လျှို့ဝှက်ဆန်းပြားလောက〘Uni+Zaw〙

နတ်ဆိုးနဲ့လဲလှယ်ခြင်း(၉)

ကောင်းကင်ကနေ အရိပ်ကြီးတစ်ခု ပြုတ်ကျလာတာကို သူမမြင်လိုက်တယ်!

ကောင်းကင်မှ ထွက်လာသည့် ကျယ်လောင်လှသည့် ဆူညံသံကြီးကြောင့် ထိတ်လန့်သွားပြီး မိန်းကလေးကိုယ်ပေါ်ရှိ ကောင်လေးရဲ့ လက်တွေက ချက်ချင်း ပြန်ရုတ်သွားခဲ့သည်။ မိန်းကလေးကြောင့် သူ့တစ်ကိုယ်လုံးကလည်း မြေပြင်ပေါ် လဲကျသွားခဲ့သည်။

“ဒုတ်၊ ဒုတ်” သူတို့နှစ်ယောက်က အရမ်းနီးကပ်နေတာကြောင့် တခြားသူရဲ့ မြန်ဆန်နေသည့် နှလုံးခုန်သံကို ရှင်းလင်းစွာ ကြားနေရသည်။

မိန်းကလေးရဲ့ ခြေထောက်တွေက ပျော့ခွေနေခဲ့သည်။

ကောင်လေးရဲ့ ကိုယ့်ကိုကိုယ် တန်ဖိုးထားခြင်းက အရမ်းမြင့်မားတာကြောင့် ခုန်ထွက်လုနီးပါး ကြောက်လန့်နေသည့် နှလုံးသားအား တည်ငြိမ်အောင်လုပ်ကာ ထ,ရပ်ဖို့လုပ်လိုက်သည်။ မိန်းကလေးက သူ့အား ကြောက်လန့်နေသည့် မျက်နှာထားနှင့် စိုးရိမ်စွာ ကြည့်လာခဲ့ပြီး တစ်ဖက်လူရဲ့ အင်္ကျီအား ဆွဲလိုက်ပြီး တုန်ရီနေသည့်အသံဖြင့် ပြောလိုက်သည်။ “ကျွန်မတို့ ဘာလုပ်ကြမလဲ?”

သူမမျက်နှာက ဖြူဖျော့နေပြီး သူမခန္ဓာကိုယ်က စိုးထိတ်နေမှုကြောင့် တုန်ရီနေသည်။

ကောင်လေးက သူမထက် အများကြီး ကောင်းမနေပေ။ သူက တံတွေးကို မျိုချလိုက်ပြီး သူ့မျက်တောင်တွေက ဆက်တိုက်လှုပ်ရှားနေကာ သူ့ခြေထောက်တွေက အနည်းငယ် အားနည်းနေသည်။

မိန်းကလေးက သူလှုပ်ရှားမှာကို စောင့်နေသလိုမျိုး သူမအကြည့်တွေက ကောင်လေးအပေါ်တွင်သာ ရှိနေသည်။

ကောင်လေးက နဖူးထက်တွင် ချွေးတွေကျနေရင်း ပြုံးဖို့ကြိုးစားလိုက်ပြီး ကောင်မလေးအား ထ,ရပ်နိုင်ဖို့ ကူညီလိုက်သည်။ နောက်ဆုံးတော့ ကောင်မလေးရဲ့ စိုက်ကြည့်မှုကြောင့် အကူအညီမဲ့စွာ ပြန်ဖြေလိုက်သည်။ “ဘယ်လို... ကိုယ်တို့ အဲ့ကိုလျှောက်သွားကြည့်ကြမလား?”

ကောင်မလေးက ထိုစကားတွေကြောင့် ခေါင်းကိုပြင်းထန်စွာ ခါလိုက်သည်။ သူမအသိဉာဏ်က ကြောက်လန့်မှုကြောင့် ပျောက်ဆုံးနေပေမဲ့ နောက်ဆုံးတော့ ငိုကြွေးကာ ပြောလိုက်သည်။ “အိုကေ၊ အိုကေ”