Realm of the West

Chapter 8: Visitor

Tahimik akong nakatayo sa harapan ng salamin sa loob ng silid ni Scarlette.

Hindi ko inalis ang paningin sa repleksiyon ko at marahang inangat ang kamay at hinawakan ang pulang buhok nito. Napabuntong-hininga na lamang ako at wala sa sariling napatingin sa kabuuan ng silid.

"Anong klaseng pamumuhay ang mayroon ka sa lugar na ito, Scarlette? This place... mas malala pa yata ang sitwasyon dito kaysa sa Northend." Napailing na lamang ako at muling tiningnan ang repleksiyon sa salamin. "You need to help me, Scarlette. Kailangan ko ang mga alaala mo. Kailangan ko ito para matulungan ko ang pamilya mo dito sa Oracle."

Muli akong napabuntong-hininga at umalis na sa harapan ng salamin. Bumalik ako sa kama at marahang naupo sa gilid nito. Tumingin ako sa kawalan habang binabalikan lahat ng impormasyong mayroon ako ngayon.

Scarlette's mother, Demetria, was the former Head Seer of Oracle. Patay na ito ngayon at ang kapatid nito ang sumunod na namuno sa buong Oracle. Matilda Rose o mas kilala bilang Miss M, siya ang kasalukuyang Head Seer na kung tama ako, hindi ganoon kalakas ang awtoridad dito kaysa sa kapatid niya. I can't say that she's being controlled by someone else, someone more powerful than her, but with the precognition I saw earlier, looks like some high rank Seers are attacking her using the death of Scarlette's mother.

"Demetria," mahinang sambit ko sa pangalan ng ina ni Scarlette. "What really happened to her? Bakit nakita ko itong kasama ng hari ng Evraren? Did she really betrayed her own kind? Did she really betrayed Oracle?"

Come on! Kulang na kulang ang impormasyong mayroon ako ngayon! Hindi ako maaring maghintay na lamang sa susunod na precognition na makikita ko tungkol sa mga nangyari sa lugar na ito! I need to do something here! I need more information to solve this puzzle!

Napatampal na lamang ako sa noo ko at akmang ibabagsak ko na sana ang katawan sa kamang kinauupuan noong bigla akong natigilan sa pagkilos. Napaawang ang mga labi ko at napakurap na lamang noong maramdaman ko ang isang malakas na enerhiya sa paligid.

What the hell?

Mabilis akong napatayo at naglakad patungo sa bintana ng silid. Agad kong hinawi ang kurtinang naroon at pinagmasdan ang paligid sa labas ng gusaling kinaroroonan.

"This power... Kilala ko ang nagmamay-ari ng kapangyarihang ito!" bulalas ko at mabilis na umatras palayo sa bintana. Hindi na ako nagdalawang-isip pa at mabilis na ikinilos ang mga paa. Dali-dali akong nagtungo sa pinto ng silid at binuksan ito.

"Scarlette!"

Hindi ko pa naisasara ang pinto ng silid ko noong marinig ko ang boses ni Enzo. Napabaling ako sa gawi nito at namataan ang pagtakbo nito papalapit sa puwesto ko.

"You feel it, too?" tanong niya na siyang ikinataas ng isang kilay ko. "That power." Huminga muna ito bago pinagpatuloy ang pagsasalita sa harapan ko. "Someone's here at sa kanya nanggagaling ang kapangyarihang bumabalot sa buong Oracle ngayon."

"Kaninong kapangyarihan ito?" tanong ko at nagsimula na akong maglakad palayo sa silid ko. Mabilis namang sumunod sa akin si Enzo at nagpatuloy sa pagsasalita.

"Someone from Northend is here," mabilis na sambit ni Enzo na siyang ikinatigil ko sa paghakbang ng mga paa. Gulat kong binalingan si Enzo at namataan ang pagtango nito sa akin. Damn, I was right! I knew it! Kilala ko ang nagmamay-ari sa kapangyarihang ito! "Ang sabi mo noon ay nanggaling ka sa Northend. Please, help us. We don't know how to deal with them! We're just Seers here, Scarlette. Anong laban namin sa isang elite group ng mga mandirigma mula sa ibang realm ng Azinbar?"

"Sino ang narito sa Oracle, Enzo?" matamang tanong ko sa tila takot na si Enzo. Kita ko ang pagpahid nito ng pawis sa noo at umayos nang pagkakatayo. Akmang magsasalita na sanang muli ito noong biglang dumating naman si Isobelle at mabilis na nilapitan kaming dalawa ng kaibigan nito.