Hedgehog And Tiger [Myanmar Translation]

|113|

[Unicode]

"ထောင်ထဲက အကြောင်းအရာတွေကို ကျွန်တော်သိပ်မသိပါဘူး၊ ဒါပေမဲ့ မှုခင်းရှေ့နေတွေပြောတာကိုတော့ အများကြီးနားထောင်ဖူးတယ်။ သူတို့ပြောပြတာက၊ ထောင်ထဲမှာ အရမ်းမွန်းကြပ်စရာကောင်းတယ်တဲ့။ တစ်ချို့တွေဆို မွန်းကြပ်မှုဒဏ်ကိုဖြေဖျောက်ဖို့အတွက် သွားပွတ်တံကိုတောင် ဓားလုပ်ပြီးကစားကျတယ်ဆို။ အဝတ်လျှော်ခန်းက အန္တရာယ်အကင်းဆုံးလို့လည်း ပြောကျတယ်၊ ဘယ်သူမှဝင်မလာကျလို့လေ။ ထောင်စောင့်တွေက တံခါးဝမှာပဲရပ်စောင့်ပေးတယ်၊ အဝတ်လျှော်ခန်းထဲမှာ ဘာတွေဖြစ်ပျက်ခဲ့သလဲ? သူတို့သိမယ်မထင်ဘူးနော်!"
ဟယ်ရှင်းချွမ်က စာရွက်စာတမ်းတွေကို ဘေးချလိုက်ပြီး၊ ကျိုးအာမျက်နှာကို တည့်တည့်စိုက်ကြည့်လာကာ
"Mr.ကျိုး၊ ကျွန်တော့်ကို ပြောပြစမ်းပါဦး။ အဝတ်လျှော်စက်ထဲ ထည့်နှစ်ခံရတဲ့ခံစားချက်လေး"

ကျိုးအာရဲ့မျက်လုံးတွေဟာ နီရဲလို့လာခဲ့ပြီ။
ကျောက်ပတ်တီးစည်းထားတဲ့ညာဘက်လက်က လှုပ်ရှားလို့မရသေးဘူး...ဘယ်ဘက်လက်နဲ့ စားပွဲပေါ်ကဓားကို လှမ်းကောက်ယူတယ်။
ထို့နောက်မှာတော့၊ ဓားကို ဟယ်ရှင်းချွမ်မျက်နှာဆီ ရွယ်လာတယ်။

သူ့ရဲ့အသက်ရှူနှုန်းဟာ အလွန်ပြင်းထန်နေခဲ့ပြီး၊ တစ်ခုခုကို မြိုသိပ်ဖိနှိပ်ထားရသကဲ့သို့ပင်။

မျက်နှာပေါ်မှာခြစ်ရာထင်နေပြီဆိုတာကို ဟယ်ရှင်းချွမ်ခံစားမိပါတယ်။
သို့သော်လည်း ခေါင်းကိုမော့ကာ၊ ကျိုးအာကို စိန်ခေါ်သောအကြည့်ဖြင့် ပြန်ကြည့်နေတယ်။
"ဘာလို့လဲ? ကျွန်တော့်ကို ဓားနဲ့မထိုးရဲဘူးလား?"

"ငါ မင်းကိုသတ်မယ်! ငါ မင်းကိုသတ်ပစ်မှာ!"

"လူကြီးမင်း၊ လူနာရဲ့ကိုယ်အပူချိန်မြင့်တက်နေတယ်လို့ ပြောထား..."
သူနာပြုဆရာမက သာမိုမီတာကိုလက်ထဲကိုင်ရင်း၊ အခန်းတံခါးကို ဆွဲဖွင့်လာတယ်။
အထဲမှအခြေအနေကို မြင်တော့၊ အော်ဟစ်ပါတော့တယ်။

ကျိုးအာက ဟယ်ရှင်းချွမ်လည်ပင်းကို ဓားထောက်လိုက်ပြီး
"ထွက်သွားစမ်း!"

ဆေးရုံတွင် လူအများအပြားပြေးလွှားနေခဲ့တယ်။

လည်ပင်းကိုဓားထောက်ပြီး၊ ဓားစာခံအဖြစ်ခြိမ်းခြောက်နေတဲ့အမှု။