Hedgehog And Tiger [Myanmar Translation]

|19|

[Unicode]

"စိတ်မပူနဲ့ မင်းအစ်ကိုကြီးဖက်တီးအိမ်မှာ ဘယ်သူမှမရှိဘူး! စိတ်ချလက်ချသာနေကျ"
ဖက်တီးက ဟယ်ရှင်းလျန်ကိုလှမ်းဆွဲကာ
"ကလေး အသက်ဘယ်လောက်လဲ?"

"ကျွန်တော်က ဆယ်နှစ်"

"ဆယ်နှစ်ပဲရှိသေးတာလား? ထန်ကောတို့ အသက်ဆယ်နှစ်တုန်းကဆို မင်းထက်ခေါင်းတစ်ဝက်လောက်ပိုရှည်နေပြီ"

"တကယ်လား? ယန်ထန်ကောက ဘာတွေစားလို့လဲ?"

"နွားနို့သောက်လို့လေ၊ အိပ်ရာမဝင်ခင် နွားနို့တိုက်မယ် လိမ်လိမ်မာမာသောက်ရမယ်နော် ဟုတ်ပြီလား?"

"နွားနို့ကညှီတယ်"

"ထန်ကောလိုအရပ်မရှည်ချင်တော့ဘူးလား?"

"ရှည်ချင်တယ်!"

"ဒါဆိုနွားနို့သောက်ရမယ်လေ"

"...သကြားထည့်လို့ရမလားဟင်?"

"အိမ်မှာ သကြားမရှိဘူးထင်တယ်၊ ပျားရည်ရှာပေးမယ်လေ။ လာ သွားရှာရအောင်!"

ဖက်တီးက ဟယ်ရှင်းလျန်ကိုအိမ်ထဲခေါ်သွားတယ်။
ဟယ်ရှင်းချွမ်ကတော့ အိမ်ထဲမဝင်ခင်တုံ့ဆိုင်းနေမိသေး။

သူ့အိမ်သူ့ရာအလားပဲ၊ ယန်ထန်က ရေခဲသေတ္တာဖွင့်ကာ ဓာတ်ဆားရည်တစ်ဗူးကိုအဖုံးဖွင့်ရင်း ဟယ်ရှင်းချွမ်ဆီကမ်းပေးလာတယ်။

"ဒီတစ်ညတော့ ဒီမှာအိပ်လိုက်၊ မနက်ဖြန် အိမ်ငှါးဖို့ရှာပေးမယ်"

"ငါ...ငါ...ငါ့ဝမ်းကွဲအိမ်ပဲပြန်လိုက်တော့မယ်"

"ဘာပြန်လုပ်မှာလဲ? ဆေးလိပ်မီးနဲ့အတို့ခံရတာ မလုံလောက်သေးဘူးလား?"

"...မဟုတ်ဘူး၊ ဒါပေမဲ့ ငါတို့ကြောင့်နဲ့ပြဿနာမဖြစ်စေချင်ဘူး"

"ပြဿနာလား?"
ယန်ထန်ဟာ လေးနက်တဲ့အကြည့်တစ်ချို့ကို ဟယ်ရှင်းချွမ်ဆီဦးတည်လိုက်တယ်။
"သင့်တော်တဲ့အချိန်မှာ ခေါင်းငုံ့လို့ရတယ်၊ ဒါပေမဲ့ ခေါင်းပြန်မော့ချိန်မှာ ငါတို့ကစိတ်ထဲမထားဘူး၊ မင်းဝမ်းကွဲအိမ်ကတော့ စိတ်ထဲထားမယ်ထင်တာပဲ။ ငါဆိုလိုချင်တာကို နားလည်လား?"

"...အင်း"

ဖက်တီးတို့နဲ့တွဲတုန်းက ရန်ဖြစ်တဲ့အကြိမ်ရေပေါင်းမနည်းခဲ့ဘူး။
အဲ့တော့ ဆေးပေါင်းမျိုးစုံကအိမ်မှာရှိတယ်။
ယန်ထန်က ဆေးဗူးတစ်ခုကိုယူလိုက်ပြီး၊ အိပ်ရာပေါ်ထိုင်နေကာ ရေချိုးခန်းထဲကထွက်လာမဲ့ ဟယ်ရှင်းချွမ်ကိုစောင့်နေခဲ့တယ်။
ထွက်လာချိန်မှာ အိပ်ရာကိုပုတ်ပြကာ
"ဒီလာခဲ့"