Hedgehog And Tiger [Myanmar Translation]

|29|

[Unicode]

ပင်ပန်းသွားတဲ့တနေ့တာအဆုံးမှာ၊ နှစ်ယောက်လုံး စောစောအိပ်ပျော်သွားကျတယ်။
နောက်နေ့မနက် ဟယ်ရှင်းချွမ်မျက်နှာသစ်ဖို့ပြင်နေချိန်၊ ယန်ထန်ဟာလည်း အိပ်ရာထဖို့ရုန်းကန်နေရရှာတယ်။

ဟယ်ရှင်းချွမ်ရှိနေသေးတယ်ဆိုတာကို လျစ်လျူရှုလိုက်ပြီး၊ ယန်ထန်က ရေချိုးခန်းထဲဝင်လာခဲ့တယ်။
ဟယ်ရှင်းချွမ်ကိုယ်လေးကို အနောက်ကနေသိုင်းဖက်လိုက်ကာ၊ အရှေ့ကရေပန်းနဲ့ သူ့လက်တွေကိုဆေးကြောနေတယ်။

"အစောကြီးပါလား ရှင်းချွမ်?"

ဟယ်ရှင်းချွမ်ကတော့ သွားတိုက်တံကိုပစ်ချပြီးနောက် အပြင်ထွက်ပြေးသွားပြန်တယ်။
ထွက်ပြေးသွားတဲ့နောက်ကျောလေးကို ငေးကြည့်နေရင်း၊ ယန်ထန်ဟာ လက်ဖဝါးအုပ်ကာ သက်ပြင်းချမိသွားတယ်။
အနံ့ပြန်ခံကြည့်လိုက်ပြီး
"အာခေါင်နံ့နံလို့များလား???"

ယန်ထန်က သွားသုံးကြိမ်တောင်တိုက်ဖြစ်ခဲ့တာ၊ သွားဖုံးတွေတော့နာနေပြီ။

ဝမ်ဘင်းဘင်းနဲ့ ရှုပမ်းက ထမင်းစားစားပွဲမှာထိုင်နေပြီး၊ ဟယ်ရှင်းချွမ်ကတော့ မီးဖိုချောင်ထဲမှာအလုပ်များနေတယ်။

"နင်က မိန်းကလေးမဟုတ်ဘူးလား? အတန်းခေါင်းဆောင်ကို သွားကူသင့်တယ်လေ"

ဝမ်ဘင်းဘင်းက ခေါင်းခါပြတယ်၊ ဟယ်ရှင်းချွမ်လာချပေးတဲ့ ခေါက်ဆွဲပန်းကန်ကြောင့် မျက်လုံးတွေဟာဖြင့် တောက်ပလို့သွားတယ်။
"ငါကြိုးစားကြည့်ပါသေးတယ်၊ အခုတော့လက်လျော့လိုက်ပြီ။ မိန်းကလေးမလုပ်တော့ဘူး အတန်းခေါင်းဆောင်ရဲ့ပရိတ်သတ်ပဲ လုပ်တော့မယ်"

ရှုပမ်းကလည်း တစ်ဇွန်းမြည်းကြည့်ပြီးနောက်
"ငါရောပဲ!"

မနက်စာစားပြီးနောက်မှာ၊ ပင်လယ်ကမ်းခြေဘက်ထွက်လာခဲ့ကျတယ်။

ဆူညံပူညံလျှောက်နေတဲ့ အရှေ့ကနှစ်ယောက်ကိုကြည့်နေရင်းပဲ၊ ဟယ်ရှင်းချွမ်ဟာ ယန်ထန်ဆွဲခေါ်တာခံလိုက်ရတယ်။

နှစ်ယောက်နဲ့ဆန့်ကျင်ဘက်ဆီသို့ ပြေးထွက်လာကျတာ၊ အတော်ဝေးဝေးရောက်ချိန်မှပဲ တစ်ယောက်မျက်နှာ တစ်ယောက်ကြည့်ကာ ပြုံးမိသွားတယ်။