف -_-
ـــــــــــــــــــ
قصي قلبه طيب بس في نفس الوقت وااعر ويكشخ هلباااا .. وقفااااص مايحبش يصرف بس جوه مليح ديما اناشب فيه ويناشب فيا ههههه
ـــــــــــــــــــــ
وصلت للحوش .. في حركة غريبة
ورد: قصي شن عندنا ؟؟
قصي: ووووه ماااات قصي يرزيك فيه
ورد: هههههه ان شا الله
قصي: -_-
ورد:............
قصي:..............
وتستمر مشاكساتهم .. اعطوني رايكم في البداية :
#Dudu
