“ ကျွန်တော်…..”
ယွင်းရန်က ထစ်အနေသော တိဟွကိုလှမ်းကြည့်သည်။ တိဟွက ချက်ချင်းသူ့ခေါင်းကိုငုံ့လိုက်ရင်း
“ ကျွဲဂျိုမိစ္ဆာက ကိုင်တွယ်ဖို့အဆင်ပြေလိမ့်မယ်လို့ မထင်ဘူး။ သူ့ကို ထိန်းချုပ်နေတဲ့ အရာရှိလိမ့်မယ်လို့ ထင်ပါတယ်…”
“ ဘယ်လိုမျိုးလဲ….သူက တကယ်ဆို ငါ့ရဲ့လှောင်အိမ်ထဲက အိမ်မွေးတိရစ္ဆာန်တစ်ကောင်ပဲလေ။ ကျီရင်းက တမင်သူ့ကိုလွှတ်ပေးခဲ့တာမို့ ငါအဲ့အတွက် သူ့ကိုလည်းအပြစ်ဒဏ်ပေးပြီးပြီ။ ကျီရင်းက ဒီမှာမရှိတော့ဘူး….သူ့ကိုချုပ်ကိုင်နေတဲ့အရာ ဘာရှိနိုင်အုန်းမလဲ။”
တိဟွက တွေဝေစွာဖြေသည်။
“ ကျွန်တော် အဖြေကိုသိနိုင်စွမ်းမရှိပါဘူး”
“ အင်း…စဥ်းစားစရာပဲ။ အဲ့တာမှ ကျီရင်းရဲ့ညီမဖြစ်သူရော…အခုထိ ရူးကြောင်ကြောင်နိုင်နေတုန်းလား။ “
သူ့အကိုဖြစ်သူကို ယွင်းရန်ရှင်းပစ်လိုက်ပြီးတည်းက ညီမဖြစ်သူက ယွင်းရန်ကိုလိုက်နှောက်ယှက်နေခြင်းဖြစ်ပြီး တချိန်က ကျီရင်း၏မျက်နှာကြောင့်သာ ယွင်းရန် ထိုကောင်မလေးကို ဥပက္ခာပြုထားခြင်းဖြစ်သည်။ တိဟွက ဖြေသည်။
“ လောလောဆယ်တော့ ပြန်ငြိမ်နေပြန်ပါပြီ။ “
“ ကောင်းပြီ”
ယွင်းရန်က အဆောင်အမိုးပေါ်မှပင် နျူးဝင်သွားသောအဆောင်သို့သွားရန် ကိုယ်ကိုဖော့ကာ ဖြည်းညှင်းစွာပဲ ခုန်ဆင်းလာခဲ့သည်။ တိဟွကလည်း နောက်မှလိုက်ဆင်းလိုက်သည်။
*ဖောင်း.!!!*
ယွင်းရန်တို့ အောက်ကိုရောက်သည်နှင့် ထိုအဆောင်အတွင်းမှ ပေါက်ကွဲသံကြီးကပေါ်ထွက်လာလေတော့သည်။ မီးတောက်တချို့ပေါ်ထွက်လာပြီးတဲ့နောက် အခိုးအငွေ့တစ်ချို့ပါ ပေါ်ထွက်လာလေတော့သည်။ အပျက်အစီးတချို့သည်လည်း လွှင့်စင်ကာလာလေ၏။ ယွင်းရန်မှာ အနည်းငယ်ထိတ်လန့်သွားမိသည်။ တကယ်တမ်းတော့ သူအထဲသို့ဝင်သွားသော နတ်သူငယ်လေးကို စိတ်ပူမိတာမို့ပင်ဖြစ်ပြီး အသံကြားလိုက်ရသည်နှင့်တပြိုင်နက်ကိုပင် သူ၏လက်ကိုအပေါ်သိူ့မြှောက်လိုက်ကာ စွမ်းအားတချို့ထုတ်လွှတ်လိုက်ပြီး ထိုအဆောင်၏ပတ်လည်ဝန်းကျင်တစ်ခုလုံးကို ကြည်လင်ကာ အနီရောင်အဆင်းရှိသည့် ဒိုင်းသဘောမျိုး ကာချလိုက်သည်။ ထိုအရာ၏အပြင်ဘက်တွင်ရှိသော မည်သည့်အရာမဆို အထဲတွင် ဖြစ်ပျက်နေသမျှကို မြင်နိုင်ကြားနိုင်လိမ့်တော့မည်မဟုတ်ချေ။ အပြင်ဘက်ကနေကြည့်ပါက အရာအားလုံးသည် ပုံမှန်အတိုင်းသာ ဖြစ်နေလိမ့်တော့မည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
Part 22
Start from the beginning
