Hedgehog And Tiger [Myanmar Translation]

|75|

"အဘွားသက်သာရဲ့လား? မနက်ဖြန်ကျရင် လေယာဉ်လက်မှတ်ဖြတ်လိုက်တော့မယ်!"

"သက်သာပါတယ်၊ ဆေးစစ်ချက်ကတော့ မနက်ဖြန်မှထွက်မှာ။ မင်းက စာမေးပွဲအတွက်ပြင်ဆင်နေတာမဟုတ်လား? ဘာလို့ ဒီအထိလာမှာလဲ?"

ဟယ်ရှင်းချွမ်က စိတ်ဆိုးသွားပုံပါပဲ
"ဟေး! သူမက ငါ့အဘွားရောမဟုတ်လို့လား!? ဘာလို့မလာနိုင်ရမှာလဲ!? ထန်ကောက ပြောရခက်လိုက်တာ!"

အဘွားက ဟယ်ရှင်းချွမ်ရဲ့အော်ဟစ်သံလေးကို ကြားသွားတယ်
"အတန်းဖော်လေးလား?"

"ဟုတ်တယ်၊ ဒီအထိလိုက်လာမယ်လုပ်နေလို့။ သူကစာမေးပွဲရှိနေတော့၊ ကျွန်တော်က မလာစေချင်ဘူးလေ"

အဘွားက ပြောလာတယ်
"ငါ့ကိုဖုန်းပေး၊ သူ့ကို ငါပြောလိုက်မယ်"

"အဘွား! ဘာမှစိတ်မပူနဲ့နော်! ကျွန်တော် မနက်ဖြန်လာခဲ့မယ်!"

"လိမ္မာတဲ့ကောင်လေး! ဒီကိုဘာလာလုပ်မှာလဲ? စာသာကြိုးစားစမ်းပါ! ဒီမှာထန်ထန်လည်း ရှိနေတာပဲဟာ!"

"အဘွား ကျွန်တော်အဆင်ပြေပါတယ်။ စာမေးပွဲဖြေဖို့က လဝက်တောင်လိုသေးတာ! အချိန်မှီသေးတယ်!"

"အဘွားစကားကို နားထောင်မယ်မလား? သားအရင် စာမေးပွဲဖြေလိုက်နော်၊ ပြီးတော့မှ ထန်ထန်နဲ့အတူ အိမ်လိုက်လာခဲ့။ ဝက်နံရိုးကင်လုပ်ကျွေးမယ်လေ"

ဟယ်ရှင်းချွမ်နဲ့စကားတစ်ချို့ပြောပြီးနောက်မှာ၊ အဘွားက ဖုန်းချလိုက်တယ်။
စိတ်ခံစားချက်တို့တော့ ကောင်းမွန်နေပုံပါပဲ။

"အတန်းဖော်လေးက နောက်ဆုံးစာမေးပွဲတောင် ဖြေနေရပြီလား?"

"...တရားခွင်ဆိုင်ရာရှေ့နေစာမေးပွဲ"

"ဟုတ်လား!?"

"ဝတ်လုံတော်ရရှေ့နေမျိုးလေ"

...

"ဘာကိုဆိုလိုတာလဲ...?"

"...ခြေထောက်ဒဏ်ရာက အဓိကမဟုတ်ဘူး။ ဒါပေမဲ့ တခြားနေရာတွေမှာရှာတွေ့ထားတာ..."
ဆရာဝန်က ဖလင်တစ်ချပ်ထုတ်ပြလာတယ်၊ တစ်နေရာကို လက်ညှိုးထောက်ပြကာ
"အစာပြွန်ကင်ဆာဖြစ်နိုင်ချေရှိနေတယ်၊ ပိုပြီးစစ်ဆေးရဦးမယ်ဆိုပေမဲ့..."